1 Ean 2:5 - Yn Conaant Noa 1810

⁵ Agh quoi‐erbee ta freayll e ghoo, aynsyn ta graih Yee dy firrinagh jeant mie: liorish shoh ta fys ain dy vel shin aynsyn.

Yn Vible Casherick 1775 1819

⁵ Agh quoi-erbee ta freayll e ghoo, aynsyn ta graih Yee dy firrinagh jeant mie: liorish shoh ta fys ain dy vel shin aynsyn.

1 Ean 2:5 ပူးပေါင်းရင်းမြစ်များ

Noo Luke 11:28

Agh dooyrt eshyn, Dy jarroo foddey s’bannee t’adsyn ta clashtyn goo Yee, as freayll eh.

Noo Ean 14:21

Eshyn ta my annaghyn’s echey, as ta freayll ad, eshyn eh ta graihagh orrym’s: as eshyn ta graihagh orrym, ver my Ayr graih da, as ver‐yms graih da, as soilshee‐ym mee hene da.

Noo Ean 14:23

Dreggyr Yeesey as dooyrt eh rish, My ta dooinney graihagh orrym, freillee eh my ghoan: as ver my Ayr graih da, as hig mayd huggey, as nee mayd tannaghtyn mârish.

Noo Ean 15:5

Mish y billey‐feeyney, shiuish ny banglaneyn: eshyn ta tannaghtyn aynym’s, as mish aynsyn, t’eh shoh cur magh mooarane mess: son scarrit voym’s cha vod shiu jannoo monney dy vie.

Noo Ean 6:56

Eshyn ta gee my eill as giu my uill, t’eh baghey aynym’s, as mish aynsyn.

Romanee 8:1

Cha vel er‐y‐fa shen deyrey erbee ny chour ocsyn t’ayns Creest Yeesey, nagh vel gimmeeaght lurg yn eill, agh lurg y Spyrryd.

1 Corinthianee 1:30

Agh jehsyn ta shiuish ayns Creest Yeesey eshyn ta liorish Jee er ny yannoo dooinyn creenaght, as cairys, as casherickys, as livrey‐ys:

2 Corinthianee 5:17

Shen‐y‐fa my ta dooinney erbee ayns Creest, t’eh ny chretoor noa: ta shenn reddyn er n’gholl shaghey, cur‐my‐ner, ta dy chooilley nhee jeant ass y noa.

2 Corinthianee 5:21

Son hug eh ersyn va seyr veih peccah, dy ve oural er nyn son; dy voddagh shinyn v’er nyn seyrey liorish Jee aynsyn.

Jamys 2:22

Nagh vaik oo kys ren credjue niartaghey lesh e obbraghyn, as liorish obbraghyn, va slane mullagh er credjue?

1 Ean 3:24

As eshyn ta freayll ny annaghyn echey, t’eh tannaghtyn ayns Jee, as Jee aynsyn: as liorish shoh ta fys ain dy vel eh tannaghtyn aynin, liorish y Spyrryd t’eh er choyrt dooin.

1 Ean 4:17

Ayns shoh ta’n ghraih ain soilshit dy ve firrinagh, dy vel dunnallys ain ayns laa yn vriwnys; er‐yn‐oyr myr ta eshyn, myr shen ta shinyn ayns y theihll shoh.

1 Ean 4:18

Cha vel veg yn aggle ayns graih; agh ta graih firrinagh ceau jeh aggle; son raad ta aggle ta torchagh: eshyn ta fo aggle, cha vel eh firrinagh ayns graih.

1 Ean 5:2

Liorish shoh ta fys ain dy vel shin graihagh er cloan Yee, tra ta shin coyrt graih da Jee, as freayll e annaghyn.

1 Ean 5:20

As ta fys ain dy vel Mac Yee er jeet, as er choyrt dooin tushtey, dy vod mayd enney y choyrt ersyn ta firrinagh: as ta shin aynsyn ta firrinagh, dy jarroo ayns e Vac Yeesey Creest. Shoh yn Jee firrinagh, as yn vea dy bragh farraghtyn.

2 Ean 1:6

As shoh’n ghraih, dy jean mayd gimmeeaght cordail rish e annaghyn. Shoh’n anney, myr ta shiu er chlashtyn veih’n toshiaght, dy lhisagh shiu gimmeeaght ayn.

Ashlish 12:17

As va’n dragon elgyssagh noi’n ven, as hie eh dy yannoo caggey rish y chooid elley jeh’n sluight eck, ta freayll annaghyn Yee, as oc ta feanish Yeesey Creest.

Ashlish 14:12

Ayns shoh ta meenid ny nooghyn; shoh’n raad t’adsyn ta cur tastey da annaghyn Yee, as da credjue Yeesey.