1 Corinthianee 4:14 - Yn Conaant Noa 1810

¹⁴ Cha vel mee scrieu ny reddyn shoh dy naaraghey shiu, agh myr my chloan shynney lhiam ta mee cur coyrle diu.

Yn Vible Casherick 1775 1819

¹⁴ Cha vel mee scrieu ny reddyn shoh dy naaraghey shiu, agh myr my chloan shynney lhiam ta mee cur coyrle diu.

1 Corinthianee 4:14 ပူးပေါင်းရင်းမြစ်များ

Jannoo 20:31

Bee‐jee er‐y‐fa shen er nyn arrey, as cooinee‐jee rish three bleeaney dy vel mee er ve kinjagh oie as laa cur raaue da dy chooilley unnane eu lesh jeïr.

1 Corinthianee 15:34

Dooisht‐jee gys cairys, as ny cur‐jee rish peccah; son ta paart nagh vel tushtey oc dy Yee: ta mee grah shoh gys y nearey eu.

1 Corinthianee 4:15

Son ga dy vel eu jeih thousane fir‐ynsee ayns Creest, foast cha nhimmey ayr t’eu: son ayns Creest Yeesey ta mish er gheddyn shiu trooid y sushtal.

1 Corinthianee 4:17

Son yn oyr shoh ta mee er chur er chaghteraght hiu Timotheus, ta my vac graihagh, as firrinagh ayns y Chiarn, ver shiu ayns cooinaghtyn jeh ny raaidyn aym’s ta ayns Creest, myr ta mee gynsaghey dy chooilley raad ayns ooilley ny kialteenyn.

1 Corinthianee 6:5

Ta mee loayrt gys y nearey eu. Nee shen myr te, nagh vel dooinney creeney nyn mast’ eu? unnane hene vees abyl cooish y vriwnys eddyr e vraaraghyn?

1 Corinthianee 9:15

Agh cha vel mish er n’yannoo ymmyd erbee jeh’n phooar shoh. Chamoo ta mee er scrieu ny reddyn shoh, dy nee myr shoh veagh eh jeant er my hon: son baare dou baase y gheddyn na dooinney erbee dy yannoo shoh my voggys dyn bree.

2 Corinthianee 11:11

Cre’n oyr? nee son nagh vel graih aym erriuish? ec Jee ta fys.

2 Corinthianee 12:19

Reesht, vel shiu smooinaghtyn dy vel shin jannoo leshtallyn? ta shin loayrt fenish Yee ayns Creest: agh ta shin jannoo dy chooilley nhee, chaarjyn ennoil, dy chur tushtey sodjey diu.

2 Corinthianee 7:3

Cha vel mee loayrt shoh dy gheyrey shiu: son ta mee roïe er ghra, dy vel shiu ayns nyn gree, dy ve mêriu ayns baase ny bioys.

Colossianee 1:28

Eshyn ta shinyn dy phreacheil, cur raaue da dy chooilley ghooinney, as gynsaghey dy chooilley ghooinney ayns slane creenaght; dy vod mayd dy chooilley ghooinney y hebbal dy slane casherick ayns Creest Yeesey:

1 Thessalonianee 2:11

Myr ta fys eu, kys ren shin coyrlaghey as gherjaghey, as currymaghey dagh unnane eu (myr ta ayr e chloan)

1 Thessalonianee 5:14

Nish ta shin guee erriu, vraaraghyn, cur‐jee raaue dauesyn ta mee‐reiltagh, jean‐jee gerjaghey adsyn ta lhag‐chreeagh, ymmyrk‐jee lesh ny annooinee, bee‐jee surransagh rish dy chooilley ghooinney.

2 Thessalonianee 3:14

As my ta dooinney erbee nagh vel coyrt biallys da’n goo ain liorish y screeuyn shoh, gow‐jee baght er‐lheh jeh’n dooinney shen, as ny jean‐jee sheshaght rish, dy vod eh goaill nearey.

Philemon 1:10

Ta mee jannoo aghin hood ayns lieh my vac Onesimus, ta mee er gheddyn ayns y chredjue tra va mee ayns my gheulaghyn:

1 Ean 2:1

My chloan veggey, ta mee scrieu ny reddyn shoh hiuish, nagh jean shiu peccah. As my ta dooinney erbee jannoo peccah, ta fer ain ta loayrt er nyn son rish yn Ayr, Yeesey Creest yn fer‐cairagh:

3 Ean 1:4

Cha vel boggey smoo aym na dy chlashtyn dy vel my chloan gimmeeaght ayns yn irriney.