1 Peddyr 1:13 - Yn Conaant Noa 1810

¹³ Shen‐y‐fa kiartee‐jee seose meeghyn nyn aigney, bee‐jee sheelt, as treisht‐jee gys y jerrey, son y ghrayse vees er ny choyrt diu tra vees Yeesey Creest er ny hoilshaghey;

Yn Vible Casherick 1775 1819

¹³ Shen-y-fa kiartee-jee seose meeghyn nyn aigney, bee-jee sheelt, as treisht-jee gys y jerrey, son y ghrayse vees er ny choyrt diu tra vees Yeesey Creest er ny hoilshaghey;

1 Peddyr 1:13 ပူးပေါင်းရင်းမြစ်များ

Noo Mian 20:4

As dooyrt eh roo, Immee‐jee shiuish myrgeddin gys y gharey‐feeyney, as cre‐erbee ta cair, shen yiow shiu. As hie ad rhymboo.

Noo Luke 12:35

Lhig da meeghyn eu ve crys‐sit, as ny cainleyn eu foaddit;

Noo Luke 17:30

Eer er yn aght cheddin vees eh er y laa vees yn Mac dooinney er ny hoilshaghey.

Noo Luke 17:8

As nagh jir hoshiaght rish, Fow aarloo my hibber, as kiartee oo hene dy hirveish orrym’s, derrey vee’m erreish gee as giu, as ny lurg shen nee uss gee as giu?

Romanee 13:13

Lhig dooin gimmeeaght dy onneragh myr ayns y laa; cha nee ayns rouanys as meshtyrys, cha nee ayns cloie as reaid, cha nee ayns streeu as troo:

Romanee 8:19

Son ta jerkal jeean yn chretoor farkiagh son y traa vees cloan Yee er ny hoilshaghey.

1 Corinthianee 1:7

Myr shen nagh vel shiu cheet er‐gooyl ayns gioot erbee; farkiagh son cheet y Chiarn Yeesey Creest;

1 Corinthianee 13:13

As nish ta ayn ny three grayseyn shoh, credjue, treishteil, as graih; agh yn grayse syrjey jeu shoh graih.

Ephesianee 6:14

Shass‐jee er‐y‐fa shen lesh nyn meeghyn kianlt mygeayrt lesh yn irriney, as erriu yn breast‐plate dy chairys;

Colossianee 3:4

Tra vees Creest, ta’n vea ain, er ny hoilshaghey, eisht nee shiuish neesht cheet kionfenish mârishyn ayns gloyr.

2 Thessalonianee 1:7

As diuish ta seaghnit, fea mârin, traa vees y Chiarn Yeesey er ny hoilshaghey veih niau marish e ainleyn niartal.

2 Timothy 4:5

Agh bee uss er dty arrey ayns dy chooilley nhee, bee surransagh fo seaghyn, cooilleen obbyr sushtallagh, cur slane prowal jeh dty oik.

2 Timothy 4:8

Veih shoh magh ta tashtit seose my chour attey dy chairys, nee yn Chiarn yn briw cairagh y chur dooys ec y laa shen: as cha nee dooys my lomarcan, agh dauesyn ooilley myrgeddin ta graihagh er y cheet echey.

Hebrewnee 10:35

Ny lhig‐jee veue, er‐y‐fa shen, yn dunnallys eu, ny gour ta leagh mooar dy chooilleeney.

Hebrewnee 3:6

Agh Creest myr Mac harrish e hie hene: yn thie echesyn ta shin, my ta shin cummal shickyr dunnallys as boggey nyn dreishteil gys y jerrey.

Hebrewnee 6:19

Yn treishteil shen t’ain myr aker ny hanmey, shickyr as gyn scughey, as ta gentreil gys yn ayrn er cheu‐sthie jeh’n ynnyd smoo casherick,

Hebrewnee 9:28

Myr shen va Creest un cheayrt er ny hebbal dy ymmyrkey peccaghyn ymmodee; as dauesyn ta jeeaghyn er e hon, nee eh soilshaghey eh hene yn nah cheayrt fegooish peccah gys saualtys.

1 Peddyr 1:10

Mychione y taualtys cheddin ta ny phadeyryn er vriaght, as er ronsaghey dy imneagh, ren phadeyrys jeh’n ghrayse va ry‐hoi cheet hiu.

1 Peddyr 3:15

Agh jean‐jee yn Chiarn Jee y chasherickey ayns nyn greeaghyn: as bee‐jee kinjagh aarloo dy chur ansoor da dy chooilley ghooinney ta shirrey oyr son y treishteil t’ayndiu, lesh meenid as arrym:

1 Peddyr 4:7

Agh ta jerrey dy chooilley nhee er‐gerrey: bee‐jee er‐y‐fa shen sheelt, as watch‐jee gys padjer.

1 Peddyr 5:12

Liorish Sylvanus braar firrinagh diuish (myr ta mee dy ghoaill eh) ta mee er scrieu ayns focklyn giarey, coyrlaghey as gymmyrkey feanish, dy nee shoh grayse firrinagh Yee ayn ta shiu shassoo.

1 Peddyr 5:8

Bee‐jee sheelt, bee‐jee er nyn arrey; er‐yn‐oyr dy vel y noid eu yn drogh‐spyrryd myr lion buirroogh, shooyl mygeayrt, shirrey quoi oddys eh y stroie:

1 Ean 3:3

As ta dy chooilley ghooinney ta’n treishteil shoh echey ayn hene, glenney eh hene, dy jarroo myr t’eshyn glen.