1 Peddyr 1:12 - Yn Conaant Noa 1810

¹² Dauesyn ve er ny hoilshaghey, nagh nee daue hene, agh dooinyn, ren ad shirveish ny reddyn ta nish er ny ockley magh lioroosyn ta er phreacheil y sushtal diuish, marish yn Spyrryd Noo er ny choyrt neose veih niau, ny reddyn cheddin ta ny ainleyn geearree baght y gheddyn jeu.

Yn Vible Casherick 1775 1819

¹² Dauesyn ve er ny hoilshaghey, nagh nee daue hene, agh dooinyn, ren ad shirveish ny reddyn ta nish er ny ockley magh lioroosyn ta er phreacheil y sushtal diuish, marish yn Spyrryd Noo er ny choyrt neose veih niau, ny reddyn cheddin ta ny ainleyn geearree baght y gheddyn jeu.

1 Peddyr 1:12 ပူးပေါင်းရင်းမြစ်များ

Noo Mian 11:25

Ec y traa shen dreggyr Yeesey as dooyrt eh, Ta mee cur booise dhyt, O Ayr, Hiarn niau as thalloo, er‐yn oyr dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn.

Noo Mian 11:27

Ta dy chooilley nhee er ny livrey dooys liorish my Ayr: as cha nhione da dooinney erbee yn Mac, agh yn Ayr: chamoo shione da dooinney erbee yn Ayr, agh y Mac, as eshyn da s’gooidsave lesh yn Mac eh y hoilshaghey.

Noo Mian 16:17

Dansoor Yeesey, as dooyrt eh rish, Bannit t’ou uss Simon mac Jona: son cha nee feill as fuill t’er hoilshaghey shoh dhyt’s agh my Ayr t’ayns niau.

Noo Mark 16:15

As dooyrt eh roo, Immee‐jee magh trooid ooilley yn seihll, as jean‐jee yn sushtal y phreacheil da dy chooilley chretoor.

Noo Luke 15:10

Myrgeddin ta mee gra riu, dy vel boggey ayns fenish ainleyn Yee jeh un pheccagh ta goaill arrys.

Noo Luke 2:26

As ve er ny hoilshaghey da liorish y Spyrryd Noo, nagh noghe eh baase, roish da v’er vakin Creest yn Chiarn.

Noo Luke 9:6

As hie ad magh, as jimmee ad trooid ny baljyn, preacheil yn sushtal, as lheihys dy chooilley raad.

Noo Ean 15:26

Agh tra vees Fer‐ny‐gherjagh er jeet, eh ver‐yms hiu veih yn Ayr, ta shen, Spyrryd ny firriney, ta cheet magh veih yn Ayr, nee eh feanish y ymmyrkey jeem’s.

Jannoo 10:44

Choud as va Peddyr loayrt ny goan shoh, huitt y Spyrryd Noo orroosyn ooilley va clashtyn y goo.

Jannoo 16:10

As erreish da v’er vakin yn ashlish, ghow shin ayns laue dy gholl jeeragh gys Macedonia, toiggal son shickyrys dy row yn Chiarn er n’eamagh orrin dy phreacheil y sushtal daue.

Jannoo 2:33

Shen‐y‐fa myr t’eh er ny ghoaill seose liorish laue‐yesh Yee, as er gheddyn veih yn Ayr gialdyn yn Spyrryd Noo, t’eh er gheayrtey magh shoh ta shiuish nish fakin as clashtyn.

Jannoo 4:31

As erreish daue v’er ghoaill padjer, chrie yn boayl raad va’d er nyn jaglym cooidjagh; as v’ad ooilley lhieent lesh y Spyrryd Noo, as loayr ad goo Yee lesh dunnallys.

Jannoo 4:8

Eisht va Peddyr lhieent lesh y Spyrryd Noo, as dooyrt eh roo, Shiuish reiltee yn phobble, as shanstyr Israel,

Jannoo 8:25

As tra v’ad er n’ymmyrkey feanish as er phreacheil goo yn Chiarn, hie ad reesht gys Jerusalem, as ren ad y sushtal y phreacheil ayns ymmodee jeh baljyn ny Samaritanee.

