1 Corinthianee 6:9 - Yn Conaant Noa 1810

⁹ Nagh vel fys eu nagh vow ny mee‐chrauee eiraght ayns reeriaght Yee? Ny bee‐jee mollit: chamoo yiow maarderee, ny adsyn ta cur ooashley da jallooyn, ny adsyn ta brishey‐poosey, ny ny soailtee, ny adsyn ta cur rish peccah noi dooghys,

Yn Vible Casherick 1775 1819

⁹ Nagh vel fys eu nagh vow ny mee-chrauee eiraght ayns reeriaght Yee? Ny bee-jee mollit: chamoo yiow maarderee, ny adsyn ta cur ooashley da jallooyn, ny adsyn ta brishey-poosey, ny ny soailtee, ny adsyn ta cur rish peccah noi dooghys,

1 Corinthianee 6:9 ပူးပေါင်းရင်းမြစ်များ

Noo Mian 19:29

As dy chooilley unnane t’er hreigeil thieyn, ny braaraghyn, ny shayraghyn, ny ayr, ny moir, ny ben, ny cloan, ny thalloo, er graih m’ennym’s, yiow ad keead filley, as eiraght ayns y vea veayn.

Noo Mian 25:34

Eisht jir y ree roosyn er e laue‐yesh, Tar‐jee chloan vannit my Ayrey, gow‐jee eiraght ’sy reeriaght ta kiarit diu er‐dy hoshiaght y theihll.

Noo Luke 21:8

As dooyrt eh, Cur‐jee twoaie nagh bee shiu er nyn molley: son hig ymmodee ayns m’ennym’s, gra, Mish Creest; as ta’n traa tayrn er‐gerrey: ny gow‐jee shiuish er‐y‐fa shen geiyrt orroo.

Jannoo 20:32

As nish, vraaraghyn, ta mee chymney shiu gys Jee, as gys goo e ghrayse, ta abyl nyn droggal shiu seose, as eiraght y chur diu nyn mast’ ocsyn ooilley ta er nyn gasherickey.

Jannoo 24:25

As myr v’eh resooney mychione cairys, sheeltys, as y vriwnys ry heet, huitt Felix er creau, as dansoor eh, Immee royd son y traa shoh, as cha leah’s yioym caa cooie er y hon, ver‐ym fys ort.

Romanee 1:18

Son ta jymmoose Yee er ny hoilshaghey veih niau noi dy chooilley vee‐chraueeaght, as neu‐ynrickys ayns neu‐ynrickys.

1 Corinthianee 15:33

Ny bee‐jee mollit; ta drogh heshaght cur mow ellyn mie.

1 Corinthianee 15:50

Nish shoh ta mee dy ghra, vraaraghyn, nagh vod feill as fuill eiraght y gheddyn ayns reeriaght Yee; chammoo nee neu‐ghlennid gheddyn glennid ayns eiraght.

1 Corinthianee 3:16

Nagh vel fys eu dy nee shiuish chiamble Yee, as dy vel Spyrryd Yee baghey ayndiu?

1 Corinthianee 5:1

Te goo cadjin dy vel maarderys nyn mast’ eu, as lheid y vaarderys as nagh vel wheesh as er ny enmys mastey ny Ashoonyn‐quaagh, dy jinnagh fer goaill da hene ben e ayrey.

1 Corinthianee 5:10

Ny‐yeih cha nee ooilley‐cooidjagh rish maarderee yn theihll shoh, ny rish ny sayntoilee, ny ny tranlaasee, ny roosyn ta cur ooashley da jallooyn; son eisht beign diu dy jarroo goll ass y theihll.

1 Corinthianee 5:11

Agh nish ta mee er scrieu hiu, gyn sheshaght y reayll, my ta dooinney erbee ta enmyssit braar ny vaarderagh, ny sayntoilagh, ny jallooder, ny fer scammyltagh, ny meshtyllagh ny ny hranlaasagh, marish lhied y fer wheesh as gyn dy ghoaill bee.

1 Corinthianee 6:10

Ny maarlee, ny ny sayntoilee, ny meshtyllee, ny oltooanee, ny tranlaasee, eiraght ayns reeriaght Yee.

1 Corinthianee 6:18

Chea‐jee veih maarderys. Ta dy chooilley pheccah ta dooinney dy yannoo, cheu‐mooie jeh’n chorp; agh eshyn ta cur rish maarderys, t’eh jannoo peccah noi e chorp hene.

1 Corinthianee 6:19

Cre, nagh vel fys eu dy vel y corp eu chiamble y Spyrryd Noo ta ayndiu, ta eu veih Jee, as cha vel shiu lhieu hene?

1 Corinthianee 9:24

Nagh vel fys eu hene, dy vel adsyn ta roie ayns race, ooilley roie, agh dy nee unnane ta geddyn yn leagh? Roie‐jee shiuish er lheid yn aght, dy vod shiu cosney.

2 Corinthianee 12:21

As er‐aggle tra hig‐ym reesht, dy jean my Yee m’y injillaghey nyn mast’ eu, as dy bee oyr trimshey aym er coontey ymmodee ta hannah er n’yannoo peccah, as nagh vel er ghoaill arrys jeh’n neu‐ghlennid, as y vaarderys, as y rouanys shen, t’ad er ny ve cur rish.

Galatianee 6:7

Ny bee‐jee mollit; cha vel craid dy ve jeant mysh Jee: son cre‐erbee ta dooinney dy chuirr, lheid shen nee eh ’vuinn.

Colossianee 3:5

Smaghtee‐jee er‐y‐fa shen ny oltyn thallooinagh eu; maarderys, neu‐ghlennid, yeearree neu‐chooie, drogh vian, as saynt seihltagh, ta dy chur ammys da jallooyn:

Hebrewnee 12:14

Eiyr‐jee da shee rish dy chooilley ghooinney, as da craueeaght, n’egooish cha vod dooinney erbee yn Chiarn y akin.

Hebrewnee 12:16

Er‐aggle dy bee maarderagh erbee, ny persoon erbee mee‐chrauee, myr Esau, ren son un longey dy vee e eiraght y chreck.

Hebrewnee 13:4

Ta poosey onnoroil ayns ooilley, as y lhiabbee gyn‐loght: agh maarderee as adsyn ta brishey‐poosey nee Jee briwnys.

Jamys 1:16

Ny bee‐jee mollit, ny chaarjyn ghraihagh.

1 Ean 3:7

Chloan veggey, ny lhig da dooinney erbee shin y volley: eshyn ta jannoo cairys, t’eh cairagh, dy jarroo myr t’eshyn cairagh.

Ashlish 21:8

Agh adsyn ta faitagh, as mee‐chredjuagh, as adsyn ta cur rish obbraghyn dwoaiagh, as dunveryn, as maarderee, as fir‐obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.

Ashlish 22:15

Son cheu‐mooie ta moddee, as fir‐obbee, as maarderee, as dunveryn, as adsyn ta cur ooashley da jalloonyn, as quoi erbee shynney lesh as ta jannoo breg.