1 Ean 3:8 - Yn Conaant Noa 1810

⁸ Eshyn ta jannoo peccah, t’eh jeh’n drogh‐spyrryd; son ta’n drogh‐spyrryd kyndagh jeh peccah er‐dyn toshiaght. Son yn oyr shoh va Mac Yee er ny hoilshaghey, dy voddagh eh cur mow obbraghyn y drogh‐spyrryd.

Yn Vible Casherick 1775 1819

⁸ Eshyn ta jannoo peccah, t’eh jeh’n drogh-spyrryd; son ta’n drogh-spyrryd kyndagh jeh peccah er-dyn toshiaght. Son yn oyr shoh va Mac Yee er ny hoilshaghey, dy voddagh eh cur mow obbraghyn y drogh-spyrryd.

1 Ean 3:8 ပူးပေါင်းရင်းမြစ်များ

Noo Mian 12:28

Agh my ta mish liorish spyrryd Yee castey drogh‐spyrrydyn, eisht ta reeriaght Yee er jeet hiuish.

Noo Mian 13:38

Yn magher yn seihll: yn rass mie cloan y reeriaght: agh y coggyl cloan y drogh‐er:

Noo Mian 4:3

As haink y mioleyder huggey, gra, My she mac Yee oo, cur sarey da ny claghyn shoh dy ve jeant nyn arran.

Noo Mark 1:24

Gra, Faag voïd shin, cre’n eïe t’ayd orrin, Yeesey dy Nazareth? vel oo er jeet dy nyn stroie? ta fys aym quoi oo hene, eer fer casherick Yee.

Noo Luke 10:18

As dooyrt eh roo, Honnick mee Noid ny hanmey, myr tendreil, tuittym veih niau.

Noo Ean 12:31

Nish ta briwnys y theihll shoh: nish vees prince y theihll shoh er ny hilgey magh.

Noo Ean 16:11

Mychione briwnys, son dy vel prince y theihll shoh er ny vriwnys.

Noo Ean 8:44

Ta shiuish jeh’n ayr eu yn drogh‐spyrryd, as saynt nyn ayrey, ver shiu rish: v’eshyn ny ghunver er‐dyn toshiaght, as cha ren eh tannaghtyn ’syn ynrickys, son nagh vel yn irriney ayn. Tra t’eh loayrt breg, t’eh loayrt jeh e chooid hene: son t’eh ny vreagerey, as ayr ny breagey.

Romanee 16:20

As nee’n Jee dy hee dy gerrit Noid‐ny‐hanmey y vroo fo nyn gassyn. Grayse nyn Jiarn Yeesey Creest dy row mêriu. Amen.

Ephesianee 2:2

Ayndoo ren shiu gimmeeaght ayns y traa t’er n’gholl shaghey cordail rish cliaghtey yn theihll shoh, cordail rish prince pooar yn aer, yn spyrryd ta nish gobbraghey ayns y chloan dy vee‐viallys:

Colossianee 2:15

As spooilley ard‐reillyn as pooaraghyn, ren eh shilley foshlit jeu, geddyn barriaght harrystoo liorish [y chrosh.]

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

Hebrewnee 2:14

Son wheesh eisht dy vel y chloan goaill ayrn jeh feill as fuill, ghow eshyn eh‐hene myrgeddin ayrn jeh lheid cheddin: dy voddagh eh liorish baase eshyn y stroie va pooar y vaaish echey, ta shen, yn jouyl;

Hebrewnee 9:26

(Son eisht beign da v’er hurranse dy mennick er‐dy hoshiaght y theihll) agh nish un cheayrt son ooilley ayns ny eashyn s’jerree, t’eh er hoilshaghey eh hene dy chur ersooyl peccah liorish jannoo eh hene ny oural.

2 Peddyr 2:4

Son mannagh ren Jee sparail ny ainleyn ren peccah, agh hilg eh ad sheese gys niurin, as livrey eh ad gys geulaghyn dy ghorraghys, dy ve freilt cour briwnys;

1 Ean 1:2

(Son va’n vea er ny hoilshaghey, as ta shin er vakin eh, as ta shin gymmyrkey feanish, as soilshaghey diu yn vea veayn shen, va marish yn Ayr, as va er ny hoilshaghey dooin;)

1 Ean 3:10

Liorish shoh ta cloan Yee er nyn gronnaghey voish cloan y drogh‐spyrryd: Quoi‐erbee nagh vel jannoo cairys, cha vel eh jeh Jee, ny foast eshyn nagh nhynney lesh e vraar.

1 Ean 3:5

As ta fys eu dy row eshyn er ny hoilshaghey dy ghoaill ersooyl nyn beccaghyn; as aynsyn cha vel veg y pheccah.

1 Ean 5:19

As ta fys ain dy vel shin veih Jee, as dy vel ooilley yn seihll ny lhie ayns mee‐chraueeaght.

Jude 1:6

As ny ainleyn nagh dreill yn chied stayd oc hene, agh daag nyn gummallyn cooie, t’eh er vreayll ayns geulaghyn dy bragh farraghtyn fo dorraghys cour briwnys yn laa mooar.

Ashlish 20:10

As va’n jouyl ren ad y volley, er ny hilgey ayns y logh dy aile as brimstone, raad ta’n veisht as y phadeyr foalsey, as bee ad er nyn dorchaghey oie as laa son dy bragh as dy bragh.

Ashlish 20:15

As quoi‐erbee nagh row ry‐gheddyn scruit ayns lioar y vea, v’ad er nyn dilgey ayns y logh dy aile.