1 Peddyr 1:2 - Yn Conaant Noa 1810

² Reiht cordail rish tushtey ro‐laue Yee yn Ayr, trooid casherickys y Spyrryd gys biallys, as gys spreih fuill Yeesey Creest: Grayse dy row hiu, as shee dy row er ny vishaghey.

Yn Vible Casherick 1775 1819

² Reiht cordail rish tushtey ro-laue Yee yn Ayr, trooid casherickys y Spyrryd gys biallys, as gys spreih fuill Yeesey Creest: Grayse dy row hiu, as shee dy row er ny vishaghey.

1 Peddyr 1:2 ပူးပေါင်းရင်းမြစ်များ

Noo Mian 24:22

As mannagh beagh ny laghyn shen dy leah harrish, cha beagh dooinney bio er ny hauail: agh er graih yn chloan reiht, bee ny laghyn shen dy leah harrish.

Noo Mian 24:24

Son nee Creestyn foalsey, as phadeyryn foalsey girree, as cowraghyn mooarey as yindyssyn y hoilshaghey, ayns wheesh (my oddagh eh ve) dy jinnagh ad molley yn eer chloan reiht.

Noo Mian 24:31

As ver eh magh e ainleyn lesh yn trumpet dy ard‐choraa, as nee ad e chloan reiht y haglym cooidjagh veih ny kiare geayghyn, veih’n derrey ard fo’n aer gys yn ard elley.

Noo Mark 13:20

As mannagh beagh y Chiarn dy leah er n’ghoaill ny laghyn shen giare, cha beagh dooinney bio er ny hauail: agh er graih e chloan reiht t’eh er n’yannoo giare ny laghyn:

Noo Mark 13:22

Son nee Creestyn foalsey, as phadeyryn foalsey girree, as cowraghyn as yindyssyn y hoilshaghey, dy volley, my oddagh eh ve, yn eer chloan reiht.

Noo Mark 13:27

As eisht ver eh magh e ainleyn, as nee eh e chloan reiht y haglym cooidjagh veih ny kiare geayghyn, veih ny ardjyn sodjey magh jeh’n ooir, gys ny ardjyn sodjey magh jeh’n aer.

Noo Luke 18:7

As nagh jean Jee cooilleeney ass lieh e chloan reiht hene, ta geamagh huggey oie as laa, ga dy vel eh foddey lhiggey shaghey?

Jannoo 15:18

Ec Jee ta fys er ooilley e obbraghyn hene, er‐dy hoshiaght y theihll.

Jannoo 2:23

Eshyn, va currit diu liorish oardagh ro‐laue as fysserree Yee, ta shiuish er ghoaill, as lesh laueyn mee‐chrauee er chrossey as er varroo.

Jannoo 20:32

As nish, vraaraghyn, ta mee chymney shiu gys Jee, as gys goo e ghrayse, ta abyl nyn droggal shiu seose, as eiraght y chur diu nyn mast’ ocsyn ooilley ta er nyn gasherickey.

Romanee 1:5

Liorishyn ta shin er n’gheddyn grayse as ostyllys son biallys gys y chredjue mastey dy chooilley ashoon liorish yn ennym echey:

Romanee 1:7

Dauesyn ooilley ta ’sy Raue, deyr gys Jee, eït dy ve nooghyn: Grayse dy row hiu, as shee veih Jee nyn Ayr, as y Chiarn Yeesey Creest.

Romanee 11:2

Cha vel Jee er hilgey jeh e phobble hene bione da ro‐laue. Nagh vel fys eu cre ta’n scriptyr dy ghra mychione Elias? kys t’eh jannoo accan gys Jee noi Israel, gra,

Romanee 11:28

As mychione y sushtal, she noidyn ad er y ghraih euish: agh liorish dy row ad reiht, ta graih er ny choyrt daue er coontey nyn ayraghyn.

Romanee 15:16

Dy beign’s shirveishagh Yeesey Creest gys ny Ashoonee, shirveish sushtal Yee, dy voddagh soiagh ve jeant jeh ny Ashoonee chebbit seose son oural, er ny chasherickey liorish y Spyrryd Noo.

Romanee 16:19

Son ta’n viallys euish er ny imraa mastey dy chooilley ghooinney. Ta mee er‐y‐fa shen goaill boggey er y lieh eu: agh ny‐yeih baillym shiu ve tastagh gys shen ny ta mie, as ôney mychione olk.

Romanee 16:26

Agh ta nish jeant cronnal, as liorish scriptyryn ny phadeyryn, cordail rish sarey yn Jee dy bragh farraghtyn, er ny hoilshaghey da dy chooilley ashoon son biallys da’n chredjue).