Romanee 1:15

Shen‐y‐fa, gys rere my phooar, ta mee aarloo dy phreacheil yn sushtal diuish myrgeddin t’ec y Raue.

Romanee 1:17

Son ayns shen ta firrinys Yee er ny hoilshaghey veih credjue gys credjue: myr te scruit, Bee’n fer cairagh bio liorish credjue.

Romanee 10:15

As kys nee ad preacheil, mannagh vel ad er nyn goyrt? Myr te scruit, Cre cha aalin ta ny cassyn ocsyn ta preacheil y sushtal dy hee, as cur lhieu naightyn gennal dy nheeghyn mie!

Romanee 15:19

Trooid cowraghyn niartal as yindyssyn, liorish pooar Spyrryd Yee; myr shen voish Jerusalem, as ooilley mygeayrt Illyricum, ta mee dy slane er phreacheil sushtal Chreest.

1 Corinthianee 2:10

Agh ta Jee er hoilshaghey ad dooinyn liorish e Spyrryd: son ta’n Spyrryd ronsaghey dy chooilley nhee, eer folliaghtyn dowiney Yee.

2 Corinthianee 1:22

Ta myrgeddin er sealal shin, as ta coyrt dooin eearlys y Spyrryd ayns nyn greeaghyn.

2 Corinthianee 6:6

Liorish glennid‐bea, liorish lushtey, liorish surranse‐foddey, liorish kenjallys, liorish y Spyrryd Noo, liorish graih gyn foalsaght,

Galatianee 1:12

Son chamoo hooar mee eh voish dooinney, chamoo hie eh er ynsaghey dou, agh liorish ashlish Yeesey Creest.

Galatianee 1:16

Dy hoilshaghey e Vac aynym’s, dy voddin eshyn y phreacheil mastey ny Ashoonyn; chelleeragh cha ghow mee coyrle jeh feill ny fuill:

Ephesianee 3:10

Dy voddagh nish v’er ny hoilshaghey da ny ard‐reillyn as pooaraghyn ayns ynnydyn flaunyssagh liorish yn agglish ymmodee filley creenaght Yee,

1 Thessalonianee 2:9

Son ta cooinaghtyn eu, vraaraghyn, er y tooilleil as y deinys ain: son gobbraghey oie as laa, er‐yn‐oyr nagh jinnagh shin currym er veg eu, ren shin sushtal Yee y phreacheil diu.

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

Hebrewnee 11:13

Hooar ad shoh ooilley baase ayns credjue, fegooish geddyn ny gialdynyn, agh cronnaghey ad foddey jeh, as treishteil dy shickyr ayndoo, as ghow ad rish dy nee joarreeyn as troailtee v’ad er y thalloo.

Hebrewnee 2:4

Jee myrgeddin gymmyrkey feanish lhieu, chammah liorish cowraghyn as yindyssyn, as lesh ymmodee mirrillyn, as giootyn y Spyrryd Noo, cordail rish e aigney hene?

Hebrewnee 4:2

Son dooinyn va’n sushtal er ny phreacheil chammah as dauesyn: agh cha row yn goo v’er ny phreacheil jeh vondeish erbee daue, tra nagh row credjue goll lesh ayndoosyn ren clashtyn eh.

1 Peddyr 1:25

Agh ta goo Yee tannaghtyn son dy bragh. As shoh’n goo t’er ny phreacheil diu liorish y sushtal.

1 Peddyr 4:6

Son, er‐yn‐oyr shoh va’n sushtal myrgeddin er ny phreacheil dauesyn ta marroo, dy voddagh ad ve er nyn mriwnys cordail rish deiney ayns yn eill, agh beaghey cordail rish Jee ayns y spyrryd.

Ashlish 5:11

As yeeagh mee, as cheayll mee coraa ymmodee ainleyn mygeayrt y stoyl‐reeoil, as ny cretooryn, as ny shanstyryn: as va’n earroo oc jeih thousane keayrt jeih thousaneyn, as thousaneyn dy housaneyn;