1 Peddyr 1:22 - Yn Conaant Noa 1810

²² Fakin dy vel shiu er chasherickey nyn anmeenyn ayns cur biallys da’n irriney trooid y Spyrryd, gys graih firrinagh jeh ny braaraghyn; jeeagh dy bee‐jee dy jeean graihagh yn derrey yeh er y jeh elley lesh cree glen:

Yn Vible Casherick 1775 1819

²² Fakin dy vel shiu er chasherickey nyn anmeenyn ayns cur biallys da’n irriney trooid y Spyrryd, gys graih firrinagh jeh ny braaraghyn; jeeagh dy bee-jee dy jeean graihagh yn derrey yeh er y jeh elley lesh cree glen:

1 Peddyr 1:22 ပူးပေါင်းရင်းမြစ်များ

Noo Ean 15:17

Ny reddyn shoh ta mish dy harey diu, dy vod shiu ve graihagh yn derrey yeh er y jeh elley.

Noo Ean 15:3

Nish ta shiuish glen trooid y goo ta mish er loayrt riu.

Noo Ean 17:17

Jean ad y chasherickey son dty irriney: dty ghoo she firrinys eh.

Noo Ean 17:19

As er y graih ocsyn ta mish dy chasherickey mee hene, dy vod adsyn myrgeddin v’er nyn gasherickey gys yn irriney.

Jannoo 15:9

As cha dug eh liettrimys erbee eddyr adsyn as shinyn, casherickey ny creeaghyn oc liorish credjue.

Jannoo 6:7

As ren goo Yee bishaghey: as daase earroo ny credjuee ny smoo as ny smoo ayns Jerusalem; as haink sheshaght vooar jeh ny saggyrtyn dy ve biallagh gys y chredjue.

Romanee 1:5

Liorishyn ta shin er n’gheddyn grayse as ostyllys son biallys gys y chredjue mastey dy chooilley ashoon liorish yn ennym echey:

Romanee 2:8

Agh dauesyn ta anveagh, as nagh vel coyrt biallys da’n irriney, agh geiyrt da neu‐ynrickys; jymmoose as corree;

Romanee 8:13

Son my ta shiu beaghey lurg yn eill, yiow shiu baase: agh my ta shiu trooid y Spyrryd cur naardey obbraghyn y challin, bee shiu bio.

2 Corinthianee 6:6

Liorish glennid‐bea, liorish lushtey, liorish surranse‐foddey, liorish kenjallys, liorish y Spyrryd Noo, liorish graih gyn foalsaght,

Galatianee 3:1

O Ghalatianee vee‐hushtagh, quoi ta er chleaynaghey shiu, nagh vel shiu biallagh gys yn irriney, kiongoyrt rish nyn sooillyn hene ta Yeesey Creest dy baghtal er ny ve soit magh, er ny chrossey nyn mast’ eu.

Galatianee 5:5

Son ta shinyn trooid y Spyrryd farkiaght son y treishteil dy chairys liorish credjue.

Galatianee 5:7

Hie shiu er nyn doshiaght dy mie, quoi ren shiu y lhiettal veih biallys ’choyrt da’n irriney?

Ephesianee 4:3

Imneagh dy reayll unnaneys y Spyrryd ayns y kiangley dy hee.

Philippianee 1:9

As shoh ta mee guee, dy vod y ghraih eu bishaghey foast ny smoo as ny smoo ayns fysseree, as ayns dy chooilley vriwnys:

1 Thessalonianee 3:12

As dy der y Chiarn erriuish gaase as bishaghey ayns graih yn derrey yeh da’n jeh elley, as da dy chooilley gooinney, dy jarroo myr ta shin diuish:

2 Thessalonianee 1:3

Ta shin kianlt dy choyrt booise kinjagh gys Jee er nyn son eu, vraaraghyn, myr te cooie, son dy vel y credjue eu cheet er‐ash ny smoo as ny smoo, as graih dagh unnane eu dy cheilley bishaghey.

2 Thessalonianee 2:13

Agh ta shin kianlt dy chur booise kinjagh da Jee er nyn son, vraaraghyn, graihagh ayns y Chiarn son dy vel Jee er‐dyn toshiaght er reih shiu gys saualtys, trooid casherickys y Spyrryd, as credjue jeh’n irriney:

1 Timothy 1:3

Myr ghuee mee ort dy uirriaght kinjagh ec Ephesus, tra hie mee gys Macedonia, dy voddagh oo raaue y choyrt da paart gyn dy ynsaghey sushtal erbee elley,

1 Timothy 1:5

Nish ta graih lhieeney yn anney, ayns cree glen, as cooinsheanse vie, as credjue firrinagh:

1 Timothy 4:12

Ny lhig da dooinney erbee beg y hoiaghey jeh dty aegid, agh bee dty hampleyr dauesyn ta credjal, ayns goo, ayns ymmykey‐bea, ayns graih, ayns spyrryd, ayns credjue, ayns glennid.

1 Timothy 5:2

Ny mraane shinney myr moiraghyn, ny [mraane] saa myr shayraghyn, lesh dy chooilley ghlennid.

