1 Ean 5:4 - Yn Conaant Noa 1810

⁴ Son cre‐erbee t’er ny ruggey jeh Jee, te geddyn barriaght er y theihll: as shoh yn varriaght ta cur y seihll fo chosh, dy jarroo yn credjue ain.

Yn Vible Casherick 1775 1819

⁴ Son cre-erbee t’er ny ruggey jeh Jee, te geddyn barriaght er y theihll: as shoh yn varriaght ta cur y seihll fo-chosh, dy jarroo yn credjue ain.

1 Ean 5:4 ပူးပေါင်းရင်းမြစ်များ

Noo Ean 1:13

Va er nyn ruggey, cha nee jeh fuill, ny jeh aigney ny foalley, ny jeh aigney dooinney, agh jeh Jee.

Noo Ean 16:33

Ny reddyn shoh ta mee er loayrt riu, aynym’s dy vod shee y ve eu. Ayns y theihll vees seaghyn eu: agh bee‐jee dy yien mie, ta mish er gheddyn barriaght er y theihll.

Noo Ean 3:3

Dreggyr Yeesey as dooyrt eh rish, Dy firrinagh firrinagh ta mee gra rhyt, Mannagh bee dooinney er ny ruggey reesht, cha vod eh reeriaght Yee y akin.

1 Corinthianee 15:57

Agh booise dy row gys Jee ta coyrt dooin yn varriaght, trooid nyn Jiarn Yeesey Creest.

1 Ean 2:29

My ta fys eu dy vel eshyn cairagh, ta fys eu dy vel dy chooilley unnane ta cur rish cairys, er ny ruggey jehsyn.

1 Ean 3:9

Quoi‐erbee t’er ny ruggey jeh Jee, cha vel eh cur rish peccah; son ta’n rass echey tannaghtyn ayn: as cha vod eh ve fo reill peccah, er‐y‐fa dy vel eh er ny ruggey jeh Jee.

1 Ean 4:4

Ta shiuish jeh Jee, chloan veggey, as er gheddyn y varriaght orroo: er‐yn‐oyr dy vel eshyn ta ayndiuish ny s’pooaral, na eshyn ta ayns y theihll.

1 Ean 5:1

Quoi‐erbee ta credjal dy nee Yeesey yn Creest, t’eh ruggit jeh Jee: as dy chooilley unnane ta graihagh ersyn ren geddyn, shynney lesh eshyn myrgeddin ta er ny gheddyn liorish.

1 Ean 5:18

Ta fys ain quoi‐erbee ta ruggit jeh Jee, nagh vel eh cur rish peccah; agh eshyn ta er ny ghientyn jeh Jee, t’eh freayll arrey er hene, as cha vel yn drogh‐er bentyn rish.

1 Ean 5:5

Quoi eh ta geddyn barriaght er y theihll, agh eshyn ta credjal dy nee Yeesey Mac Yee?

Ashlish 12:11

As hooar ad barriaght er liorish fuill yn Eayn, as liorish goo nyn veanish; as cha row scansh oc jeh nyn mioys dy jarroo gys y vaase.

Ashlish 15:2

As honnick mee myr dy beagh eh faarkey dy ghless, lesh aile ny chione; as adsyn hooar y varriaght er y veisht, as er e yalloo, as er e chowrey, as er earroo yn ennym echey, nyn shassoo er yn aarkey dy ghless, lesh claasaghyn Yee [ayns nyn laue.]

Ashlish 2:11

Eshyn ta cleaysh echey, lhig eh clashtyn cre ta’n Spyrryd dy ghra rish ny kialteenyn, Cha vow eshyn ta geddyn y varriaght, aggair liorish yn nah vaase.

Ashlish 2:17

Eshyn ta cleaysh echey, lhig eh clashtyn cre ta’n Spyrryd dy ghra rish ny kialteenyn. Dasyn ta geddyn yn varriaght ver‐yms dy ee jeh’n manna follit, as ver ym da clagh vane, as er y chlagh ennym noa scruit, nagh nione da dooinney erbee, agh eshyn ta dy gheddyn eh.

Ashlish 2:26

As eshyn ta geddyn y varriaght, as freayll my obbraghyn gys y jerrey dasyn ver‐ym pooar harrish ny ashoonyn:

Ashlish 2:7

Eshyn ta cleaysh echey, lhig da clashtyn cre ta’n Spyrryd dy ghra rish ny kialteenyn. Dasyn yiow yn varriaght ver‐ym’s dy ee jeh billey yn vea, ta ayns mean paradise Yee.

Ashlish 3:12

Eshyn ta cosney’n varriaght, neem’s pillar jeh ayns chiamble Yee, as cha jed eh magh ass arragh: as scrieu‐yms er ennym my Yee, as ennym ard‐valley my Yee, yn Jerusalem noa, ta cheet neose veih niau voish my Yee; as scrieu‐yms er my ennym noa.

Ashlish 3:21

Dasyn ta geddyn y varriaght low‐yms dy hoie mârym er my stoyl‐reeoil, myr hooar mish myrgeddin yn varriaght, as ta mee er hoie sheese marish my Ayr er y stoyl‐reeoil echeysyn.

Ashlish 3:5

Bee eshyn yiow yn varriaght, coamrit ayns garmad gial; as cha derym yn ennym echey ass lioar y vea, agh goym rish e ennym kiongoyrt rish my Ayr, as fenish e ainleyn.