1 Ean 3:2 - Yn Conaant Noa 1810

² My chaarjyn, nish ta shin nyn gloan dy Yee, as cha lheear dooin foast cre vees mayd: agh ta fys ain, tra vees eshyn er ny hoilshaghey, dy bee mayd goll rishyn; son nee mayd fakin eh myr t’eh.

Yn Vible Casherick 1775 1819

² My chaarjyn, nish ta shin nyn gloan dy Yee, as cha lheear dooin foast cre vees mayd: agh ta fys ain, tra vees eshyn er ny hoilshaghey, dy bee mayd goll-rishyn; son nee mayd fakin eh myr t’eh.

1 Ean 3:2 ပူးပေါင်းရင်းမြစ်များ

Noo Mian 5:8

Bannit t’adsyn ta glen ayns cree: son ver ad Jee my‐ner.

Noo Luke 17:30

Eer er yn aght cheddin vees eh er y laa vees yn Mac dooinney er ny hoilshaghey.

Noo Luke 20:36

Chamoo oddys ad baase y gheddyn arragh; son t’ad corrym rish ny ainleyn, as nyn gloan dy Yee, liorish dy vel ad cloan yn irree‐seose‐reesht.

Noo Ean 1:12

Agh whilleen as ren soiaghey jeh, dauesyn hug eh pooar dy ve nyn mec dy Yee, eer dauesyn ta credjal ayns yn ennym echey:

Noo Ean 11:52

As cha nee ynrican son yn ashoon shen, agh myrgeddin dy jinnagh eh cloan Yee va skeaylt dy lhean, y hayrn gys unnaneys ry‐cheilley.

Noo Ean 17:24

Ayr, ta mee geearree adsyn t’ou er chur dou dy ve mârym raad ta mee; dy vod ad fakin my ghloyr t’ou er chur dou: son t’ou er ve graihagh orrym’s roish my row yn seihll er ny chroo.

Romanee 8:16

Ta’n Spyrryd hene gymmyrkey feanish lesh y spyrryd ain, dy vel shin nyn gloan dy Yee.

Romanee 8:18

Son ta mee coontey, nagh vel seaghyn y vea shoh feeu dy ve er ny hoyllaghey gys y ghloyr vees er ny hoilshaghey dooinyn.

Romanee 8:19

Son ta jerkal jeean yn chretoor farkiagh son y traa vees cloan Yee er ny hoilshaghey.

Romanee 8:29

Son adsyn honnick eh ro‐laue, ren eh myrgeddin kiarail ro‐laue dy ve er nyn gaghlaa gys cummey e Vac, dy voddagh eh ve yn mac‐shinney mastey ymmodee braaraghyn.

1 Corinthianee 13:12

Son nish ta shin fakin trooid gless dy dorraghey; agh eisht eddin dy eddin: nish ta my enney ayns ayrn; agh eisht bee my enney dy jarroo myr ta enney orrym pene.

1 Corinthianee 15:49

As ’naght myr ta shin er n’ymmyrkey co‐chaslys yn dooinney thallooinagh, nee mayd myrgeddin gymmyrkey co‐chaslys yn dooinney flaunyssagh.

1 Corinthianee 2:9

Agh myr te scruit, Cha vel sooill er vakin, ny cleaysh er chlashtyn, chamoo te ayns cree dooinney dy hoiggal ny reddyn ta Jee er chiarail er ny son ocsyn ta graihagh ersyn.

2 Corinthianee 3:18

Agh shinynooilley lesh eddin foshlit, cur‐my‐ner myr ayns gless gloyr y Chiarn, ta shin er nyn gaghlaa gys y chaslys cheddin, veih gloyr gys gloyr, myr liorish Spyrryd y Chiarn.

2 Corinthianee 4:17

Son ta’n seaghyn eddrym ain, nagh vel agh son shallid, gobbraghey nyn gour towse erskyn earroo foddey smoo as dy bragh farraghtyn dy ghloyr;

Galatianee 3:26

Son ta shiu ooilley cloan Yee liorish credjue ayns Yeesey Creest.

Galatianee 4:6

As er‐y‐fa dy nee mec shiu, ta Jee er choyrt Spyrryd e Vac ayns ny creeaghyn eu, geamagh, Abba, Ayr.

Philippianee 3:21

Nee caghlaa yn corp marvaanagh ain dy vod eh ve er ny chummey casley rish e chorp gloyroil hene, cordail rish y phooar niartal liorish t’eh abyl dy jarroo dy injillaghey dy chooilley nhee huggey hene.

Colossianee 3:4

Tra vees Creest, ta’n vea ain, er ny hoilshaghey, eisht nee shiuish neesht cheet kionfenish mârishyn ayns gloyr.

Hebrewnee 9:28

Myr shen va Creest un cheayrt er ny hebbal dy ymmyrkey peccaghyn ymmodee; as dauesyn ta jeeaghyn er e hon, nee eh soilshaghey eh hene yn nah cheayrt fegooish peccah gys saualtys.

2 Peddyr 1:4

Liorish t’er ny choyrt dooinyn gialdynyn erskyn towse mooar as ooasle; lioroo shoh dy vod shiu ve goaill ayrn jeh’n dooghys flaunyssagh, myr ta shiu er haghney yn neu‐ghlennid t’ayns y theihll trooid yeearreeyn ny foalley.

1 Ean 2:28

As nish, chloan veggey, tannee‐jee aynsyn: tra hig eh kionfenish, dy vod dunnallys ’ve ain, as nagh bee mayd er nyn goyrt gys nearey ec y cheet echey.

1 Ean 2:7

Vraaraghyn, cha vel mee scrieu anney erbee noa hiuish, agh shenn anney va eu er‐dyn toshiaght: yn chenn anney yn goo ta shiu er chlashtyn er‐dyn toshiaght.

1 Ean 3:1

Cur‐my‐ner, cre’n sorch dy ghraih ta’n Ayr er stowal orrin, dy beagh shin enmyssit nyn gloan dy Yee: shen‐y‐fa cha vel enney ec y theihll orrin, er‐y‐fa nagh row enney echey ersyn.

1 Ean 3:10

Liorish shoh ta cloan Yee er nyn gronnaghey voish cloan y drogh‐spyrryd: Quoi‐erbee nagh vel jannoo cairys, cha vel eh jeh Jee, ny foast eshyn nagh nhynney lesh e vraar.

1 Ean 3:21

My chaarjyn, mannagh vel nyn gree dy nyn gheyrey, eisht ta dunnallys ain dy hayrn er‐gerrey gys Jee.

1 Ean 5:1

Quoi‐erbee ta credjal dy nee Yeesey yn Creest, t’eh ruggit jeh Jee: as dy chooilley unnane ta graihagh ersyn ren geddyn, shynney lesh eshyn myrgeddin ta er ny gheddyn liorish.

Ashlish 2:28

As ver‐ym dasyn rollage y voghrey.

Ashlish 22:4

As hee ad yn eddin echey: as bee’n ennym echey scruit er glaare nyn eddinyn.