1 Peddyr 1:6 - Yn Conaant Noa 1810

⁶ Son shoh ta shiu goaill mooarane boggey, ga nish son tammylt beg (my she aigney Yee eh) ta shiu ayns trimshey trooid ymmodee seaghyn:

Yn Vible Casherick 1775 1819

⁶ Son shoh ta shiu goaill mooarane boggey, ga nish son tammylt beg (my she aigney Yee eh) ta shiu ayns trimshey trooid ymmodee seaghyn:

1 Peddyr 1:6 ပူးပေါင်းရင်းမြစ်များ

Noo Mian 11:28

Tar‐jee hym’s oilley shiuish ta deinagh as trome laadit, as neem’s shiu y ooraghey.

Noo Mian 26:37

As ghow eh mârish Peddyr, as daa vac Zebedee, as ren eh toshiaght dy ve trimshagh as trome‐chreeagh.

Noo Mian 5:12

Gow‐jee boggey as bee‐jee erskyn‐towse gennal: son ’smooar ta nyn leagh ayns niau: son shoh myr ren ad tranlaase er ny phadeyryn va rhymbiu.

Noo Luke 1:47

As ta my spyrryd er ghoaill boggey ayns Jee my Haualtagh.

Noo Luke 10:20

Ny‐yeih ayns shoh ny gow‐jee boggey, dy vel ny spyrrydyn biallagh diu: agh gow‐jee boggey smoo, dy vel ny enmyn eu scruit ayns niau.

Noo Luke 2:10

As dooyrt yn ainle roo, Ny bee aggle erriu: son cur‐my‐ner, ta mish coyrt lhiam hiu naightyn mie dy voggey mooar vees gys dy chooilley phobble.

Noo Ean 16:22

As ta nish er‐y‐fa shen trimshey euish: agh hee‐yms shiu reesht, as gowee yn cree eu boggey, as y boggey eu cha gow dooinney erbee veue.

Noo Ean 16:33

Ny reddyn shoh ta mee er loayrt riu, aynym’s dy vod shee y ve eu. Ayns y theihll vees seaghyn eu: agh bee‐jee dy yien mie, ta mish er gheddyn barriaght er y theihll.

Jannoo 14:22

Niartaghey anmeenyn ny Creesteenyn, as coyrlaghey ad dy hannaghtyn ayns y chredjue, as dy nhegin dooin trooid ymmodee seaghyn goll stiagh ayns reeriaght Yee.

Romanee 12:12

Gennal ayns treishteil; surransagh ayns seaghyn; tannaghtyn kinjagh ayns padjer:

Romanee 5:11

As cha nee ynrycan shen, agh ta shin goaill boggey ayns Jee, trooid nyn Jiarn Yeesey Creest, liorishyn ta shin nish er n’gheddyn y choardail.

Romanee 5:2

Liorishyn myrgeddin ta shin goit stiagh liorish credjue gys y ghrayse shoh ayn ta shin shassoo, as ta shin goaill boggey ayns treishteil dy ghloyr Yee.

Romanee 9:2

Dy vel aym trimshey trome as dobberan kinjagh ayns my chree.

2 Corinthianee 4:17

Son ta’n seaghyn eddrym ain, nagh vel agh son shallid, gobbraghey nyn gour towse erskyn earroo foddey smoo as dy bragh farraghtyn dy ghloyr;

2 Corinthianee 6:10

Myr lane dy hrimshey, foast dy kinjagh gennal; myr boghtyn, foast jannoo ymmodee berchagh; myr nagh beagh ain nhee erbee, as foast dy chooilley nhee ain.

Galatianee 5:22

Agh ta mess y Spyrryd, graih, boggey, shee, surranse‐foddey, ymmyrkey meigh, mieys, firrinys,

Philippianee 2:26

Son ghow eshyn foddiaght ny yeï eu ooilley, as v’eh lane dy hrimshey, er‐yn‐oyr dy row clashtyn eu dy row eh er ny ve ching.

Philippianee 3:3

Son ta shinyn yn giarey‐chymmylt, ta cur ooashley da Jee ayns y spyrryd, as boggyssagh ayns Creest Yeesey, as cha vel shin coyrt barrant erbee gys yn eill:

Philippianee 4:4

Gow‐jee boggey ayns y Chiarn dy kinjagh, as reesht ta mee gra, Gow‐jee boggey.

1 Thessalonianee 1:6

As haink shiu dy ve eiyrtyssee orrin, as er y Chiarn, myr va shiu er ghoaill rish y goo ayns moorane seaghyn, lesh boggey yn Spyrryd Noo:

Jamys 1:2

My vraaraghyn, jeeagh‐jee er myr oyr dy ard‐voggey tra huittys shiu ayns caghlaghyn dy heaghyn;

Jamys 1:9

Lhig da’n braar jeh stayd injil goaill boggey ayns dy vel eh er ny hroggal seose;

Jamys 4:9

Bee‐jee seaghnit, as jean‐jee dobberan as keayney: lhig da’n gharaghtee eu ve chyndaait gys dobberan, as y reaïd eu gys trimshey.

1 Peddyr 3:17

Son te ny share, my she aigney Yee eh, dy jean shiu surranse son jannoo dy mie, na son jannoo dy olk.

1 Peddyr 4:7

Agh ta jerrey dy chooilley nhee er‐gerrey: bee‐jee er‐y‐fa shen sheelt, as watch‐jee gys padjer.

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey,