1 Corinthianee 4:6 - Yn Conaant Noa 1810

⁶ As ny reddyn shoh, vraaraghyn, ta mee ayns co‐soylaghey er ghoaill orrym pene, as er Apollos, er y ghraih euish; liorin dy voddagh shiu gynsaghey, gyn dy smooinaghtyn jeh deiney erskyn ny ta scruit, nagh bee veg eu boggyssagh ass lieh fer erskyn fer elley.

Yn Vible Casherick 1775 1819

⁶ As ny reddyn shoh, vraaraghyn, ta mee ayns co-soylaghey er ghoaill orrym pene, as er Apollos, er y ghraih euish; liorin dy voddagh shiu gynsaghey, gyn dy smooinaghtyn jeh deiney erskyn ny ta scruit, nagh bee veg eu boggyssagh ass lieh fer erskyn fer elley.

1 Corinthianee 4:6 ပူးပေါင်းရင်းမြစ်များ

Jannoo 18:24

As haink Hew dy row gys Ephesus, va enmyssit Apollos, ruggyr ec Alexandria, dooinney dy ghlare floaoil, as fondagh ayns ny scriptyryn.

Jannoo 19:1

As haink eh gy‐kione choud as va Apollos ec Corinth, dy jagh Paul trooid ny ardjyn syrjey, derrey haink eh gys Ephesus: raad hooar eh Creesteenyn dy row,

Romanee 12:3

Son, liorish y ghrayse er ny choyrt dooys, ta mee gra rish dy chooilley ghooinney ta ny vud eu, gyn dy smooinaghtyn ny syrjey jeh hene na lhisagh eh smooinaghtyn; agh dy smooinaghtyn dy sheelt, cordail rish y towse dy chredjue ta Jee er rheynn er dy chooilley ghooinney.

1 Corinthianee 1:12

As shoh ta mee dy ghra, dy vel fer as fer j’iu gra, Ta mish son Paul, as mish ’son Apollos, as mish son Cephas, as mish son Creest.

1 Corinthianee 1:19

Son te scruit, Ver‐yms mow creenaght y vooinjer chreeney, as ver‐ym lhiam gys veg keeayll y vooinjer cheeayllagh.

1 Corinthianee 1:31

Son, myr te scruit, Eshyn ta boggyssagh, lhig da boggyssagh, ayns y Chiarn.

1 Corinthianee 13:4

Ta graih surranse foddey, as t’ee dooie; cha vel graih troo: cha vel graih soiaghey ee hene seose ayns aght mooaralagh; cha vel ee sheidit seose lesh moyrn,

1 Corinthianee 3:19

Son ta creenaght y theihll shoh ommijys marish Jee: son te scruit, T’eh goaill yn vooinjer chreeney ayns y chroutys oc hene.

1 Corinthianee 3:21

Shen‐y‐fa ny lhig da dooinney erbee boggyssagh ayns deiney: son lhieuish ta dy chooilley nhee:

1 Corinthianee 5:2

As ta shiu sheidit lesh moyrn, tra by‐yeshey diu dy ghobberan, dy beagh eshyn t’er n’yannoo yn obbyr shoh, scarrit veih nyn mast’ eu.

1 Corinthianee 5:6

Cha vel y boggyssagh euish mie: Nagh vel fys eu dy vel red beg dy hoorid sooraghey yn slane theayst?

1 Corinthianee 8:1

Nish mychione reddyn t’er ny ouralley gys jallooyn, ta fys ain dy vel toiggal ain ooilley. Ta tushtey sheidey lesh moyrn, agh ta graih niartaghey ’sy chredjue.

1 Corinthianee 9:23

As shoh ta mee jannoo er graih yn tushtal, dy voddin mêriu goaill ayrn jeh’n leagh ta ayns shen giallit.

2 Corinthianee 10:12

Son cha lhoys dooin jannoo shin hene jeh’n earroo ocsyn, ny soylaghey shin hene gys paart ta dy voylley ad hene: agh adsyn towse ad hene lioroo hene, as soylaghey ad hene roo hene, cha vel ad creeney.

2 Corinthianee 10:15

Cha nee boggyssagh jeh reddyn harrish nyn dowse, ta shen, jeh laboraght gheiney elley; agh treishteil, tra vees yn credjue euish er ny vishaghey, dy jean y towse ainyn roshtyn ny sodjey lieriuish dy gholl dy mooar er nyn doshiaght cordail rish y rule ainyn,

2 Corinthianee 10:7

Vel shiu briwnys reddyn lurg y caslys er cheu‐mooie? my ta dooinney erbee treishteil huggey hene, dy vel eh lesh Creest, lhig da shoh neesht ’ghoaill mârish, myr t’eshyn lesh Creest, dy vel shinyn lesh Creest myrgeddin.

2 Corinthianee 11:4

Son my t’eshyn ta cheet, preacheil Yeesey elley nagh vel shinyn er phreacheil, ny my ta shiu geddyn spyrryd elley, nagh vel shiu [hannah] er gheddyn, ny sushtal elley, nagh vel shiu er ghoaill rish, oddagh shiu dy mie gymmyrkey lesh.

2 Corinthianee 12:19

Reesht, vel shiu smooinaghtyn dy vel shin jannoo leshtallyn? ta shin loayrt fenish Yee ayns Creest: agh ta shin jannoo dy chooilley nhee, chaarjyn ennoil, dy chur tushtey sodjey diu.

2 Corinthianee 12:20

Agh ta mee goaill aggle tra hig‐ym’s, nagh voym shiuish lheid as baillym, as beem’s er ny gheddyn lieriuish lheid as nagh bailliu: er‐aggle dy bee ny vud eu anvea, troo, jymmoose, streeu, cooyl‐chassid, tutleraght, mooaralys, irree‐magh:

2 Corinthianee 12:6

Son ga dy beagh aigney aym dy voggyssagh, cha bee’m my ommydan; son loayr‐ym yn irriney: agh nish ta mee lhiggey shaghey, er aggle dy jinnagh dooinney erbee smooinaghtyn jee’m erskyn ny t’eh fakin mee dy ve, ny shen t’eh dy chlashtyn jee’m.

2 Corinthianee 4:15

Son ta dy chooilley nhee er y ghraih euish, dy voddagh yn ghrayse feoilt, trooid toyrt‐booise ymmodee, bishaghey gys gloyr Yee.

Colossianee 2:18

Ny lhig da dooinney erbee shiu y volley jeh nyn leagh, lesh injillid‐aigney foalsey, as cur ooashley da ainleyn, goaill er dy choyrt coontey jeh ny reddyn shen nagh vel eh er vakin, dy fardalagh er ny heidey seose liorish aigney ny foalley;

1 Thessalonianee 1:5

Son cha daink y sushtal ainyn hiu ayns goo ny lomarcan, agh myrgeddin ayns pooar, as ayns y Spyrryd Noo, as ayns slane shickyrys, myr ta fys eu kys ren shin gymmyrkey shin hene nyn mast’ eu, er y choontey eu.

2 Timothy 2:10

Shen‐y‐fa ta mee surranse dy chooilley nhee er graih yn chloan reiht, dy vod adsyn neesht yn saualtys t’ayns Creest Yeesey y gheddyn, marish gloyr dy bragh beayn.