1 Ean 2:8 - Yn Conaant Noa 1810

⁸ Reesht, anney noa ta mee scrieu hiu, red ta firrinagh aynsyn as ayndiuish: er‐y‐fa dy vel y dorraghys er n’gholl shaghey, as dy vel yn soilshey firrinagh hannah er jeet rish.

Yn Vible Casherick 1775 1819

⁸ Reesht, anney noa ta mee scrieu hiu, red ta firrinagh aynsyn as ayndiuish: er-y-fa dy vel y dorraghys er n’gholl shaghey, as dy vel yn soilshey firrinagh hannah er jeet rish.

1 Ean 2:8 ပူးပေါင်းရင်းမြစ်များ

Noo Mian 4:16

Ta’n pobble va nyn soie ayns dorraghys, er vakin soilshey mooar: as orroosyn va nyn soie ayns cheer as scadoon vaaish, ta soilshey er n’irree seose.

Noo Luke 1:79

Dy chur soilshey dauesyn ta nyn soie ayns dorraghys as ayns scadoo yn vaaish, dy leeideil ny cassyn ain ayns raad y chee.

Noo Ean 1:9

Shen va’n soilshey firrinagh, ta soilshean ayns dy chooilley ghooinney ta cheet er y theihll.

Noo Ean 12:35

Eisht dooyrt Yeesey roo, Foast tammylt beg ta’n soilshey mêriu: shooill‐jee choud as ta’n soilshey eu, er‐aggle dy jig y dorraghys erriu: son cha vel fys echeysyn ta shooyll ayns y dorraghys c’raad t’eh goll.

Noo Ean 12:46

Ta mish er jeet my hoilshey gys y theihll, quoi‐erbee nee credjal aynym’s nagh jean eh tannaghtyn ayns y dorraghys.

Noo Ean 13:34

Sarey noa ta mee dy choyrt diu, Shiu dy ve graihagh yn derrey yeh er y jeh elley; myr ta mish er ve graihagh erriuish, dy der shiuish myrgeddin graih yn derrey yeh da’n jeh elley.

Noo Ean 8:12

Eisht loayr Yeesey roo reesht, gra, Mish soilshey yn theihll: eshyn ta geiyrt orrym’s, cha shooyllee eh ayns y dorraghys, agh bee echeysyn soilshey yn vea.

Jannoo 17:30

As er earishyn y vee‐hushtey oc, cha ghow Jee kerraghey; agh nish t’eh cur sarey da dy chooilley ghooinney er feai ny cruinney arrys y ghoaill:

Jannoo 26:18

Dy osley nyn sooillyn, as dy hyndaa ad veih dorraghys gys soilshey, as veih pooar Noid‐ny‐hanmey gys Jee, dy vod ad leih peccaghyn y gheddyn, as eiraght nyn mast’ ocsyn t’er nyn gasherickey liorish y credjue ta aynym’s.

Romanee 13:12

Ta’n oie foddey ceaut, ta’n laa er‐gerrey: lhig dooin er‐y‐fa shen tilgey ersooyl obbraghyn y dorraghys, as lhig dooin cur orrin eïlley yn toilshey.

2 Corinthianee 8:9

Son shione diu grayse nyn Jiarn Yeesey Chreest, ga dy row eh berchagh, ny‐yeih er y ghraih euish ghow eh er dy ve boght, trooid y voghtynid echeysyn dy voddagh shiuish ve jeant berchagh.

Ephesianee 5:8

Son va shiu keayrt dy row dorraghys, agh nish ta shiu soilshey ayns y Chiarn: immee‐jee myr cloan y toilshey;

2 Timothy 1:10

Agh ta nish er ny hoilshaghey liorish cheet nyn Saualtagh Yeesey Creest, ta er stroie yn baase, as er choyrt lesh bea as bioys son dy bragh gys soilshey, liorish y sushtal:

1 Peddyr 1:21

Ta liorishyn credjal ayns Jee, hrog eh seose veih ny merriu, as hug da gloyr, dy voddagh nyn gredjue as nyn dreishteil ve ayns Jee.

1 Ean 3:23

As shoh yn sarey echey, Dy jean mayd credjal ayns ennym e Vac Yeesey Creest, as graih y choyrt yn derrey yeh da’n jeh elley, myr t’eh er choyrt sarey dooin.

1 Ean 4:11

My chaarjyn, my hug Jee myr shoh graih dooin, lhisagh shinyn myrgeddin graih y choyrt yn derrey yeh da’n jeh elley.

1 Ean 4:21

As shoh yn sarey t’ain veihsyn, Eshyn ta graihagh er Jee, dy der eh graih da e vraar myrgeddin.