Romanee 8:13

Son my ta shiu beaghey lurg yn eill, yiow shiu baase: agh my ta shiu trooid y Spyrryd cur naardey obbraghyn y challin, bee shiu bio.

Romanee 8:33

Quoi ver nhee erbee gys lieh cloan reiht Yee? she Jee ta seyrey:

1 Corinthianee 1:30

Agh jehsyn ta shiuish ayns Creest Yeesey eshyn ta liorish Jee er ny yannoo dooinyn creenaght, as cairys, as casherickys, as livrey‐ys:

1 Corinthianee 6:11

As nyn lheid va paart euish: agh va shiu er nyn niee, agh va shiu er nyn gasherickey, agh va shiu er nyn seyrey ayns ennym y Chiarn Yeesey, as liorish Spyrryd yn Jee ain.

2 Corinthianee 10:5

Tilgey sheese resooney fardalagh, as dagh nhee mooaralagh ta soiaghey seose eh hene noi tushtey Yee, as coyrt lhien ayns cappeeys dy chooilley smooinaghtyn gys biallys Chreest:

2 Corinthianee 13:14

Grayse nyn Jiarn Yeesey Creest, as graih Yee, as sheshaght y Spyrryd Noo, dy row mêriu ooilley. Amen.

Colossianee 3:12

Cur‐jee erriu er‐y‐fa shen (myr cloan reiht Yee, casherick as graihagh) meeaghyn dy vyghin, kenjallys, injillid‐aigney, meenid, surranse‐foddey;

2 Thessalonianee 2:13

Agh ta shin kianlt dy chur booise kinjagh da Jee er nyn son, vraaraghyn, graihagh ayns y Chiarn son dy vel Jee er‐dyn toshiaght er reih shiu gys saualtys, trooid casherickys y Spyrryd, as credjue jeh’n irriney:

2 Timothy 2:10

Shen‐y‐fa ta mee surranse dy chooilley nhee er graih yn chloan reiht, dy vod adsyn neesht yn saualtys t’ayns Creest Yeesey y gheddyn, marish gloyr dy bragh beayn.

Titus 1:1

Paul sharvaant Yee, as ostyl Yeesey Creest, son credjue cloan reiht Yee, as goaill‐rish yn irriney, ta cordail rish craueeaght:

Hebrewnee 10:22

Lhig dooin tayrn er‐gerrey lesh cree firrinagh, ayns slane shickyrys dy chredjue, liorish nyn greeaghyn v’er nyn ghlenney veih drogh chooinsheanse, as nyn girp er nyn niee lesh ushtey glen.

Hebrewnee 11:28

Liorish credjue dreill eh yn chaisht, as spreih yn uill, nagh jinnagh eshyn ren stroie yn chied‐er‐ny‐ruggey lhie e laue orroo.

Hebrewnee 12:24

As gys Yeesey ta eddyr Jee as dooinney fo’n chonaant noa, as gys yn uill v’er ny gheayrtey, ta loayrt reddyn share na fuill Abel.

Hebrewnee 5:9

As myr shoh er ny chasherickey, haink eh dy ve bun y taualtys dy bragh farraghtyn dauesyn ooilley ta coyrt biallys da;

1 Peddyr 1:14

Myr cloan biallagh, cha nee cummey shiu hene cordail rish ny shenn chliaghtaghyn, ayns y vee‐hushtey eu:

1 Peddyr 1:19

Agh lesh fuill deyr Chreest, myr jeh eayn fegooish lheamys, as fegooish cron:

1 Peddyr 1:20

Va dy firrinagh er ny oardaghey ro‐laue er‐dy hoshiaght y theihll, agh er ny hoilshaghey ayns ny traaghyn s’jerree shoh er y ghraih euish.

1 Peddyr 1:22

Fakin dy vel shiu er chasherickey nyn anmeenyn ayns cur biallys da’n irriney trooid y Spyrryd, gys graih firrinagh jeh ny braaraghyn; jeeagh dy bee‐jee dy jeean graihagh yn derrey yeh er y jeh elley lesh cree glen:

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

2 Peddyr 1:2

Grayse as shee dy row er ny vishaghey erriu trooid tushtey dy Yee, as Yeesey nyn Jiarn,

2 Ean 1:1

Yn ostyl shinney gys y lady ooasle, as e cloan, shynney lhiam ayns yn irriney; as cha nee mish my lomarcan, agh myrgeddin adsyn ooilley ta toiggal oc jeh’n irriney;

2 Ean 1:13

Ta cloan dty huyr reiht cur bea as slaynt hood. Amen.

Jude 1:2

Myghin dy row hiu, as shee, as graih er nyn mishaghey.