1 Ean 1:8 - Yn Conaant Noa 1810

⁸ My ta shin gra dy vel shin gyn peccah, ta shin molley shin hene, as cha vel yn irriney ain.

Yn Vible Casherick 1775 1819

⁸ My ta shin gra dy vel shin gyn peccah, ta shin molley shin hene, as cha vel yn irriney ain.

1 Ean 1:8 ပူးပေါင်းရင်းမြစ်များ

Noo Ean 8:44

Ta shiuish jeh’n ayr eu yn drogh‐spyrryd, as saynt nyn ayrey, ver shiu rish: v’eshyn ny ghunver er‐dyn toshiaght, as cha ren eh tannaghtyn ’syn ynrickys, son nagh vel yn irriney ayn. Tra t’eh loayrt breg, t’eh loayrt jeh e chooid hene: son t’eh ny vreagerey, as ayr ny breagey.

Romanee 3:10

Myr te scruit, Cha vel fer erbee cairagh, cha vel unnane:

Romanee 3:23

Son ta ooilley er n’yannoo peccah, as er jeet giare jeh gloyr Yee.

1 Corinthianee 3:18

Ny lhig da dooinney erbee eh hene y volley: My ta dooinney erbee ny vud eu goaill er hene dy ve creeney ’sy theihll shoh, lhig da ve ny ommydan, dy voh eh ve creeney.

Galatianee 6:3

Son my ta dooinney jeeaghyn er hene dy ve red ennagh, tra nagh vel eh monney, t’eh molley eh hene.

1 Timothy 6:5

Pleadeilyn camlâgagh deiney dy aignaghyn neu‐ghlen, as follym jeh’n irriney, jeeaghyn er cosney dy ve craueeaght: veih nyn lheid jean oo hene y scarrey.

2 Timothy 3:13

Agh nee drogh gheiney as molteyryn gaase ny smessey as ny smessey, molley, as er nyn molley,

Jamys 1:22

Agh bee‐jee shiuish jeantee jeh’n goo, as cha nee ny lomarcan clashtyn rish, molley shiu hene.

Jamys 1:26

My ta dooinney erbee nyn mast’ eu ta ayns fakin dy ve crauee, as nagh vel smaghtaghey e hengey, agh molley yn cree echey hene, ta craueeaght yn dooinney shoh fardail.

Jamys 3:2

Son ayns ymmodee reddyn ta shin ooilley foiljagh. My ta dooinney erbee nagh vel foiljagh ayns e ghlare, ta’n fer cheddin ny ghooinney ynrick, as abyl myrgeddin dy reayll yn slane corp fo smaght.

2 Peddyr 2:13

As yiow ad yn leagh dy vee‐chairys, myr adsyn ta goaill taitnys dy eiyrt er y rouanys oc ayns soilshey yn laa: she spooit ad as lheamyssyn, cloie rish y volteyraght oc hene, choud’s t’ad ec gien mêriu;

1 Ean 1:10

My ta shin gra nagh vel shin er yannoo peccah, ta shin jannoo eshyn ny vreagerey, as cha vel e ghoo aynin.

1 Ean 1:6

My ta shin gra dy vel sheshaght ain mârishyn, as gimmeeaght ayns dorraghys, ta shin breagagh, as cha vel shin gra yn irriney:

1 Ean 2:4

Eshyn ta gra, Ta enney aym er, as nagh vel freayll e annaghyn, t’eh ny vreagerey, as cha vel yn irriney ayn.

1 Ean 4:20

My ta dooinney gra, Ta graih aym er Jee, as dwoaie echey er e vraar, t’eh ny vreagerey: son eshyn nagh nhynney lesh e vraar t’eh er vakin, kys oddys eh graih y choyrt da Jee nagh vel eh er vakin?

2 Ean 1:2

Er graih yn irriney ta beaghey aynin, as vees mârin son dy bragh:

3 Ean 1:3

Son s’mooar va my voggey, tra haink ny braaraghyn as hoilshee ad dou mychione yn ynrickys t’aynyd’s, dy jarroo myr t’ou gimmeeaght ayns yn irriney.