1 Corinthianee 5:1 - Yn Conaant Noa 1810

¹ Te goo cadjin dy vel maarderys nyn mast’ eu, as lheid y vaarderys as nagh vel wheesh as er ny enmys mastey ny Ashoonyn‐quaagh, dy jinnagh fer goaill da hene ben e ayrey.

Yn Vible Casherick 1775 1819

¹ Te goo cadjin dy vel maarderys nyn mast’ eu, as lheid y vaarderys as nagh vel wheesh as er ny enmys mastey ny Ashoonyn-quaagh, dy jinnagh fer goaill da hene ben e ayrey.

1 Corinthianee 5:1 ပူးပေါင်းရင်းမြစ်များ

Jannoo 15:20

Agh shin dy scrieu huc, ad dy reayll ad hene veih eajeeys jallooyn, as veih maarderys, as veih [gee] reddyn toghtit, as veih fuill.

Jannoo 15:29

Shiu dy reayll shiu hene veih bee chebbit gys jallooyn, as veih fuill, as veih reddyn toghtit, as veih maarderys: voue shoh my reaillys shiu shiu‐hene, nee shiu dy mie. Slane lhieu.

1 Corinthianee 1:11

Son te er ny ve soilshit dooys mychione eu, my vraaraghyn, lioroosyn jeh lught‐thie Chloe, dy vel streeuaghyn nyn mast’ eu.

1 Corinthianee 5:11

Agh nish ta mee er scrieu hiu, gyn sheshaght y reayll, my ta dooinney erbee ta enmyssit braar ny vaarderagh, ny sayntoilagh, ny jallooder, ny fer scammyltagh, ny meshtyllagh ny ny hranlaasagh, marish lhied y fer wheesh as gyn dy ghoaill bee.

1 Corinthianee 6:13

Bee son y volg, as y bolg son bee; agh nee Jee ad ny neesht y choyrt naardey. Nish cha vel y corp son maarderys, agh son y Chiarn; as y Chiarn son y chorp:

1 Corinthianee 6:18

Chea‐jee veih maarderys. Ta dy chooilley pheccah ta dooinney dy yannoo, cheu‐mooie jeh’n chorp; agh eshyn ta cur rish maarderys, t’eh jannoo peccah noi e chorp hene.

1 Corinthianee 6:9

Nagh vel fys eu nagh vow ny mee‐chrauee eiraght ayns reeriaght Yee? Ny bee‐jee mollit: chamoo yiow maarderee, ny adsyn ta cur ooashley da jallooyn, ny adsyn ta brishey‐poosey, ny ny soailtee, ny adsyn ta cur rish peccah noi dooghys,

2 Corinthianee 12:21

As er‐aggle tra hig‐ym reesht, dy jean my Yee m’y injillaghey nyn mast’ eu, as dy bee oyr trimshey aym er coontey ymmodee ta hannah er n’yannoo peccah, as nagh vel er ghoaill arrys jeh’n neu‐ghlennid, as y vaarderys, as y rouanys shen, t’ad er ny ve cur rish.

2 Corinthianee 2:5

Agh my ta fer erbee er choyrt oyr dy hrimshey, cha vel eh er yannoo mish trimshagh, agh ayns ayrn: nagh darrin ro hrome erriu ooilley.

2 Corinthianee 7:12

Shen‐y‐fa ga dy scrieu mish hiu, cha ren mee shen er y choontey echeysyn ren yn aggair, ny er y choontey echeysyn hurr yn aggair, egh dy voddagh yn imnea ainyn er nyn son euish ayns shilley Yee v’er ny hoilshaghey diu.

Galatianee 5:19

Nish ta obbraghyn yn eill cronnal, as shoh ad, Brishey‐poosey, maarderys, neu‐ghlennid, rouanys,

Ephesianee 5:3

Agh maarderys, as dy chooilley neu‐ghlennid, as saynt, ny lhig daue ve wheesh as enmyssit ny vud eu, myr te cooie da nooghyn:

Colossianee 3:5

Smaghtee‐jee er‐y‐fa shen ny oltyn thallooinagh eu; maarderys, neu‐ghlennid, yeearree neu‐chooie, drogh vian, as saynt seihltagh, ta dy chur ammys da jallooyn:

1 Thessalonianee 4:7

Son cha vel Jee er n’eamagh orrin gys neu‐ghlennid, agh gys casherickys.

Ashlish 2:21

As hug mee traa jee dy ghoaill arrys jeh’n vaarderys eck, as cha ren ee arrys y ghoaill.

Ashlish 21:8

Agh adsyn ta faitagh, as mee‐chredjuagh, as adsyn ta cur rish obbraghyn dwoaiagh, as dunveryn, as maarderee, as fir‐obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.