2 Timothy 1:14

Yn gioal mie shen v’er ny choyrt fo dty chiarail, freill liorish y Spyrryd Noo ta beaghey aynin.

Hebrewnee 11:8

Liorish credjue tra va Abraham er ny eam dy gholl magh gys ynnyd v’eh lurg shen dy gheddyn son eiraght, v’eh biallagh; as jimmee eh magh, gyn fys echey cre gys v’eh goll.

Hebrewnee 13:1

Lhig da graih braaragh tannaghtyn.

Hebrewnee 5:9

As myr shoh er ny chasherickey, haink eh dy ve bun y taualtys dy bragh farraghtyn dauesyn ooilley ta coyrt biallys da;

Hebrewnee 6:10

Son cha vel Jee neu‐chairagh, dy jarrood eh ny obbraghyn as y laboraght euish dy ghraih, ta shiu er hoilshaghey er coontey’n ennym echey, ayns dy vel shiu er hirveish er ny nooghyn, as ta foast shirveish [orroo].

Hebrewnee 9:14

Cre‐woad smoo nee fuill Chreest, ren eh hene y oural gyn foill gys Jee trooid y Spyrryd dy bragh beayn, yn chooinsheanse euish y ghlenney veih obbraghyn marroo dy hirveish y Jee bio?

Jamys 1:21

Shen‐y‐fa cur‐jee dy lhiattee dy chooilley neu‐ghlennid, as rouyr dy olkys, as gow‐jee lesh meenid yn goo ta fraueit ayndiu, ta fondagh dy hauail nyn anmeenyn.

Jamys 4:8

Tayrn‐jee er‐gerrey gys Jee, as tayrnee eshyn er gerrey diuish: niee jee nyn laueyn, shiuish pheccee, as glen‐jee nyn greeaghyn, shiuish dy aigney ghooble.

1 Peddyr 1:2

Reiht cordail rish tushtey ro‐laue Yee yn Ayr, trooid casherickys y Spyrryd gys biallys, as gys spreih fuill Yeesey Creest: Grayse dy row hiu, as shee dy row er ny vishaghey.

1 Peddyr 2:17

Cur‐jee onnor da dy chooilley ghooinney. Bee‐jee graihagh er ny braaraghyn [creestee]. Gow‐jee aggle roish Jee. Cur jee onnor da’n ree.

1 Peddyr 3:1

Myrgeddin, shiuish vraane‐poost, bee‐jee ayns biallys da ny sheshaghyn eu; my ta veg jeusyn nagh vel biallagh da’n goo, dy vod ad myrgeddin fegooish y goo ve er ny chosney liorish ymmyrkey‐bea ny mraane.

1 Peddyr 3:20

Va roish nish mee‐viallagh, tra ren surranse‐foddey Yee farkiagh ayns laghyn Noah, choud as va’n arg dy hroggal; ayn‐jee va beggan‐beg, ta shen, hoght anmeenyn, er nyn sauail liorish ushtey.

1 Peddyr 3:8

Er‐jerrey, bee‐jee ooilley jeh un aigney, chymmoil yn derrey yeh jeh’n jeh elley, cur‐jee graih myr braaraghyn, bee‐jee lane dy hymmey, bee‐jee dooie:

1 Peddyr 4:17

Son ta’n traa tayrn er‐gerrey dy vel briwnys dy ghoaill toshiaght ec thie Yee: as my she orrinyn hig eh hoshiaght, cre’n erree hig orroosyn nagh vel cur biallys da sushtal Yee?

1 Peddyr 4:8

As erskyn dy chooilley nhee lhig da graih jeean ve eu dy cheilley: son nee graih coodaghey ymmodee peccaghyn.

2 Peddyr 1:7

As gys craueeaght, kenjallys braaragh; as gys kenjallys braaragh, graih.

1 Ean 3:11

Son shoh’n chaghteraght ta shiu er chlashtyn er‐dyn toshiaght, dy lhisagh shin ve graihagh yn derrey yeh er y jeh elley.

1 Ean 3:23

As shoh yn sarey echey, Dy jean mayd credjal ayns ennym e Vac Yeesey Creest, as graih y choyrt yn derrey yeh da’n jeh elley, myr t’eh er choyrt sarey dooin.

1 Ean 4:12

Cha vel dooinney erbee er vakin Jee ec traa erbee. My ta shin graihagh yn derrey yeh er y jeh elley, ta Jee tannaghtyn aynin, as ta’n ghraih echey dy firrinagh aynin.

1 Ean 4:20

My ta dooinney gra, Ta graih aym er Jee, as dwoaie echey er e vraar, t’eh ny vreagerey: son eshyn nagh nhynney lesh e vraar t’eh er vakin, kys oddys eh graih y choyrt da Jee nagh vel eh er vakin?

1 Ean 4:7

Chaarjyn ghraihagh, lhig dooin graih y choyrt yn derrey yeh da’n jeh elley: son ta graih jeh Jee; as ta dy chooilley unnane ta graihagh, er ny ruggey jeh Jee, as shione da Jee.

Ashlish 2:4

Ny‐yeih ta red ennagh aym dt’oï, er‐yn‐oyr dy vel oo er hreigeil dty chied ghraih.