1 Corinthianee 8:9 - Yn Conaant Noa 1810

⁹ Agh cur‐jee twoaie er‐aggle liorish aght erbee dy bee shoh nyn reayms oyr dauesyn ta annoon dy huittym ayns peccah.

Yn Vible Casherick 1775 1819

⁹ Agh cur-jee twoaie er-aggle liorish aght erbee dy bee shoh nyn reamys oyr dauesyn ta annoon dy huittym ayns peccah.

1 Corinthianee 8:9 ပူးပေါင်းရင်းမြစ်များ

Noo Mian 18:10

Cur‐jee twoaie nagh soie shiu beg jeh unnane jeh’n vooinjer veggey shoh: son ta mee gra riu, dy vel ny ainleyn ocsyn ayns niau, kinjagh cur‐my‐ner eddin my Ayr flaunyssagh.

Romanee 15:1

Lhisagh shinyn eisht ta lajer , gymmyrkey lesh ny annooinidyn ocsyn ta moal‐chredjuagh, as cha nee dy wooiys shin hene.

1 Corinthianee 10:24

Ny lhig da dooinney erbee shirrey ynrycan e vondeish hene: agh dy chooilley unnane foays e naboo.

1 Corinthianee 10:28

Agh my jir dooinney erbee riu, va shoh er ny hebbal ayns oural gys jallooyn, ny ee‐jee jeh er y choontey echeysyn ren shoh y hoilshaghey, as er graih cooinsheanse. Son ta’n seihll lesh y Chiarn, as ooilley ny t’ayn.

1 Corinthianee 10:29

Cooinsheanse, ta mee gra, cha nee dty chooinsheanse hene, agh shen jeh’n fer elley: son cre’n‐fa ta my reamys er ny vriwnys liorish cooinsheanse ghooinney elley?

1 Corinthianee 10:32

Ny cur‐jee oyr erbee dy huittym ayns peccah, edyr da ny Hewnyn, ny da ny Ashoonyn‐quaagh, ny da agglish Yee:

1 Corinthianee 8:10

Son my hee dooinney erbee uss, ta tushtey ayd, dty hoie ec bee ayns chiamble y jalloo, nagh bee yn chooinsheanse echeysyn ta annoon, miolit dy ee ny reddyn shen ta er ny hebbal da jallooyn:

1 Corinthianee 8:12

Agh tra ta shiu myr shoh cur oyr peccah raad ny braaraghyn, as gortaghey yn chooinsheanse annoon oc, ta shiu jannoo peccah noi Creest.

1 Corinthianee 9:22

Dauesyn ta faase‐chredjuagh, haink mee dy ve myr faase‐chredjuagh, dy voddin yn vooinjer faase chredjuagh y chosney: dy chooilley aght ta mee er m’ymmyrkey hene gys dy chooilley ghooinney, dy voddin liorish dy chooilly haase paart y hauail.

2 Corinthianee 11:21

Ta mee loayrt shoh myr mychione scammylt, myr dy beagh shin hene er ve annoon: ny‐yeih, ayns cre‐erbee s’loys da dooinney erbee ve dunnal (ta mee loayrt dy ommijagh) s’loys dooys ve dunnal myrgeddin.

2 Corinthianee 11:29

Quoi ta annoon, as nagh vel mish annoon? quoi t’er ghoaill oyr dy huittym, as nagh vel mish lostey?

2 Corinthianee 6:3

Ny lhig dooin oyr dy scammylt y choyrt ayns nhee erbee, nagh bee cômys er ny choyrt da’n oik ain:

Galatianee 5:13

Son ta shiuish, vraaraghyn, er ve er nyn eam gys reamys [Creestee]; agh ny jean‐jee yn reamys shoh leshtal son yn eill, agh ayns graih shirveish‐jee yn derrey yeh yn jeh elley.

Colossianee 2:8

Bee‐jee er nyn dwoaie nagh gow dooinney erbee vondeish erriu trooid ynsagh foalsey as molteyraght, lurg cliaghtaghyn deiney, lurg ynsagh annoon y theill, as cha nee lurg Creest:

1 Peddyr 2:16

Myr adsyn ta seyr, fegooish jannoo ymmyd jeh’n seyrsnys eu son coodaghey dy olkys; agh myr sharvaantyn Yee.

2 Peddyr 2:19

Choud’s t’ad gialdyn daue reamys, t’ad hene nyn sharvaantyn dy neu‐ghlennid: son liorishyn ta’n varriaght er ny gheddyn er dooinney, liorish yn er cheddin t’eh er ny choyrt lesh fo bondiaght.

Ashlish 2:14

Agh ta red ennagh aym dt’oï, er‐yn‐oyr dy vel ayd ayns shen adsyn ta lhiantyn gys coyrle Balaam, dynsee Balak dy hoiaghey ribbey roish cloan Israel, dy ee reddyn v’er ny ouralley gys jallooyn, as dy chur rish maarderys.