1 Corinthianee 4:5 - Yn Conaant Noa 1810

⁵ Shen‐y‐fa ny jean‐jee nhee erbee y vriwnys roish y traa, derrey hig y Chiarn, ver chammah lesh gys soilshey folliaghtyn y dorraghys, as nee soilshaghey magh smooinaghtyn ny creeaghyn; as eisht yiow dy chooilley ghooinney moylley veih Jee.

Yn Vible Casherick 1775 1819

⁵ Shen-y-fa ny jean-jee nhee erbee y vriwnys roish y traa, derrey hig y Chiarn, ver chammah lesh gys soilshey folliaghtyn y dorraghys, as nee soilshaghey magh smooinaghtyn ny creeaghyn; as eisht yiow dy chooilley ghooinney moylley veih Jee.

1 Corinthianee 4:5 ပူးပေါင်းရင်းမြစ်များ

Noo Mian 10:26

Ny gow‐jee er‐y‐fa shen aggle roue: son cha vel nhee erbee follit nagh jig gys soilshey: ny nhee erbee keillit, nagh jig er‐ash.

Noo Mian 24:30

As eisht bee cowrey Mac y dooinney er ny akin ayns yn aer: as ec y traa shen nee ooilley sheelogheyn y thallooin dobberan, as hee ad yn Mac dooinney cheet ayns bodjallyn yn aer, lesh pooar as gloyr vooar.

Noo Mian 24:46

Bannit ta’n charvaant cheddin, yiow e Hiarn, tra hig eh jannoo myr shen.

Noo Mian 25:21

Dooyrt e hiarn rish, S’mie t’ou er n’yannoo, harvaant vie as firrinagh; t’ou er ny ve firrinagh ayns y veggan, livrey‐yms mooarane gys dty churrym: immee uss stiagh gys boggey dty hiarn.

Noo Mian 25:23

Dooyrt e hiarn rish, S’mie t’ou er n’yannoo harvaant vie as firrinagh: t’ou er ny ve firrinagh ayns y veggan, livrey‐yms mooarane gys dty churrym: immee uss stiagh gys boggey dty hiarn.

Noo Luke 6:37

Ny jean‐jee briwnys, as cha bee shiu er nyn mriwnys: ny jean‐jee deyrey, as cha bee shiu er nyn gheyrey: leih‐jee, as yiow shiu leih:

Noo Ean 21:22

Dooyrt Yeesey rish, My she m’aigney’s eh eshyn dy uirriaght derrey hig‐ym, cre ta shen dhyt’s? Eiyr uss orrym’s.

Noo Ean 21:23

Eisht hie yn raa shen magh mastey ny braaraghyn, nagh row yn ostyl shen dy gheddyn baase: agh cha dooyrt Yeesey rish, Cha vow eh baase: agh, My she m’aigney’s eh eshyn dy uirriaght derrey hig‐yms, cre ta shen dhyt’s.

Noo Ean 5:44

Kys oddys shiuish credjal ta geddyn ooashley yn derrey yeh veih yn jeh elley, as nagh vel shirrey yn ooashley ta veih Jee ny lomarcan?

Romanee 14:4

Quoi oo hene ta briwnys sharvaant ghooinney elley? liorish [briwnys] e vainshter hene t’eh shassoo ny tuittym: Dy jarroo, bee eh er ny chummal seose: son ta Jee abyl dy niartaghey eh.

Romanee 2:1

Shen‐y‐fa t’ou fegooish leshtal, O ghooinney, quoi‐erbee oo hene ta briwnys: son ayns ny t’ou briwnys fer elley, t’ou deyrey oo hene; son uss ta briwnys, t’ou jannoo ny reddyn cheddin.

Romanee 2:16

Ayns y laa tra nee Jee folliaghtyn gheiney y vriwnys liorish Yeesey Creest, cordail rish y sushtal fo my churrym.

Romanee 2:29

Agh t’eshyn ny Ew, ta fer er cheu‐sthie: as ta’n giarey‐chymmylt [firrinagh shen] jeh’n chree, ayns y spyrryd, as cha nee ayns y letter, yn moylley echey cha vel veih deiney, agh veih Jee.

Romanee 2:7

Dauesyn, liorish tannaghtyn dy meen ayns jannoo mie, ta shirrey son gloyr, as ooashley, as flaunys; yn vea dy bragh farraghtyn:

1 Corinthianee 1:7

Myr shen nagh vel shiu cheet er‐gooyl ayns gioot erbee; farkiagh son cheet y Chiarn Yeesey Creest;

1 Corinthianee 11:16

Agh my saillish dooinney erbee ve streeuagh, cha vel lheid y cliaghtey ain, ny foast ec kialteenyn Yee.

1 Corinthianee 11:26

Son cha mennick as ee‐ys shiu yn arran shoh, as iu‐ys shiu yn cappan shoh, ta shiu soilshaghey magh baase y Chiarn derrey hig eh.

