1 Corinthianee 8:3 - Yn Conaant Noa 1810

³ Agh my ta dooinney erbee graihagh er Jee, ta’n fer cheddin er ny ghoaill rish liorishyn.

Yn Vible Casherick 1775 1819

³ Agh my ta dooinney erbee graihagh er Jee, ta’n fer cheddin er ny ghoaill rish liorishyn.

1 Corinthianee 8:3 ပူးပေါင်းရင်းမြစ်များ

Noo Mian 7:23

As eisht neem’s fockley‐magh orroo, Cha row aym rieau ainjys erbee erriu: reu‐jee voym, O shiuish ghrogh‐yantee.

Noo Ean 10:14

Mish y bochilley mie, as ta enney aym er my chirree, as ta enney ocsyn orrym’s.

Noo Ean 21:17

Dooyrt eh rish yn trass cheayrt, Simon mac Yonas, vel oo graihagh orrym? Va Peddyr mooar‐seaghnit dy dooyrt eh rish yn trass cheayrt, Vel oo graihagh orrym? As dooyrt eh rish, Hiarn, ta fys ayd’s er dy chooilley nhee; as fys ayd hene dy vel mee graihagh ort. Dooyrt Yeesey rish, Jeeagh dy mie da my chirree.

Romanee 11:2

Cha vel Jee er hilgey jeh e phobble hene bione da ro‐laue. Nagh vel fys eu cre ta’n scriptyr dy ghra mychione Elias? kys t’eh jannoo accan gys Jee noi Israel, gra,

1 Corinthianee 13:12

Son nish ta shin fakin trooid gless dy dorraghey; agh eisht eddin dy eddin: nish ta my enney ayns ayrn; agh eisht bee my enney dy jarroo myr ta enney orrym pene.

1 Corinthianee 2:9

Agh myr te scruit, Cha vel sooill er vakin, ny cleaysh er chlashtyn, chamoo te ayns cree dooinney dy hoiggal ny reddyn ta Jee er chiarail er ny son ocsyn ta graihagh ersyn.

Galatianee 4:9

Agh nish erreish da enney ve eu er Jee, er‐nonney lurg da enney ve ec Jee erriuish, kys te dy vel shiu chyndaa gys ny cliaghtaghyn faase as fardalagh, foue shen ta shiu geearee dy ve reesht ayns bondiaght?

2 Timothy 2:19

Ny‐yeih, ta undin Yee shassoo shickyr, sealit lesh y cowrey shoh, Shione da’n Chiarn e vooinjer hene. As, Lhig da dy chooilley unnane ta genmys ennym Chreest chea veih mee‐chraueeaght.

Jamys 1:12

S’maynrey yn dooinney ta gymmyrkey fo seaghyn; son tra vees eh er ny phrowal, yiow eh yn attey dy vea, ta’n Chiarn er ghialdyn dauesyn ta graihagh er.

Jamys 2:5

Toig‐jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?

1 Peddyr 1:8

Ersyn ta shiu graihagh, ga nagh vel shiu er vakin eh; ayn, ga nagh vel shiu nish fakin eh, ny‐yeih credjal, ta shiu goaill boggey lesh boggey erskyn insh, as lane dy ghloyr:

1 Ean 4:19

Ta graih ain ersyn, er‐yn‐oyr dy dug eshyn hoshiaght graih dooin.

1 Ean 4:7

Chaarjyn ghraihagh, lhig dooin graih y choyrt yn derrey yeh da’n jeh elley: son ta graih jeh Jee; as ta dy chooilley unnane ta graihagh, er ny ruggey jeh Jee, as shione da Jee.

Ashlish 2:13

Shione dou dty obbraghyn, as dty chummal, dy jarroo raad ta stoyl‐reill Noid‐ny‐hanmey; as t’ou lhiantyn shickyr gys m’ennym, as cha vel oo er n’obbal my chredjue, eer ayns ny laghyn shen ayndoo va Antipas my eanish firrinagh, v’er ny choyrt dy baase nyn mast’ eu, raad ta’n Drogh‐spyrryd cummal.

Ashlish 2:19

Shione dou dt’obbraghyn, as dty ghiastyllys, as dty hirveish, as dty chredjue, as dty hurranse, as dt’obbraghyn s’jerree dy ve ny share na’n toshiaght.

Ashlish 2:9

Shione dou dty obbraghyn, as dty heaghyn, as dty voghtynid (agh t’ou berchagh), as ta fys aym er yn oltooan ocsyn ta gra dy nee Hewnyn ad, as nagh vel, agh keeill y Drogh spyrryd.