1 Corinthianee 8:4 - Yn Conaant Noa 1810

⁴ Mychione gee ny reddyn shen eisht t’er ny hebbal ayns oural gys jallooyn, ta fys ain nagh vel jalloo monney ’sy theihll, as nagh vel Jee erbee elley ayn agh unnane.

Yn Vible Casherick 1775 1819

⁴ Mychione gee ny reddyn shen eisht t’er ny hebbal ayns oural gys jallooyn, ta fys ain nagh vel jalloo monney ’sy theihll, as nagh vel Jee erbee elley ayn agh unnane.

1 Corinthianee 8:4 ပူးပေါင်းရင်းမြစ်များ

Noo Mark 12:29

As dreggyr Yeesey eh, Yn chied anney jeh ooilley ny annaghyn, Clasht, O Israel, Ta’n Chiarn yn Jee ain yn ynrycan Chiarn;

Jannoo 14:15

As gra, Gheiney, cre’n‐fa ta shiu jannoo ny reddyn shoh? Cha vel shinyn agh deiney jeh ny annooinidyn cheddin riu hene, as ta shin preacheil diu shiu dy hyndaa veih ny fardailyssyn shoh gys y Jee bio, chroo niau as thalloo, as y faarkey as dy chooilley nhee t’ayndoo:

Jannoo 15:20

Agh shin dy scrieu huc, ad dy reayll ad hene veih eajeeys jallooyn, as veih maarderys, as veih [gee] reddyn toghtit, as veih fuill.

Jannoo 19:26

Marish shoh ta shiu fakin as clashtyn, dy vel Paul shoh, cha nee ynrycan ec Ephesus, agh faggys trooid ooilley Asia, er choyrlaghey as er hayrn ersooyl ymmodee sleih, gra, nagh nee Jeeghyn ad ta jeant lesh laueyn:

1 Corinthianee 8:1

Nish mychione reddyn t’er ny ouralley gys jallooyn, ta fys ain dy vel toiggal ain ooilley. Ta tushtey sheidey lesh moyrn, agh ta graih niartaghey ’sy chredjue.

1 Corinthianee 8:10

Son my hee dooinney erbee uss, ta tushtey ayd, dty hoie ec bee ayns chiamble y jalloo, nagh bee yn chooinsheanse echeysyn ta annoon, miolit dy ee ny reddyn shen ta er ny hebbal da jallooyn:

1 Corinthianee 8:11

As kyndagh rish yn tushtey ayd’s nee dty vraar annoon cherraghtyn, er e hon hur Creest baase?

Galatianee 4:8

Agh ny yeih, tra nagh row enney eu er Jee, va shiu ayns bondiaght dauesyn nagh nee jeeghyn ad liorish dooghys.

Ephesianee 4:6

Un Jee as Ayr jeh ooilley, ta erskyn ooilley, as trooid ooilley, as ayndiu ooilley.

1 Timothy 1:17

Nish gys y Ree dy bragh beayn, va er‐dy‐rieau, nagh vod ve er ny akin, gys yn ynrican Jee creeney, dy row ooashley as gloyr, son dy bragh as dy bragh. Amen.

1 Timothy 2:5

Son ta un Jee ayn, as un er ta loayrt eddyr Jee as deiney, yn dooinney Creest Yeesey;

Jude 1:25

Gys yn ynrycan Jee creeney nyn Saualtagh, dy row gloyr as ard‐ooashley, reill as pooar, nish as dy bragh. Amen.