1 Peddyr 1:8 - Yn Conaant Noa 1810

⁸ Ersyn ta shiu graihagh, ga nagh vel shiu er vakin eh; ayn, ga nagh vel shiu nish fakin eh, ny‐yeih credjal, ta shiu goaill boggey lesh boggey erskyn insh, as lane dy ghloyr:

Yn Vible Casherick 1775 1819

⁸ Ersyn ta shiu graihagh, ga nagh vel shiu er vakin eh; ayn, ga nagh vel shiu nish fakin eh, ny-yeih credjal, ta shiu goaill boggey lesh boggey erskyn insh, as lane dy ghloyr:

1 Peddyr 1:8 ပူးပေါင်းရင်းမြစ်များ

Noo Mian 10:37

Eshyn ta ny s’graihee er ayr ny moir na orrym’s, cha vel eh feeu jee’m: as eshyn ta ny s’graihee er mac ny inneen na orrym’s, cha vel eh feeu jee’m.

Noo Ean 14:15

My ta shiu graihagh orrym’s, freill‐jee my annaghyn.

Noo Ean 14:21

Eshyn ta my annaghyn’s echey, as ta freayll ad, eshyn eh ta graihagh orrym’s: as eshyn ta graihagh orrym, ver my Ayr graih da, as ver‐yms graih da, as soilshee‐ym mee hene da.

Noo Ean 14:24

Eshyn nagh vel graihagh orrym’s, cha vel eh freayll my ghoan: as y goo ta shiu dy chlashtyn, cha nee lhiam’s eh, agh goo yn Ayr t’er my choyrt.

Noo Ean 16:22

As ta nish er‐y‐fa shen trimshey euish: agh hee‐yms shiu reesht, as gowee yn cree eu boggey, as y boggey eu cha gow dooinney erbee veue.

Noo Ean 20:29

Dooyrt Yeesey rishyn, Homase, Er‐y‐fa dy vel oo er my akin, t’ou er chredjal; bannit t’adsyn nagh vel er vakin, as foast ta er chredjal.

Noo Ean 8:42

Dooyrt Yeesey roo, Dy beagh Jee yn Ayr eu, veagh shiu graihagh orrym’s; son hie mee magh, as haink mee veih Jee; as cha daink mee jee’m pene, agh eshyn t’er my choyrt.

Jannoo 16:34

As tra v’eh er chur lesh ad stiagh ayns e hie, hoie eh bee rhymboo, as ghow eh hene as ooilley e hie boggey, as chred ad ayns Jee.

Romanee 14:17

Son cha nee bee ny jough reeriaght Yee, agh cairys, as shee as boggey ayns y Spyrryd Noo.

Romanee 15:13

Nish dy jean y Jee dy hreishteil shiuish y lhieeney lesh dy chooilley voggey as shee ayns credjal, dy vod shiu bishaghey ayns treishteil trooid pooar y Spyrryd Noo.

1 Corinthianee 16:22

My ta dooinney erbee nagh vel graih echey er y Chiarn Yeesey Creest, lhig da ve Anathema, Maran‐atha.

2 Corinthianee 1:22

Ta myrgeddin er sealal shin, as ta coyrt dooin eearlys y Spyrryd ayns nyn greeaghyn.

2 Corinthianee 12:4

Kys dy row eh er ny ghoaill seose gys paradise, as cheayll eh goan erskyn insh, lheid as nagh vel lowit da dooinney dy ockley.

2 Corinthianee 4:18

Choud as ta sooill ain, cha nee er ny reddyn ta ayns fakin, agh er ny reddyn nagh vel ayns fakin: son cha vel ny reddyn t’ayns fakin agh son tammylt; agh ny reddyn nagh vel ayns fakin, t’ad dy bragh farraghtyn.

2 Corinthianee 5:7

(Son ta shin gimmeeaght liorish credjue, cha nee liorish shilley sooilley.)

2 Corinthianee 9:15

Booise dy row gys Jee son e ghioot erskyn‐insh.

Galatianee 5:22

Agh ta mess y Spyrryd, graih, boggey, shee, surranse‐foddey, ymmyrkey meigh, mieys, firrinys,

Galatianee 5:6

Son ayns Yeesey Creest, cha vel giarey‐chymmylt jeh veg y vondeish, ny an‐ghiarey‐chymmylt, agh credjue ta gobbraghey liorish graih.

Ephesianee 3:19

As dy hoiggal graih Chreest, ta erskyn tushtey, dy vod shiu ve jeant magh lesh ooilley laanid Yee.

Ephesianee 6:24

Grayse dy row mâroosyn ooilley shynney lhieu yn Chiarn Yeesey Creest ayns ynrickys. Amen.

Philippianee 1:25

As ayns treishteil shickyr jeh shoh, ta fys aym dy bee’m bio as dy jean‐ym tannaghtyn mêriuish ooilley, dy choyrt er y hoshiaght nyn moggey as nyn gredjue:

Philippianee 3:3

Son ta shinyn yn giarey‐chymmylt, ta cur ooashley da Jee ayns y spyrryd, as boggyssagh ayns Creest Yeesey, as cha vel shin coyrt barrant erbee gys yn eill:

Philippianee 4:4

Gow‐jee boggey ayns y Chiarn dy kinjagh, as reesht ta mee gra, Gow‐jee boggey.

Hebrewnee 11:1

Nish ta credjue slane bree ny reddyn ta shin treishteil dy gheddyn, shickyrys reddyn nagh vel [foast] ry akin.

Hebrewnee 11:27

Liorish credjue daag eh Egypt, gyn aggle er roish jymmoose y ree: son ren eh gymmyrkey eh dy dunnal, myr ’sy chilley echeysyn ta ass fakin.

1 Peddyr 1:6

Son shoh ta shiu goaill mooarane boggey, ga nish son tammylt beg (my she aigney Yee eh) ta shiu ayns trimshey trooid ymmodee seaghyn:

1 Peddyr 2:7

Diuish er‐y‐fa shen ta credjal, t’eh deyr: agh dauesyn ta mee‐viallagh, ta’n chlagh ren ny masoonee y vee‐lowal, er jeet dy ve yn ard‐chlagh chorneilagh,

1 Peddyr 5:4

As tra hig yn Ard‐vochilley kionfenish, yiow shiu attey dy ghloyr nagh jean fioghey ersooyl.