1 Corinthianee 4:12 - Yn Conaant Noa 1810

¹² As ta shin laboragh, gobbraghey lesh nyn laueyn hene: tra ta shin oltooanit, ta shin bannaghey: tra ta shin tranlaasit, ta shin dy ymmyrkey eh:

Yn Vible Casherick 1775 1819

¹² As ta shin laboragh, gobbraghey lesh nyn laueyn hene: tra ta shin oltooanit, ta shin bannaghey: tra ta shin tranlaasit, ta shin dy ymmyrkey eh:

1 Corinthianee 4:12 ပူးပေါင်းရင်းမြစ်များ

Noo Mian 5:11

Bannit ta shiuish tra vees shiu oltooanit, as tranlaasit, as dy chooilley ghrogh‐ghoo currit ass nyn lieh dy aggairagh er y choontey aym’s.

Noo Mian 5:44

Agh ta mish gra riu, Bee‐jee dooie da nyn noidyn, bannee‐jee adsyn ta gwee mollaght diu, jean‐jee mie dauesyn ta cur dwoaie diu, as gow‐jee padjer er nyn son ocsyn ta dy goanlyssagh jannoo tranlaase erriu:

Noo Luke 23:34

Eisht dooyrt Yeesey, Ayr, jean leih daue; son cha vel fys oc cre t’ad dy yannoo. As rheynn ad e choamrey, as hilg ad lottyn.

Noo Luke 6:28

Bannee‐jee adsyn ta gwee mollaght diu, as gow‐jee padjer er nyn son ocsyn ta cur seaghyn erriu.

Noo Ean 15:20

Cooinee‐jee er y raa loayr mish riu, Cha vel y charvaant ny syrjey na e hiarn. My t’ad er n’yannoo tranlaase orrym’s, nee ad myrgeddin tranlaase erriuish: my t’ad er vreayll my ghoan’s, freillee ad ny goan euish myrgeddin.

Jannoo 18:3

As er‐yn‐oyr dy row eh jeh’n un cheird roo, duirree eh as dobbree eh maroo (son jannoo cabbaneyn va’n cheird oc.)

Jannoo 20:34

Dy jarroo ta fys eu hene, dy nee ny laueyn shoh ren shirveish er my ymmyrch, as orroosyn va mârym.

Jannoo 7:60

As ghlioon eh sheese, as deïe eh lesh ard‐choraa, Hiarn, ny cur y peccah shoh ass nyn lieh. As tra v’eh er ghra shoh huitt eh ny chadley.

Romanee 12:14

Bannee‐jee adsyn ta jannoo tranlaase erriu; bannee‐jee, as ny gwee‐jee mollaght.

Romanee 12:20

Shen‐y‐fa my ta dty noid accryssagh, cur da bee; my t’eh paagh, cur jough da: son liorish jannoo shoh nee oo cruinnaghey smarageyn dy aile er e chione .

Romanee 8:35

Quoi nee shinyn y scarrey veih graih Chreest? jean seaghyn, ny chennid, ny tranlaase, ny gortey, ny rooishtid, ny gaue, ny cliwe?

1 Corinthianee 9:6

Ny nee mish as Barnabas ny lomarcan nagh vel ee nyn reamys dy chur nyn geird dy lhiattee?

2 Corinthianee 11:8

Ta mee er choyrt kialteenyn elley gys cost, goaill faill jeu, dy yannoo shirveish diuish.

Ephesianee 4:28

Lhig dasyn ren geid, gyn geid arragh; agh ny sleaie lhig da laboragh, gobbraghey lesh e laueyn shen ny ta mie, dy vod ve echey dy choyrt da’n ymmyrchagh.

1 Thessalonianee 2:9

Son ta cooinaghtyn eu, vraaraghyn, er y tooilleil as y deinys ain: son gobbraghey oie as laa, er‐yn‐oyr nagh jinnagh shin currym er veg eu, ren shin sushtal Yee y phreacheil diu.

2 Thessalonianee 3:8

Chamoo d’ee shin arran dooinney erbee nastee; agh ren shin gobbraghey lesh deinys as tooilleil oie as laa, son nagh beagh shin costyllagh da veg eu:

1 Timothy 4:10

Son er y choontey shen ta shin chammah laboragh, as surranse scammylt, er‐yn‐oyr dy vel shin treishteil ayns y Jee bio, ta ny Haualtagh da dy chooilley ghooinney, erskyn ooilley dauesyn ta credjal.

1 Peddyr 2:23

Tra v’eh oltooanit, cha doltooan eh reesht: tra v’eh fo surranse, cha ren eh baggyrt; agh ren eh eh‐hene y hymney huggeysyn ta briwnys dy cairagh:

1 Peddyr 3:14

Agh foast my ta shiu surranse er coontey ynrickys, s’maynrey shiu: as ny bee‐jee agglagh roish y baggyrt oc, chamoo bee‐jee seaghnit;

1 Peddyr 3:9

Cha nee cooilleeney olk son olk, ny oltooan son oltooan: agh ayns ynnyd shen, bannaghey; toiggal dy vel shiu gys shoh er ny eam, dy vod shiu bannaght y gheddyn myr eiraght.

1 Peddyr 4:19

Shen‐y‐fa, lhig dauesyn ta surranse cordail rish aigney Yee, livrey seose kiarail nyn anmeenyn huggeysyn ayns jannoo dy mie, myr gys Fer‐croo firrinagh.

Jude 1:9

Agh Michael yn ard‐ainle, tra ayns streeu rish y drogh spyrryd, v’eh pleadeil mychione corp Voses, cha ghow eh er dy choyrt stiagh plaiynt oltooanagh n’oï, agh dooyrt eh, Dy der y Chiarn oo dty host.