1 Ean 2:6 - Yn Conaant Noa 1810

⁶ Eshyn ta gra dy vel eh tannaghtyn aynsyn, lhisagh eh myr shen gimmeeaght, dy jarroo myr ren eshyn gimmeeaght.

Yn Vible Casherick 1775 1819

⁶ Eshyn ta gra dy vel eh tannaghtyn aynsyn, lhisagh eh myr shen gimmeeaght, dy jarroo myr ren eshyn gimmeeaght.

1 Ean 2:6 ပူးပေါင်းရင်းမြစ်များ

Noo Mian 11:29

Gow‐jee my whing erriu, as ynsee‐jee voym’s, son ta mee meen as imlee ayns cree: as yiow shiu fea da nyn anmeenyn.

Noo Ean 13:15

Son ta mish er chur diu sampleyr; shiuish dy yannoo myr ta mish er n’yannoo riu.

Noo Ean 15:10

My nee shiu my annaghyn y reayll, nee shiu tannaghtyn ayns my graih: eer myr ta mish er vreayll annaghyn my Ayrey, as tannaghtyn ayns y ghraih echeysyn.

1 Corinthianee 11:1

Eiyr‐jee shiuish orrym’s, dy jarroo myr ta mish myrgeddin er Creest.

Ephesianee 5:2

As immee‐jee ayns graih, myr ta Creest myrgeddin er chur graih dooinyn, as er choyrt eh‐hene er nyn son, chebbal as oural son soar millish da Jee.

1 Peddyr 2:21

Son gys shoh va shiu dy jarroo er nyn eam: er‐yn‐oyr dy vel Creest myrgeddin er hurranse er nyn son, faagail sampleyr dooinyn, dy jinnagh shin geiyrt er ny kesmadyn echeysyn:

1 Ean 2:28

As nish, chloan veggey, tannee‐jee aynsyn: tra hig eh kionfenish, dy vod dunnallys ’ve ain, as nagh bee mayd er nyn goyrt gys nearey ec y cheet echey.

1 Ean 2:4

Eshyn ta gra, Ta enney aym er, as nagh vel freayll e annaghyn, t’eh ny vreagerey, as cha vel yn irriney ayn.

1 Ean 3:24

As eshyn ta freayll ny annaghyn echey, t’eh tannaghtyn ayns Jee, as Jee aynsyn: as liorish shoh ta fys ain dy vel eh tannaghtyn aynin, liorish y Spyrryd t’eh er choyrt dooin.

1 Ean 3:6

Quoi‐erbee ta tannaghtyn aynsyn, cha vel eh jannoo peccah: quoi‐erbee ta jannoo peccah, cha vel eh er vakin eh, chamoo ta enney er ve echey er.

1 Ean 4:17

Ayns shoh ta’n ghraih ain soilshit dy ve firrinagh, dy vel dunnallys ain ayns laa yn vriwnys; er‐yn‐oyr myr ta eshyn, myr shen ta shinyn ayns y theihll shoh.