1 Corinthianee 15:23

Agh dy chooilley ghooinney ayns e choorse hene: Creest yn chied‐vess; ny lurg shen adsyn ta lesh Creest, ec y cheet echey.

1 Corinthianee 3:13

Bee obbyr dy chooilley ghooinney er ny hoilshaghey: son ver yn laa lesh eh gys soilshey, er‐yn‐oyr dy bee eh er ny hoilshaghey liorish aile; as nee’n aile obbyr dy chooilley ghooinney y hrial, cre’n sorch te jeh.

1 Corinthianee 3:14

My ta obbyr dooinney erbee t’eh er hroggal er, shassoo yn aile, yiow eh leagh.

1 Corinthianee 3:8

Nish eshyn ta soiaghey, as eshyn ta gushtaghey, cha vel ad agh unnane: as yiow dy chooilley ghooinney e leagh hene, cordail rish e laboraght hene.

2 Corinthianee 10:18

Son cha nee eshyn ta dy voylley eh hene, ta soiagh jeant jeh, agh eshyn ta’n Chiarn dy voylley.

2 Corinthianee 10:9

Nagh goghe shiu mee myr dy baillym shiu y agglaghey lesh screeunyn.

2 Corinthianee 4:2

Agh ta shin er choyrt slane obbal da ny cliaghtaghyn follit scammyltagh, cha nee gimmeeaght ayns molteyrys, chamoo shirveish goo Yee dy foalsey, agh liorish soilshaghey magh yn irriney, faagail shin hene gys [briwnys] cooinsheanse dy chooilley ghooinney ayns fenish Yee.

2 Corinthianee 5:10

Son shegin dooin ooilley shassoo fenish stoyl‐briwnys Chreest, dy vod dy chooilley unnane ve cooilleenit son ny reddyn ta jeant ayns y challin, cordail rish shen ny t’eh er n’yannoo, lhig eh ve mie ny sie.

1 Thessalonianee 5:2

Son ta fys dy mie eu hene, dy vel laa yn Chiarn cheet myr maarliagh ’syn oie.

Hebrewnee 4:13

Chamoo ta cretoor erbee keillit ayns e enish: agh ta dy chooilley nhee rooisht as foshlit gys ny sooillyn echeysyn, da ta shin dy choyrt coontey.

Jamys 4:11

Ny loayr‐jee olk yn derrey yeh jeh’n jeh elley, vraaraghyn. Eshyn ta goltooaney e vraar, as briwnys e vraar, t’eh goltooaney yn leigh, as briwnys y leigh: agh my t’ou briwnys y leigh, cha vel oo cooilleeney’n leigh, agh jannoo oo hene dty vriw.

Jamys 5:7

Fark‐jee er‐y‐fa shen, vraaraghyn, derrey cheet y Chiarn. Cur‐my‐ner, ta’n eirinnagh farkiagh son mess berchagh y thallooin, as t’eh farkiagh foddey er y hon, derrey hig fliaghey cooie ny imbaghyn.

Jamys 5:9

Ny gow‐jee sproght goanlyssagh ry‐cheilley, vraaraghyn, er‐aggle dy bee shiu er nyn gheyrey: cur‐my‐ner ta’n briw shassoo ec y dorrys.

1 Peddyr 1:7

Dy vod prowal nyn gredjue ta foddey s’costal na airh ta ceau ersooyl, ga er ny hrial lesh aile, ve er ny gheddyn gys moylley, as ooashley, as gloyr ec cheet Yeesey Creest:

1 Peddyr 5:4

As tra hig yn Ard‐vochilley kionfenish, yiow shiu attey dy ghloyr nagh jean fioghey ersooyl.

2 Peddyr 3:12

Farkiagh son, as kiartaghey shiu hene ry‐hoi cheet laa Yee, tra vees yn aer er ny stroie lesh aile, as stoo yn theihll lheïe lesh chiass aileagh.

2 Peddyr 3:4

As gra, Cre vel gialdyn y cheet echey? son er‐dyn traa huitt ny ayraghyn nyn gadley, ta dy chooilley nhee tannaghtyn myr v’ad er‐dy hoshiaght y chroo.

Jude 1:14

As ren Enoch myrgeddin, yn chiaghtoo jeh kynney Adam phadeyrys mychione oc shoh, gra, Cur‐my‐ner ta’n Chiarn cheet lesh jeih thousaneyn jeh e nooghyn, casherick,

Ashlish 1:7

Cur‐my‐ner, t’eh cheet lesh bodjallyn; as hee dy chooilley hooill eh, as adsyn myrgeddin ren eh y hoylley: as nee ooilley kynneeyn y thallooin dobberan kyndagh rish: myr shen dy row, Amen.

Ashlish 20:12

As honnick mee ny merriu, beg as mooar, nyn shassoo fenish Yee; as va ny lioaryn foshlit: as va lioar elley foshlit, ta lioar y vea: as va ny merriu er nyn mriwnys liorish ny reddyn shen va scruit ayns ny lioaryn, cordail rish nyn obbraghyn.