1 Ean 4:9 - Yn Conaant Noa 1810

⁹ Ayns shoh ta graih Yee er ny hoilshaghey dooinyn, er‐yn‐oyr dy ren Jee e ynrycan er‐ny‐gheddyn Vac y choyrt gys y theihll, dy voddagh shin ve bio ny hrooidsyn.

Yn Vible Casherick 1775 1819

⁹ Ayns shoh ta graih Yee er ny hoilshaghey dooinyn, er-yn-oyr dy ren Jee e ynrycan er-ny-gheddyn Vac y choyrt gys y theihll, dy voddagh shin ve bio ny hrooidsyn.

1 Ean 4:9 ပူးပေါင်းရင်းမြစ်များ

Noo Mark 12:6

As va echey foast un vac, er v’eh feer ghraihagh, as hug eh eshyn myrgeddin ec y jerrey huc, gra, Ver ad arrym da my vac.

Noo Luke 4:18

Ta spyrryd y Chiarn orrym’s, er‐y‐fa dy vel eh er my ooillaghey dy phreacheil y sushtal gys ny boghtyn, t’eh er my choyrt dy laanaghey yn vooinjer hrome‐chreeagh, dy phreacheil livrey‐ys gys ny cap‐peeyn, dy chur soilshey da ny doail, as reamys dauesyn ta broojit,

Noo Ean 10:10

Cha vel y maarliagh cheet agh dy gheid, as dy varroo as dy stroie: haink mish dy voddagh bea y ve oc, as dy voddagh eh y ve oc ayns mooarane palchey.

Noo Ean 14:6

Dooyrt Yeesey rish, Mish y raad, yn irriney, as y vea: cha vel dooinney erbee cheet gys yn Ayr, agh lioryms.

Noo Ean 3:16

Son lheid y ghraih shen hug Jee da’n theihll, dy dug eh e ynrycan Vac v’er ny gheddyn, nagh jinnagh quoi‐erbee chredjagh aynsyn cherraghtyn, agh yn vea ta dy bragh farraghtyn y chosney.

Noo Ean 3:18

Eshyn ta credjal ayn, cha vel eh er ny gheyrey: agh eshyn nagh vel credjal ayn, t’eh er ny gheyrey hannah, er‐yn‐oyr nagh vel eh er chredjal ayns ennym yn ynrycan Mac v’er ny gheddyn dy Yee.

Noo Ean 5:23

Dy voddagh dy chooilley ghooinney ooashley y choyrt da’n Mac, myr t’ad cur ooashley da’n Ayr. Eshyn nagh vel cur ooashley da’n Mac, cha vel eh coyrt ooashley da’n Ayr ren y choyrt eh.

Noo Ean 6:29

Dreggyr Yeesey as dooyrt eh roo, Shoh obbyr Yee, shiu dy chredjal aynsyn t’eh er choyrt.

Noo Ean 6:51

Mish yn arran bio, haink neose veih niau: my ee‐ys dooinney erbee jeh’n arran shoh, bee eh bio son dy bragh: as yn arran neem’s y choyrt, she my eill eh, ver‐yms son bioys y theihll.

Noo Ean 6:57

Myr ta’n Ayr bio er my choyrt’s, as ta mee bio liorish yn Ayr: myr shen neesht vees eshyn ta dy my ee’s, bio liorym.

Noo Ean 8:29

As ta eshyn t’er my choyrt mârym: cha vel yn Ayr er my aagail my lomarcan: son ta mee dy kinjagh jannoo ny reddyn shen ta dy wooiys eh.

Noo Ean 8:42

Dooyrt Yeesey roo, Dy beagh Jee yn Ayr eu, veagh shiu graihagh orrym’s; son hie mee magh, as haink mee veih Jee; as cha daink mee jee’m pene, agh eshyn t’er my choyrt.

Noo Ean 9:3

Dreggyr Yeesey, Cha nee son peccah dy ren eh shoh, ny e ayr as e voir: agh dy voddagh obbraghyn Yee v’er nyn soilshaghey magh ayn.

Romanee 8:32

Eshyn nagh ren e Vac hene y haghney, agh livrey eh eh seose er nyn son ooilley, kys nagh der eshyn dooin myrgeddin dy arryltagh mârishyn dy chooilley nhee?

Hebrewnee 1:5

Son rish quoi jeh ny ainleyn dooyrt eh ec traa erbee, Uss my Vac, jiu ta mee er dty gheddyn? As reesht, Bee’m dasyn son Ayr, as bee eshyn dooys son Mac?

1 Ean 3:16

Liorish shoh ta shin toiggal graih Yee, ayns dy dug eh sheese e vioys er nyn son: as lhisagh shinyn nyn mioys y chur sheese son ny braaraghyn.

1 Ean 4:10

Ayns shoh ta graih, cha nee dy dug shin graih da Jee, agh dy dug eshyn graih dooin, as dy ren eh e Vac y choyrt dy ve lhiassaghey son nyn beccaghyn.

1 Ean 4:16

As ta shin er hoiggal as er chredjal yn ghraih t’ec Jee dooinyn. Ta Jee graih; as eshyn ta tannaghtyn ayns graih, t’eh tannaghtyn ayns Jee, as Jee aynsyn.

1 Ean 5:11

As shoh yn recortys, dy vel Jee er choyrt dooin yn vea dy bragh beayn: as ta’n vea shoh ayns e Vac.

1 Ean 5:13

Ny reddyn shoh ta mee er scrieu hiuish ta credjal ayns ennym Mac Yee; dy vod shiu toiggal dy vel eu yn vea veayn, as dy vod shiu credjal ayns ennym Mac Yee.