1 Corinthianee 5:11 - Yn Conaant Noa 1810

¹¹ Agh nish ta mee er scrieu hiu, gyn sheshaght y reayll, my ta dooinney erbee ta enmyssit braar ny vaarderagh, ny sayntoilagh, ny jallooder, ny fer scammyltagh, ny meshtyllagh ny ny hranlaasagh, marish lhied y fer wheesh as gyn dy ghoaill bee.

Yn Vible Casherick 1775 1819

¹¹ Agh nish ta mee er scrieu hiu, gyn sheshaght y reayll, my ta dooinney erbee ta enmyssit braar ny vaarderagh, ny sayntoilagh, ny jallooder, ny fer scammyltagh, ny meshtyllagh, ny ny hranlaasagh, marish lheid y fer wheesh as gyn dy ghoaill bee.

1 Corinthianee 5:11 ပူးပေါင်းရင်းမြစ်များ

Noo Mian 18:17

As mannagh der eh geill dauesyn, insh eh da’n agglish: agh mannagh der eh geill da’n agglish, jeeagh er myr an‐chreestee as myr publican.

Noo Mian 23:25

Smerg diu scrudeyryn as Phariseeyn, chrauee‐oalsey: son ta shiu glenney yn cappan as y claare er cheu‐mooie, agh cheu‐sthie t’ad lane dy hranlaase as dy neu‐heeltys.

Noo Luke 18:11

Hass y Pharisee as ghow eh padjer myr shoh rish hene, Yee, ta mee cur booise dhyt, nagh vel mish myr deiney elley, tranlaasee, neu‐chairagh, brishey‐poosey, ny foast myr y publican shoh.

Noo Luke 21:34

As cur‐jee twoaie diu hene, er‐aggle ec traa erbee dy bee ny creeaghyn eu rouyr laadit lesh jooid as meshtyrys, as kiarailyn y vea shoh, as myr shoh yn laa shen dy heet erriu doaltattym.

Jannoo 1:15

As ayns ny laghyn shen hass Peddyr seose mastey fir‐eiyrtee [Yeesey] as dooyrt eh (va earroo ny henmyn cooidjagh mysh shey‐feed)

Jannoo 9:17

As jimmee Ananias roish, as hie eh stiagh ayns y thie; as hug eh e laueyn er, as dooyrt eh, Vraar Saul, ta’n Chiarn (eer Yeesey honnick oo er y raad myr haink oo) er my choyrt’s, dy voddagh oo dty hoilshey y gheddyn, as ve lhieent lesh y Spyrryd Noo.

Romanee 13:13

Lhig dooin gimmeeaght dy onneragh myr ayns y laa; cha nee ayns rouanys as meshtyrys, cha nee ayns cloie as reaid, cha nee ayns streeu as troo:

Romanee 16:17

Nish ta mee guee erriu, vraaraghyn, gow‐jee tastey jeusyn ta kyndagh jeh anvea as scammyltyn, ta noi’n chredjue ta shiuish er n’ynsaghey; as chea‐jee voue.

1 Corinthianee 10:14

Shen‐y‐fa my chaarjyn deyr, chea‐jee veih coyrt ooashley da jallooyn.

1 Corinthianee 11:21

Son ec gee, ta dagh unnane goaill roish fer elley e hibber hene: as ta fer accryssagh, as ta fer elley er n’iu dy palchey.

1 Corinthianee 5:13

Agh adsyn ta er cheu‐mooie, ta Jee dy vriwnys. Shen‐y‐fa cur‐jee ersooyl veih nyn mast’ eu yn persoon mee‐chrauee shen.

1 Corinthianee 6:10

Ny maarlee, ny ny sayntoilee, ny meshtyllee, ny oltooanee, ny tranlaasee, eiraght ayns reeriaght Yee.

1 Corinthianee 6:6

Agh ta braar goll gys y leigh rish braar, as shen ny enish ocsyn nagh vel jeh’n chredjue.

1 Corinthianee 6:9

Nagh vel fys eu nagh vow ny mee‐chrauee eiraght ayns reeriaght Yee? Ny bee‐jee mollit: chamoo yiow maarderee, ny adsyn ta cur ooashley da jallooyn, ny adsyn ta brishey‐poosey, ny ny soailtee, ny adsyn ta cur rish peccah noi dooghys,

1 Corinthianee 7:12

Agh mychione ny reddyn elley ta mish loayrt, cha nee yn Chiarn. My ta ec braar erbee ben nagh vel jeh’n chredjue, as ee ve booiagh dy chummal mârish, ny lhig da coyrt ee ersooyl.

