1 Ean 4:2 - Yn Conaant Noa 1810

² Liorish shoh gow‐ee shiu baght jeh Spyrryd Yee: Dy chooilley spyrryd ta goaill‐rish dy vel Yeesey Creest er jeet ayns yn eill, t’eh jeh Jee.

Yn Vible Casherick 1775 1819

² Liorish shoh gowee shiu baght jeh Spyrryd Yee: Dy chooilley spyrryd ta goaill-rish dy vel Yeesey Creest er jeet ayns yn eill, t’eh jeh Jee.

1 Ean 4:2 ပူးပေါင်းရင်းမြစ်များ

Noo Ean 1:14

As ghow yn Goo er dooghys ny foalley, as ren eh beaghey nyn mast’ ain (as hug shin my‐ner yn ghloyr echey, yn ghloyr myr jeh’n ynrycan Mac er‐ny‐gheddyn jeh’n Ayr) lane dy ghrayse as dy irrinys.

1 Corinthianee 12:3

Shen‐y‐fa ta mish soilshaghey diu, nagh vel dooinney erbee ta loayrt liorish Spyrryd Yee, genmys Yeesey mollaghtagh: as nagh vod dooinney erbee gra dy nee Yeesey yn Chiarn, agh liorish y Spyrryd Noo.

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

1 Ean 1:2

(Son va’n vea er ny hoilshaghey, as ta shin er vakin eh, as ta shin gymmyrkey feanish, as soilshaghey diu yn vea veayn shen, va marish yn Ayr, as va er ny hoilshaghey dooin;)

1 Ean 2:23

Quoi‐erbee ta gobbal y Mac, ta’n fer cheddin gobbal yn Ayr: [agh] eshyn ta goaill‐rish y Mac, t’eh goaill‐rish yn Ayr myrgeddin.

1 Ean 4:15

Quoi‐erbee nee goaill‐rish dy nee Yeesey Mac Yee, ta Jee tannaghtyn aynsyn, as eshyn ayns Jee.

1 Ean 4:3

As dy chooilley spyrryd nagh vel goaill‐rish dy vel Yeesey Creest er jeet ayns yn eill, cha vel eh jeh Jee: as shoh spyrryd yn an‐chreestee shen, my‐e‐chione ta shiu er chlashtyn, dy row eh ry hoi cheet, as dy jarroo nish hene t’eh hannah ’sy theihll.

1 Ean 5:1

Quoi‐erbee ta credjal dy nee Yeesey yn Creest, t’eh ruggit jeh Jee: as dy chooilley unnane ta graihagh ersyn ren geddyn, shynney lesh eshyn myrgeddin ta er ny gheddyn liorish.

2 Ean 1:7

Son ta ymmodee molteyryn er n’gholl magh fud y theihll, nagh vel goaill‐rish dy vel Yeesey Creest er jeet ayns yn eill. Shoh eh ta ny volteyr, as yn an‐chreestee.