1 Corinthianee 6:2 - Yn Conaant Noa 1810

² Nagh vel fys eu dy jean ny nooghyn yn seihll y vriwnys? as my vees yn seihll er ny vriwnys lieriuish, vel shiuish neu‐feeu dy vriwnys ny cooishyn s’fardalee?

Yn Vible Casherick 1775 1819

² Nagh vel fys eu dy jean ny nooghyn yn seihll y vriwnys? as my vees yn seihll er ny vriwnys lieriuish, vel shiuish neu-feeu dy vriwnys ny cooishyn s’fardalee?

1 Corinthianee 6:2 ပူးပေါင်းရင်းမြစ်များ

Noo Mian 19:28

Dooyrt Yeesey roo, Dy firrinagh ta mee gra riu, ’Sy stayd noa, tra nee Mac y dooinney soie er stoyl‐reeoil e ghloyr, dy jean shiuish myrgeddin t’er n’eiyrt orrym’s soie er daa stoyl‐reeoil yeig, briwnys daa heeloghe yeig Israel.

Noo Luke 22:30

Dy vod shiu gee as giu ec my voayrd ayns my reeriaght, as soie er stuill‐reeoil, briwnys daa heeloghe yeig Israel.

Romanee 6:16

Nagh vel fys eu, da quoi‐erbee ta shiu kiangley shiu hene sharvaantyn dy chur biallys, ny sharvaantyn echeysyn ta shiu da ta shiu coyrt biallys; edyr jeh peccah gys baase, ny jeh biallys gys cairys?

1 Corinthianee 1:20

Cre vel y dooinney creeney? cre vel y scrudeyr? cre vel plea‐deyr y theihll shoh? nagh vel Jee er n’yannoo creenaght y theihll shoh dy ve ommijys?

1 Corinthianee 1:21

Son fakin, ayns creenaght Yee, nagh dug y seihll liorish creenaght enney er Jee, ve aigney Yee liorish ommijys preacheil dy hauail adsyn ta credjal.

1 Corinthianee 6:4

My ta shiu eisht son briwnys cooishyn seihltagh, jean‐jee adsyn y phointeil dy chur briwnys sloo ta soit jeu ayns yn agglish.

2 Corinthianee 4:18

Choud as ta sooill ain, cha nee er ny reddyn ta ayns fakin, agh er ny reddyn nagh vel ayns fakin: son cha vel ny reddyn t’ayns fakin agh son tammylt; agh ny reddyn nagh vel ayns fakin, t’ad dy bragh farraghtyn.

1 Thessalonianee 3:13

Gys y jerrey dy vod eh niartaghey ny creeaghyn eu gyn‐loght ayns casherickys kionfenish Jee, dy jarroo nyn Ayr, ec cheet nyn Jiarn Yeesey Creest, marish ooilley e nooghyn.

Ashlish 20:4

As honnick mee stuill‐reeoil, as hoie ad orroo, as va briwnys er ny choyrt daue: as honnick mee ny anmeenyn ocsyn va’n kione goit jeu son gymmyrkey feanish da Yeesey, as er coontey goo Yee, as nagh row er choyrt ooashley da’n veisht ny da e yalloo, chamoo va er ghoaill e chowrey er glaare nyn eddinyn, ny er nyn laueyn; as v’ad bio as reill marish Creest thousane blein.

Ashlish 3:21

Dasyn ta geddyn y varriaght low‐yms dy hoie mârym er my stoyl‐reeoil, myr hooar mish myrgeddin yn varriaght, as ta mee er hoie sheese marish my Ayr er y stoyl‐reeoil echeysyn.