1 Corinthianee 4:8 - Yn Conaant Noa 1810

⁸ Nish ta shiu jeant magh, nish ta shiu berchagh, ta shiu er reill myr reeaghyn nyn vegooish: as dy baillish Jee dy jinnagh shiu reill, dy voddagh shinyn reill myrgeddin mêriu.

Yn Vible Casherick 1775 1819

⁸ Nish ta shiu jeant magh, nish ta shiu berchagh, ta shiu er reill myr reeaghyn nyn vegooish: as dy baillish Jee dy jinnagh shiu reill, dy voddagh shinyn reill myrgeddin mêriu.

1 Corinthianee 4:8 ပူးပေါင်းရင်းမြစ်များ

Noo Mian 5:1

As fakin lheid ny earrooyn dy leih, hie eh seose er slieau: as tra v’eh er hoie sheese, haink e ynseydee huggey

Noo Luke 6:25

Smerg diuish ta lane: son bee shiu accryssagh. Smerg diuish ta garaghtee nish: son nec shiu dobberan as keayney.

Jannoo 26:29

As dooyrt Paul, Baillym gys Jee dy beagh, cha nee ynrycan oo hene, agh myrgeddin ooilley ny ta dy my chlashtyn er y laa t’ayn jiu, cha nee faggys agh ooilley‐cooidjagh lheid as ta mish, cheu‐mooie jeh ny geulaghyn shoh.

Romanee 12:3

Son, liorish y ghrayse er ny choyrt dooys, ta mee gra rish dy chooilley ghooinney ta ny vud eu, gyn dy smooinaghtyn ny syrjey jeh hene na lhisagh eh smooinaghtyn; agh dy smooinaghtyn dy sheelt, cordail rish y towse dy chredjue ta Jee er rheynn er dy chooilley ghooinney.

1 Corinthianee 1:5

Son dy vel shiuish ayns dy chooilley nhee dy palchey er nyn yannoo magh liorishyn ayns dy chooilley ghlare, as ayns dy chooilley hushtey;

1 Corinthianee 4:18

Nish ta paart er n’aase mooaralagh, myr nagh darrin hiu.

1 Corinthianee 5:6

Cha vel y boggyssagh euish mie: Nagh vel fys eu dy vel red beg dy hoorid sooraghey yn slane theayst?

2 Corinthianee 11:1

Dy baillish Jee dy jinnagh shiu gymmyrkey lhiam red beg ayns my ommijys; as dy jarroo jean‐jee gymmyrkey lhiam.

2 Corinthianee 13:9

Son ta boggey orrin tra ta shinyn annoon, as shiuish lajer: as shoh myrgeddin ta shin geearree, dy jarroo yn slane lhiassaghey bea eu.

Galatianee 6:3

Son my ta dooinney jeeaghyn er hene dy ve red ennagh, tra nagh vel eh monney, t’eh molley eh hene.

Philippianee 1:27

Erskyn ooilley, lhig da’n ymmyrkey‐bea eu ve cordail rish sushtal Chreest: myr shen edyr mee dy heet dy yeeaghyn shiu, ny gyn cheet, dy voddym clashtyn jeh nyn stayd, dy vel shiu shassoo shickyr ayns un Spyrryd, lesh un aigney streeu cooidjah son credjue yn tushtal;

Philippianee 2:12

Shen‐y‐fa, my chaarjyn, myr ta shiu dy kinjagh er ve biallagh, cha nee myr ayns my enish ny‐lomarcan, agh nish foddey smoo myr ta mee veue; obbyr‐jee magh nyn saualtys hene lesh aggle as atchim.

Ashlish 3:17

Son dy vel oo gra, Ta mee berchagh, as er vishaghey ayns cooid, as nagh vel mee feme nhee erbee; as cha vel oo goaill hood hene dy vel oo treih, as seaghnit, as boght, as doal, as rooisht.

Ashlish 5:10

As t’ou er n’yannoo shin da’n Jee ain, reeaghyn as saggyrtyn: as nee mayd reill er y thalloo.