1 Ean 2:3 - Yn Conaant Noa 1810

³ As liorish shoh ta fys ain, dy vel enney ain er, my ta shin freayll e annaghyn.

Yn Vible Casherick 1775 1819

³ As liorish shoh ta fys ain, dy vel enney ain er, my ta shin freayll e annaghyn.

1 Ean 2:3 ပူးပေါင်းရင်းမြစ်များ

Noo Luke 6:46

As cre’n‐fa ta shiu dy my enmys, Hiarn, Hiarn, fegooish jannoo ny reddyn ta mee dy ghra?

Noo Ean 14:15

My ta shiu graihagh orrym’s, freill‐jee my annaghyn.

Noo Ean 15:10

My nee shiu my annaghyn y reayll, nee shiu tannaghtyn ayns my graih: eer myr ta mish er vreayll annaghyn my Ayrey, as tannaghtyn ayns y ghraih echeysyn.

Noo Ean 15:14

She my chaarjyn shiuish, my nee shiu ny ta mish dy harey diu.

Noo Ean 17:3

As shoh yn vea veayn, tushtey y ve oc jeed’s yn ynrycan Jee firrinagh, as jeh Yeesey Creest t’ou uss er choyrt.

2 Corinthianee 4:6

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.

Hebrewnee 5:9

As myr shoh er ny chasherickey, haink eh dy ve bun y taualtys dy bragh farraghtyn dauesyn ooilley ta coyrt biallys da;

1 Ean 2:13

Ta mee scrieu hiuish, ayraghyn, er‐y‐fa dy vel enney eu ersyn ta er‐dyn toshiaght. Ta mee scrieu hiu, gheiney aegey, er‐yn‐oyr dy dooar shiu yn varriaght er y drogh‐er. Ta mee scrieu hiu, chloan veggey, er‐yn‐oyr dy vel enney er ve eu er yn Ayr.

1 Ean 3:14

Ta fys ain dy vel shin caghlaait veih baase gys bea, er‐yn‐oyr dy nhynney lhien ny braaraghyn: eshyn nagh nhynney lesh e vraar, t’eh tannaghtyn ayns baase.

1 Ean 3:19

As liorish shoh ta fys ain er dy vel shin jeh’n irriney, as bee shickyrys ec nyn greeaghyn kiongoyrt rish,

1 Ean 3:6

Quoi‐erbee ta tannaghtyn aynsyn, cha vel eh jannoo peccah: quoi‐erbee ta jannoo peccah, cha vel eh er vakin eh, chamoo ta enney er ve echey er.

1 Ean 4:13

Liorish shoh ta fys ain dy vel shin tannaghtyn aynsyn, as eshyn aynin, er‐yn‐oyr dy vel eh er choyrt dooinyn jeh’n Spyrryd echey.

1 Ean 4:7

Chaarjyn ghraihagh, lhig dooin graih y choyrt yn derrey yeh da’n jeh elley: son ta graih jeh Jee; as ta dy chooilley unnane ta graihagh, er ny ruggey jeh Jee, as shione da Jee.

1 Ean 5:19

As ta fys ain dy vel shin veih Jee, as dy vel ooilley yn seihll ny lhie ayns mee‐chraueeaght.

1 Ean 5:2

Liorish shoh ta fys ain dy vel shin graihagh er cloan Yee, tra ta shin coyrt graih da Jee, as freayll e annaghyn.

1 Ean 5:3

Son shoh graih Yee, dy vreill mayd e annaghyn: as cha vel ny annaghyn echey trome.

Ashlish 12:17

As va’n dragon elgyssagh noi’n ven, as hie eh dy yannoo caggey rish y chooid elley jeh’n sluight eck, ta freayll annaghyn Yee, as oc ta feanish Yeesey Creest.

Ashlish 14:12

Ayns shoh ta meenid ny nooghyn; shoh’n raad t’adsyn ta cur tastey da annaghyn Yee, as da credjue Yeesey.

Ashlish 22:14

Bannit t’adsyn ta cooilleeney e annaghyn, dy vod cairys ve oc gys billey yn vea, as dy vod ad goll stiagh er ny giattyn gys yn ard‐valley.