1 Corinthianee 7:2 - Yn Conaant Noa 1810

² Ny‐yeih, dy haghney maarderys, lhig da e ven hene ve ec dagh dooinney, as dagh ben e sheshey hene.

Yn Vible Casherick 1775 1819

² Ny-yeih, dy haghney maarderys, lhig da e ven hene ve ec dagh dooinney, as dagh ben e sheshey hene.

1 Corinthianee 7:2 ပူးပေါင်းရင်းမြစ်များ

Noo Mian 5:32

Agh ta mish gra riu, Quoi‐erbee scarrys rish e ven, agh son oyr maarderys, dy vel eh cur urree poosey y vrishey: as quoi‐erbee phoosys ish ta scart, t’eh ny vaarderagh.

1 Corinthianee 6:18

Chea‐jee veih maarderys. Ta dy chooilley pheccah ta dooinney dy yannoo, cheu‐mooie jeh’n chorp; agh eshyn ta cur rish maarderys, t’eh jannoo peccah noi e chorp hene.

1 Corinthianee 7:1

Nish mychione ny reddyn scrieu shiu hym: Te mie son dooinney gyn dy ve kianlt gys ben.

1 Corinthianee 7:3

Lhig da’n dooinney coyrt da’n ven kenjallys cooie: as myrgeddin yn ven da’n sheshey eck.

1 Corinthianee 7:9

Agh mannagh vod ad freayll orroo hene, lhig daue poosey: son te ny share dy phoosey na dy ve er aile.

Ephesianee 5:28

Myr shen lhisagh deiney graih y choyrt da ny mraane oc myr da ny kirp oc hene: eshyn shynney lesh e ven, shynney lesh eh hene.

Ephesianee 5:33

Ny‐yeih, lhig da dagh unnane euish er‐lheh myr shen graih y choyrt da e ven dy jarroo myr da hene; as jeeagh dy der y ven arrym da e sheshey.

1 Thessalonianee 4:4

Dy lhisagh fys ve ec dagh unnane eu kys dy reayll e chorp ayns glennid as onnor;

1 Timothy 4:3

Lhiettal dy phoosey as sarey dy reayll veih bee, ta Jee er chroo dy ve er ny ghoaill lesh toyrt‐booise lioroosyn ta credjal as toiggal yn irriney.