1 Ean 5:6 - Yn Conaant Noa 1810

⁶ Shoh eshyn haink liorish ushtey as fuill, dy jarroo Yeesey Creest; cha nee liorish ushtey ny lomarcan, agh liorish ushtey as fuill: as she yn Spyrryd ta gymmyrkey feanish, er‐yn‐oyr dy vel y Spyrryd firrinys.

Yn Vible Casherick 1775 1819

⁶ Shoh eshyn haink liorish ushtey as fuill, dy jarroo Yeesey Creest; cha nee liorish ushtey ny-lomarcan, agh liorish ushtey as fuill: as she yn Spyrryd ta gymmyrkey feanish, er-yn-oyr dy vel y Spyrryd firrinys.

1 Ean 5:6 ပူးပေါင်းရင်းမြစ်များ

Noo Mian 26:28

Son shoh my uill’s jeh’n conaant noa, t’er ny gheayrtey son ymmodee son leih peccaghyn.

Noo Mian 3:16

As lurg da Yeesey ve bashtit, hie eh seose jeeragh ass yn ushtey: as cur‐my‐ner va ny niaughyn er nyn vosley er‐e‐skyn, as honnick eh Spyrryd Yee cheet neose myr calmane, as soie er.

Noo Mark 14:24

As dooyrt eh roo, Shoh my uill’s jeh’n conaant noa, t’er ny gheayrtey son ymmodee.

Noo Luke 22:20

As er yn aght cheddin yn cappan lurg shibber, gra, Yn cappan shoh yn conaant noa ayns my uill’s, t’er ny gheayrtey er ny son eu.

Noo Ean 14:17

Eer Spyrryd ny firriney, nagh vod y seihll goaill‐rish, er‐y‐fa nagh vel ad dy akin eh, as nagh nione daue eh: agh shione diuish eh, son t’eh tannaghtyn mêriu, as bee eh ayndiu.

Noo Ean 14:6

Dooyrt Yeesey rish, Mish y raad, yn irriney, as y vea: cha vel dooinney erbee cheet gys yn Ayr, agh lioryms.

Noo Ean 15:26

Agh tra vees Fer‐ny‐gherjagh er jeet, eh ver‐yms hiu veih yn Ayr, ta shen, Spyrryd ny firriney, ta cheet magh veih yn Ayr, nee eh feanish y ymmyrkey jeem’s.

Noo Ean 16:13

Agh tra hig eshyn, Spyrryd ny firriney, leeidee eh shiu gys dy chooilley irrinys: son cha loayr eh jeh hene, agh cre‐erbee nee eh y chlashtyn, shen loayrys eh; as soilshee eh diu reddyn ta ry‐heet.

Noo Ean 3:5

Dreggyr Yeesey, Dy firrinagh firrinagh ta mee gra rhyt, Mannagh bee dooinney er ny ruggey jeh ushtey as jeh’n spyrryd, cha vod eh goll stiagh ayns reeriaght Yee.

Noo Ean 4:10

Dreggyr Yeesey, as dooyrt eh r’ee, Dy beagh fys ayd’s er gioot Yee, as quoi eh ta gra rhyt, Cur jough dou? veagh oo er hirrey ersyn, as veagh eh er chur dhyt ushtey bio.

Noo Ean 4:14

Agh quoi‐erbee iu‐ys jeh’n ushtey ver‐yms da, cha bee eh dy bragh paagh: agh bee yn ushtey ver‐ym da ny farrane ushtey ayn nee geill gys y vea ta dy bragh farraghtyn.

Noo Ean 6:55

Son dy firrinagh she bee my eill, as dy firrinagh she jough my uill.

Jannoo 8:36

As myr v’ad goll er y raad, haink ad gys ushtey dy row: as dooyrt yn eunuch, Jeeagh, shoh ushtey; cre ta dy my lhiettal’s dy ve bashtit?

Romanee 3:25

Eh ta Jee er chiarail dy ve ny lhiassaghey, trooid credjue ayns e uill, dy hoilshaghey magh e chairys son leih peccaghyn t’er n’gholl shaghey, trooid meenid Yee:

Ephesianee 1:7

Aynsyn ta feaysley ain trooid e uill, leih peccaghyn, cordail rish berchys e ghrayse;

Colossianee 1:4

Er‐dyn traa cheayll shin jeh’n chredjue eu ayns Creest Yeesey, as jeh’n ghraih t’eu da ooilley ny nooghyn;

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

Titus 3:5

Cha nee liorish obbraghyn dy chairys, ta shin er n’yannoo, agh cordail rish e vyghin t’eh er hauail shin liorish niee yn aa‐ghiennaghtyn [ayns bashtey], as jannoo shin ass‐y‐noa liorish y Spyrryd Noo;

Hebrewnee 10:29

Cre’n kerraghey foddey s’trimmey, ta shiuish smooinaghtyn, t’eshyn dy hoilchin, t’er stampey fo chosh Mac Yee, as ta er choontey fuill yn chonaant liorish v’eh er ny chasherickey, ny red neu chasherick, as er hassoo magh dy olkyssagh noi’n Spyrryd dy ghrayse?

Hebrewnee 12:24

As gys Yeesey ta eddyr Jee as dooinney fo’n chonaant noa, as gys yn uill v’er ny gheayrtey, ta loayrt reddyn share na fuill Abel.

Hebrewnee 13:20

Nish dy jean Jee ny shee hug lesh reesht veih ny merriu nyn Jiarn Yeesey, ard‐vochilley ny geyrragh, trooid fuill y chonaant dy bragh farraghtyn,

Hebrewnee 9:14

Cre‐woad smoo nee fuill Chreest, ren eh hene y oural gyn foill gys Jee trooid y Spyrryd dy bragh beayn, yn chooinsheanse euish y ghlenney veih obbraghyn marroo dy hirveish y Jee bio?

Hebrewnee 9:7

Agh stiagh ayns yn nah ayrn hie yn ard‐saggyrt ny lomarcan keayrt ’sy vlein, cha nee fegooish fuill, ren eh chebbal er e hon hene, as son shaghrynys y phobble.

1 Peddyr 1:2

Reiht cordail rish tushtey ro‐laue Yee yn Ayr, trooid casherickys y Spyrryd gys biallys, as gys spreih fuill Yeesey Creest: Grayse dy row hiu, as shee dy row er ny vishaghey.

1 Peddyr 3:21

Yn co‐soylaghey jeh shoh, dy jarroo bashtey, ta nish myrgeddin sauail shin, (cha nee liorish cur ersooyl broïd yn eill, agh liorish yn ansoor dy chooinsheanse vie gys Jee,) trooid irree‐seose reesht Yeesey Creest:

1 Ean 1:7

Agh my ta shin gimmeeaght ’sy toilshey, myr t’eshyn ’sy toilshey, ta shin freayll sheshaght yn derrey yeh rish y jeh elley, as ta fuill Yeesey Creest e Vac glenney shin veih dy chooilley pheccah.

1 Ean 4:10

Ayns shoh ta graih, cha nee dy dug shin graih da Jee, agh dy dug eshyn graih dooin, as dy ren eh e Vac y choyrt dy ve lhiassaghey son nyn beccaghyn.

Ashlish 1:5

As veih Yeesey Creest, yn feanish firrinagh, as y chied‐er‐ny‐ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;

Ashlish 7:14

As dooyrt mee rish, Ayd’s ta fys, my Hiarn. As dooyrt eh rhym, Shoh adsyn haink ass seaghyn mooar, as t’er niee nyn goamraghyn, as er ghiallaghey ad liorish fuill yn Eayn.