1 Ean 4:1 - Yn Conaant Noa 1810

¹ Chaarjyn, ny cred‐jee dy chooilley spyrryd, agh prow‐jee ny spyrrydyn vel ad veih Jee: er‐yn‐oyr dy vel ymmodee phadeyryn foalsey er n’gholl magh ’sy theihll.

Yn Vible Casherick 1775 1819

¹ Chaarjyn, ny cred-jee dy chooilley spyrryd, agh prow-jee ny spyrrydyn vel ad veih Jee: er-yn-oyr dy vel ymmodee phadeyryn foalsey er n’gholl magh ’sy theihll.

1 Ean 4:1 ပူးပေါင်းရင်းမြစ်များ

Noo Mark 13:21

As eisht my jir dooinney erbee riu, Cur‐my‐ner, ta Creest ayns shoh, ny cur‐my‐ner, t’eh ayns shid; ny chred‐jee eh.

Noo Luke 12:57

As cre’n‐fa myrgeddin nagh vel shiu eer j’iu hene briwnys shen ny ta cairagh?

Noo Luke 21:8

As dooyrt eh, Cur‐jee twoaie nagh bee shiu er nyn molley: son hig ymmodee ayns m’ennym’s, gra, Mish Creest; as ta’n traa tayrn er‐gerrey: ny gow‐jee shiuish er‐y‐fa shen geiyrt orroo.

Jannoo 17:11

V’ad shoh jeh cree s’ooasle na ny Thessalonianee, ayns dy deaisht ad rish y goo lesh slane arryltys aigney, ronsaghey ny scriptyryn gagh laa, nee shoh myr va ny reddyn shen.

Jannoo 20:29

Son ta fys aym, erreish dooys v’er n’immeeaght, dy jig moddee‐oaldey jollyssagh stiagh ny mast’ eu, gyn chymmey er y chioltane.

1 Corinthianee 12:10

Da fer elley dy obbraghey mirrillyn; da fer elley phadeyrys; da fer elley yn briwnys dy phrowal ny spyrrydyn; da fer elley caghlaaghyn dy ghlaraghyn; da fer elley dy chur bun er glaraghyn.

1 Corinthianee 14:29

Lhig da jees ny three jeh ny phadeyryn loayrt, as lhig da’n vooinjer elley briwnys.

1 Thessalonianee 5:20

Ny jean‐jee beg y hoiaghey jeh phadeyrys.

1 Thessalonianee 5:21

Prow‐jee dy chooilley nhee: cum‐jee shickyr shen ta mie.

2 Thessalonianee 2:2

Nagh bee shiu dy leah er nyn lhaggaghey ayns aigney, ny seaghnit, chamoo liorish spyrryd, ny goo, ny liorish screeuyn, myr voïnyn, myr dy beagh laa Chreest, er‐gerrey.

1 Timothy 4:1

Nish ta’n Spyrryd ginsh dy plain, dy jean paart ayns ny laghyn s’jerree tuittym veih’n chredjue, coyrt geill da spyrrydyn molteyragh, as ynsagh drogh‐spyrrydyn;

2 Timothy 3:13

Agh nee drogh gheiney as molteyryn gaase ny smessey as ny smessey, molley, as er nyn molley,

2 Peddyr 2:1

Agh va myrgeddin phadeyryn foalsey mastey’n pobble, eer myr vees fir‐ynsee foalsey ny mast’ euish, ver lhieu stiagh dy follit shaghrynys curstey veih’n chredjue, dy jarroo gobbal yn Chiarn ren ad y chionnaghey, as tayrn orroo hene toyrt‐mow er mullagh ching.

1 Ean 2:18

Chloan veggey, shoh’n traa s’jerree: as myr ta shiu er chlashtyn dy jig yn an‐chreestee, dy jarroo nish ta ymmodee an‐chreesteenyn ayn; liorish shoh ta fys ain dy nee shoh’n traa s’jerree.

1 Ean 2:7

Vraaraghyn, cha vel mee scrieu anney erbee noa hiuish, agh shenn anney va eu er‐dyn toshiaght: yn chenn anney yn goo ta shiu er chlashtyn er‐dyn toshiaght.

2 Ean 1:7

Son ta ymmodee molteyryn er n’gholl magh fud y theihll, nagh vel goaill‐rish dy vel Yeesey Creest er jeet ayns yn eill. Shoh eh ta ny volteyr, as yn an‐chreestee.

3 Ean 1:11

Charrey, ny eiyr er yn olk, agh er shen ta mie. Eshyn ta jannoo mie, t’eh jeh Jee: agh eshyn ta jannoo olk, cha vel eh er vakin Jee.

Ashlish 2:2

Shione dou dty obbraghyn, as dty hooilleil, as dty hurranse, as kys nagh vod oo gymmyrkey lhieusyn ta olk: as t’ou er phrowal adsyn ta gra dy nee ostyllyn ad, agh cha vel ad; as er gheddyn ad magh dy ve nyn mreageryn.