1 Peddyr 1:10 - Yn Conaant Noa 1810

¹⁰ Mychione y taualtys cheddin ta ny phadeyryn er vriaght, as er ronsaghey dy imneagh, ren phadeyrys jeh’n ghrayse va ry‐hoi cheet hiu.

Yn Vible Casherick 1775 1819

¹⁰ Mychione y taualtys cheddin ta ny phadeyryn er vriaght, as er ronsaghey dy imneagh, ren phadeyrys jeh’n ghrayse va ry-hoi cheet hiu.

1 Peddyr 1:10 ပူးပေါင်းရင်းမြစ်များ

Noo Mian 13:17

Son dy firrinagh ta mee gra riu, dy vel ymmodee phadeyryn as deiney cairagh er ve aignagh dy akin ny reddyn ta shiuish dy akin, agh cha vel ad er vakin ad: as dy chlashtyn ny reddyn ta shiuish dy chlashtyn, agh cha vel ad er chlashtyn ad.

Noo Mian 26:24

Ta Mac y dooinney goll, myr te scruit jeh: agh smerg da’n dooinney shen liorish vees Mac y dooinney er ny vrah: s’mie veagh eh son y dooinney shen mannagh row eh rieau er jeet er y theihll.

Noo Luke 10:24

Son ta mee ginsh diu, dy vel ymmodee phadeyryn as reeaghyn er ve aignagh dy akin ny reddyn shen ta shiuish er vakin, as cha vel ad er vakin ad; as dy chlashtyn ny reddyn ta shiuish dy chlashtyn, as cha vel ad er chlashtyn ad.

Noo Luke 24:44

As dooyrt eh roo, Shoh ny goan loayr mish riu, choud as va mee foast mêriu dy beign da dy chooilley nhee ve cooilleenit va scruit ayns leigh Voses, as ayns ny phadeyryn, as ayns ny psalmyn my‐mychione’s.

Noo Ean 5:39

Ronsee‐jee ny scriptyryn, son ayndoosyn ta shiu smooinaghtyn dy vel y vea veayn eu, as she ad shen ta gymmyrkey feanish jeem’s.

Noo Ean 7:52

Dreggyr adsyn, as dooyrt ad rish, Nee ass Galilee t’ou uss myrgeddin? jean‐jee ronsaghey as jeeaghyn: son cha vel phadeyr erbee er droggal ayns Galilee.

Jannoo 10:43

Leshyn ta ooilley ny phadeyryn gymmyrkey feanish, trooid yn ennym echey, quoi‐erbee chred‐jys ayn, dy vow eh feaysley peccaghyn.

Jannoo 17:11

V’ad shoh jeh cree s’ooasle na ny Thessalonianee, ayns dy deaisht ad rish y goo lesh slane arryltys aigney, ronsaghey ny scriptyryn gagh laa, nee shoh myr va ny reddyn shen.

Jannoo 28:23

As tra v’ad er phointeil laa er e hon, haink ymmodee huggey gys e hie; daue shoh hug eh tushtey, as dymmyrk eh feanish jeh reeriaght Yee, coyrlaghey ad mychione Yeesey, chammah ass leigh Voses as ny phadeyryn, veih moghrey derrey yn astyr.

Jannoo 7:52

Quoi jeh ny phadeyryn nagh ren ny ayraghyn eu tranlaase er? as t’ad er varroo adsyn hoilshee ro‐laue jeh cheet yn Ercairagh, eh ta shiuish nish er vrah as er ghunverys:

Hebrewnee 11:13

Hooar ad shoh ooilley baase ayns credjue, fegooish geddyn ny gialdynyn, agh cronnaghey ad foddey jeh, as treishteil dy shickyr ayndoo, as ghow ad rish dy nee joarreeyn as troailtee v’ad er y thalloo.

Hebrewnee 11:40

Jee kiarail foayr syrjey er nyn son, nagh voghe adsyn fegooish shinyn yn slane bannaght dy haualtys.

1 Peddyr 1:11

Ronsaghey cre, ny cre’n imbagh dy hraa ren Spyrryd Chreest va ayndoo cowraghey, tra dymmyrk eh feanish ro‐laue jeh surranse Chreest, as yn ghloyr va dy eiyrt er.

1 Peddyr 1:13

Shen‐y‐fa kiartee‐jee seose meeghyn nyn aigney, bee‐jee sheelt, as treisht‐jee gys y jerrey, son y ghrayse vees er ny choyrt diu tra vees Yeesey Creest er ny hoilshaghey;