1 Ean 2:16 - Yn Conaant Noa 1810

¹⁶ Son ooilley ny ta ’sy theihll, saynt ny foalley, as saynt ny sooilley, as moyrn y vea, cha vel ad jeh’n Ayr, agh jeh’n seihll.

Yn Vible Casherick 1775 1819

¹⁶ Son ooilley ny ta ’sy theihll, saynt ny foalley, as saynt ny sooilley, as moyrn y vea, cha vel ad jeh’n Ayr, agh jeh’n seihll.

1 Ean 2:16 ပူးပေါင်းရင်းမြစ်များ

Noo Mian 4:8

Reesht hug y drogh‐spyrryd lesh eh seose er slieau feer ard, as yeeagh eh da ooiley reeriaghtyn y theihll as y ghloyr oc:

Noo Mian 5:28

Agh ta mish gra riu, Quoi‐erbee ta jeeaghyn er ben, dy chur saynt j’ee, dy vel eh er vrishey poosey r’ee hannah ayns e chree.

Noo Luke 4:5

As hug y drogh‐spyrryd lesh seose eh gys mullagh slieau ard, as ayns y tullogh hug eh shilley da jeh ooilley reeriaghtyn y theihll.

Romanee 13:14

Agh cur‐jee erriu yn Chiarn Yeesey Creest, as ny gowjee kiarail erbee son yn eill, dy chooilleeney yn thaynt eck.

1 Corinthianee 10:6

Nish va ny reddyn shoh son sampleyryn dooinyn, son nagh jinnagh shin saynt da nheeghyn olk, myr hug adsyn neesht saynt.

Galatianee 5:17

Son ta’n eill geearree noi’n Spyrryd, as yn Spyrryd noi’n eill: as t’ad shoh soit yn derrey yeh noi’n jeh elley: myr shen nagh vel shiu jannoo myr bailliu.

Galatianee 5:24

As adsyn ta lesh Creest, ta’d er chrossey yn eill, marish ny yeearreeyn as ny sayntyn.

Ephesianee 2:3

Ayndoo shoh ren shin ooilley myrgeddin beaghey roish nish, ayns sayntyn ny foalley, cooilleeney yeearreeyn yn eill, as yn aigney: as va shin liorish dooghys nyn gloan dy yymmoose, dy jarroo myr feallagh elley.

Titus 2:12

Gynsaghey dooin, liorish, gobbal mee‐chraueeaght as yeearreeyn seihlltagh, dy lhisagh shin beaghey dy sheelt, dy cairal, as dy crauee ayns y theihll shoh;

Titus 3:3

Son va shin hene myrgeddin keayrt dy row mee‐hushtagh, mee‐viallagh, ayns marranys fo reill ymmodee yeearreeyn as eunyssyn peccoil, beaghey ayns goanlys as roon, dwoaiagh, as coyrt dwoaie yn derrey yeh da’n jeh elley.

Jamys 3:15

Cha vel y chreenaght shoh cheet neose veih’n yrjey, agh te thallooinagh, beishtagh, niurinagh.

Jamys 4:16

Agh nish ta shiu goaill taitnys ayns y voggyssagh eu: ta ooilley lheid y voggyssagh peccoil.

1 Peddyr 1:14

Myr cloan biallagh, cha nee cummey shiu hene cordail rish ny shenn chliaghtaghyn, ayns y vee‐hushtey eu:

1 Peddyr 2:11

Chaarjyn ghraihagh, ta mee guee erriu myr joarreeyn as troailtee dy reayll shiu hene veih sayntyn ny foalley, ta caggey noi yn annym;

2 Peddyr 2:10

As erskyn ooilley adsyn ta gimmeeaght lurg yn eill, ’sy taynt dy neu‐ghlennid, as soiaghey beg jeh reiltys: daaney t’ad creoi‐wannallagh, cha vel aggle orroo dy loayrt dy olk jeh ny pooaraghyn syrjey:

2 Peddyr 2:18

Son tra t’ad fockley magh goan mooarey follym, sheidit seose lesh fardail, t’ad cleayney trooid sayntyn ny foalley, liorish mooarane rouanys, adsyn va dy glen er scapail vouesyn ta beaghey ayns shaghrynys: