1 Corinthianee 4:7 - Yn Conaant Noa 1810

⁷ Son quoi eh ta coyrt dhyt’s yn vondeish erskyn fer elley? as cre t’ayd nagh vel oo er gheddyn? nish my hooar oo eh, cre’n‐fa t’ou boggyssagh, myr nagh beagh oo er gheddyn eh?

Yn Vible Casherick 1775 1819

⁷ Son quoi eh ta coyrt dhyt’s yn vondeish erskyn fer elley? as cre t’ayd nagh vel oo er gheddyn? nish my hooar oo eh, cre’n-fa t’ou boggyssagh, myr nagh beagh oo er gheddyn eh?

1 Corinthianee 4:7 ပူးပေါင်းရင်းမြစ်များ

Noo Luke 19:13

As deïe eh er ny jeih sharvaantyn echey, as livrey eh daue jeih puint, as dooyrt eh roo. Jean‐jee dellal derrey hig‐ym.

Noo Ean 1:16

As jeh’n slane towse echey ta shin ooilley er gheddyn ayrn, as grayse er grayse.

Noo Ean 3:27

Dreggyr Ean as dooyrt eh, Cha vod dooinney nhee erbee y ghoaill er hene, mannagh bee eh er ny choyrt da veih niau.

Romanee 1:5

Liorishyn ta shin er n’gheddyn grayse as ostyllys son biallys gys y chredjue mastey dy chooilley ashoon liorish yn ennym echey:

Romanee 12:3

Son, liorish y ghrayse er ny choyrt dooys, ta mee gra rish dy chooilley ghooinney ta ny vud eu, gyn dy smooinaghtyn ny syrjey jeh hene na lhisagh eh smooinaghtyn; agh dy smooinaghtyn dy sheelt, cordail rish y towse dy chredjue ta Jee er rheynn er dy chooilley ghooinney.

Romanee 12:6

Fakin eisht dy vel ain caghlaa dy ghiootyn cordail rish y ghrayse t’er ny choyrt dooin, edyr y ve son phadeyrys, lhig dooin jannoo phadeyrys cordail rish y corrymid dy chredjue:

1 Corinthianee 15:10

Agh liorish grayse Yee ta mee ny ta mee: as e ghrayse, va er ny ghiootal orrym, cha row eh ayns fardail; agh ren mee laboragh ny s’doccarree na ad ooilley: ny‐yeih cha nee mish, agh grayse Yee va mârym.

1 Corinthianee 3:5

Quoi eisht ta Paul, as quoi Apollos, agh shirveishee lioroo ren shiu credjal, dy jarroo myr ta’n Chiarn er choyrt da dagh unnane e ghioot hene?

1 Corinthianee 5:6

Cha vel y boggyssagh euish mie: Nagh vel fys eu dy vel red beg dy hoorid sooraghey yn slane theayst?

1 Corinthianee 7:7

Son baillym dy beagh dy chooilley ghooinney eer myr ta mee hene: agh ta e ghioot hene ec dagh dooinney veih Jee, fer er yn aght shoh, as fer er aght elley.

Jamys 1:17

Ta dy chooilley ghioot mie, as dy chooilley ghioot firrinagh veih’n yrjey, as cheet neose veih Ayr y toilshey, mârish nagh vel caghlaa erbee, ny scadoo dy hyndaa.

1 Peddyr 4:10

Myr ta dy chooilley ghooinney er gheddyn gioot, dy jarroo myr shen rheynn‐jee eh yn derrey yeh er y jeh elley, myr stiurtyn mie jeh ymmodee‐filley grayse Yee.