1 Corinthianee 7:15

Agh my ta eshyn nagh vel jeh’n chredjue son scarrey lhig da goll. Cha vel braar ny shuyr fo kiangley ayns lheid ny cooishyn: agh ta Jee er n’eamagh orrin gys shee.

1 Corinthianee 8:11

As kyndagh rish yn tushtey ayd’s nee dty vraar annoon cherraghtyn, er e hon hur Creest baase?

Galatianee 2:12

Son roish my daink shiartanse voish Jamys, ren eh gee mârish ny Ashoonee: agh tra v’ad shen er jeet, hie eh dy lhiattee, as ren eh scarrey eh hene voue, ayns aggle rouesyn jeh’n giarey‐chymmylt.

Ephesianee 5:18

As ny bee‐jee er meshtey lesh feeyn, ayn ta neu‐heeltys; agh bee‐jee er nyn lhieeney lesh y Spyrryd;

Ephesianee 5:5

Son shoh ta fys eu er, nagh vel ec maarderagh erbee, ny persoon neu‐ghlen, ny ec dooinney sayntoilagh, ta coyrt ammys da jallooyn, eiraght eddyr ayns reeriaght Chreest as Yee.

Colossianee 3:5

Smaghtee‐jee er‐y‐fa shen ny oltyn thallooinagh eu; maarderys, neu‐ghlennid, yeearree neu‐chooie, drogh vian, as saynt seihltagh, ta dy chur ammys da jallooyn:

2 Thessalonianee 3:14

As my ta dooinney erbee nagh vel coyrt biallys da’n goo ain liorish y screeuyn shoh, gow‐jee baght er‐lheh jeh’n dooinney shen, as ny jean‐jee sheshaght rish, dy vod eh goaill nearey.

2 Thessalonianee 3:6

Nish ta shin cur sarey diu, vraaraghyn, ayns ennym nyn Jiarn Yeesey Creest, dy jean shiu scarrey shiu hene voish dy chooilley vraar ta gymmyrkey eh hene dy mee‐reilltagh, as cha nee cordail rish yn ynsagh hooar eh voïnyn.

1 Timothy 3:3

Cha nee iuder‐feeyney, ny builltagh, ny sondagh er cosney scammyltagh, agh surransagh, cha nee fer streeuagh, ny sayntoilagh;

1 Timothy 6:5

Pleadeilyn camlâgagh deiney dy aignaghyn neu‐ghlen, as follym jeh’n irriney, jeeaghyn er cosney dy ve craueeaght: veih nyn lheid jean oo hene y scarrey.

2 Ean 1:10

My hig fer erbee hiu, as nagh vel cur lesh mârish yn ynsagh shoh, ny cur‐jee room thie da, chamoo bannee‐jee da.

Ashlish 2:14

Agh ta red ennagh aym dt’oï, er‐yn‐oyr dy vel ayd ayns shen adsyn ta lhiantyn gys coyrle Balaam, dynsee Balak dy hoiaghey ribbey roish cloan Israel, dy ee reddyn v’er ny ouralley gys jallooyn, as dy chur rish maarderys.

Ashlish 2:20

Ny‐yeih, ta reddyn ennagh aym dy choyrt dty lieh, er‐y‐fa dy vel uss lhiggey da’n ven shen Jezebel, ta goaill urree dy ve ny adeyr, dy ynsaghey as dy chleayney my harvaantyn dy chur rish maarderys, as dy ghoaill commee ayns ny reddyn t’er ny ouralley gys jallooyn.

Ashlish 21:8

Agh adsyn ta faitagh, as mee‐chredjuagh, as adsyn ta cur rish obbraghyn dwoaiagh, as dunveryn, as maarderee, as fir‐obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.

Ashlish 22:15

Son cheu‐mooie ta moddee, as fir‐obbee, as maarderee, as dunveryn, as adsyn ta cur ooashley da jalloonyn, as quoi erbee shynney lesh as ta jannoo breg.