1 Corinthianee 4:1 - Yn Conaant Noa 1810

¹ Lhig da dooinney myr shen soiaghey j’inyn, myr jeh shirveishee Chreest, as stiurtyn jeh folliaghtyn Yee.

Yn Vible Casherick 1775 1819

¹ Lhig da dooinney myr shen soiaghey j’inyn, myr jeh shirveishee Chreest, as stiurtyn jeh folliaghtyn Yee.

1 Corinthianee 4:1 ပူးပေါင်းရင်းမြစ်များ

Noo Mian 13:11

Dreggyr eshyn, as dooyrt eh roo, Er‐yn‐oyr dy vel eh er ny choyrt diuish folliaghtyn reeriaght niau y hoiggal, agh dauesyn cha vel eh er ny choyrt.

Noo Mian 24:45

Quoi eisht yn charvaant firrinagh as creeney shen, ta e Hiarn er n’yannoo ny er‐reill er e vooinjer, dy chur daue nyn meaghey ayns traa cooie?

Noo Mark 4:11

As dooyrt eh roo, Diuish te er ny choyrt dy hoiggal folliaght reeriaght Yee: agh dauesyn ta mooie, ta dy chooilley nhee jeant ayns coraaghyn‐dorraghey.

Noo Luke 1:2

Eer myr hoilshee ad dooinyn ad, va er‐dyn toshiaght nyn veanishyn sooilley as nyn shirveishee jeh’n ghoo.

Noo Luke 12:42

As dooyrt y Chiarn, Quoi eisht yn stiurt firrinagh as creeney shen nee e hiarn y yannoo ny er‐reill er lught e hie, dy hirveish orroo nyn meaghey ayns traa cooie?

Noo Luke 8:10

As dooyrt eh, Diuish te er ny choyrt dy hoiggal folliaghtyn reeriaght Yee; agh da feallagh elley ayns coraaghyn‐dorraghey: ga t’ad fakin cha vel ad cur‐my‐ner, as clashtyn cha vel ad toiggal.

Romanee 11:25

Son cha baillym, vraaraghyn, dy beagh shiu mee‐hushtagh jeh’n folliaght shoh, (er‐aggle dy beagh shiu creeney ayns ny smooinaghtyn ard eu hene) dy vel dellid er daghyrt da Israel ayns ayrn, derrey hig slane corp ny Hashoonee stiagh.

Romanee 16:25

Nish dasyn ta pooaral dy niartaghey shiu cordail rish yn sushtal aym’s, as preacheil Yeesey Creest, (cordail rish soilshaghey yn folliaght, v’er ny cheiltyn er dy hoshiaght y theihll,

1 Corinthianee 2:7

Agh ta shin loayrt creenaght Yee ayns folliaght, dy jarroo yn chreenaght follit shen ren Jee goardaghey roish ny seihllyn gys y ghloyr ainyn:

1 Corinthianee 3:5

Quoi eisht ta Paul, as quoi Apollos, agh shirveishee lioroo ren shiu credjal, dy jarroo myr ta’n Chiarn er choyrt da dagh unnane e ghioot hene?

1 Corinthianee 4:13

Tra ta scammylt er ny choyrt dooin, ta shin coyrt goan mie: ta shin myr trustyr y theihll, as breinid dy chooilley nhee gys y laa t’ayn jiu.

1 Corinthianee 4:2

Ny sodjey, te currym er ny yerkal rish ayns stiurtyn dy bee dooinney er ny gheddyn firrinagh.

2 Corinthianee 11:23

Nee shirveishee Chreest ad? (ta mee loayrt myr ommydan) ta mish er‐nyn‐skyn: ayns tooilleilyn ny s’palchey, ayns surranse buillaghyn erskyn towse, ayns pryssoonyn ny s’menkey, ayns gaue baaish dy mennick.

2 Corinthianee 12:6

Son ga dy beagh aigney aym dy voggyssagh, cha bee’m my ommydan; son loayr‐ym yn irriney: agh nish ta mee lhiggey shaghey, er aggle dy jinnagh dooinney erbee smooinaghtyn jee’m erskyn ny t’eh fakin mee dy ve, ny shen t’eh dy chlashtyn jee’m.

2 Corinthianee 4:5

Son cha nee shin hene ta shin dy phreacheil, agh Creest Yeesey yn Chiarn: as shin hene ny sharvaantyn euish er graih Yeesey.

2 Corinthianee 6:4

Agh ayns dy chooilley nhee soilshaghey shin hene magh myr shirveishee Yee, ayns lane meenid, ayns seaghyn, ayns êgin, ayns chennid,

Ephesianee 1:9

As er hoilshaghey dooin folliaght e aigney hene, cordail rish e haitnys mie, ren eh ’chiarail ayn hene:

Ephesianee 6:19

As er my hon’s er‐lheh, dy vod glare ve er ny choyrt dou, dy voddym fosley my veeal dy dunnal, dy hoilshaghey folliaght y tushtal;

Colossianee 2:2

Dy vod ny creeaghyn oc ve er nyn gherjaghey, sniemmit cooidjagh ayns graih, as gys dy chooilley verchys as slane shickyrys jeh tushtey, dy ghoaill rish folliaght Yee, dy jarroo yn Ayr, as jeh Creest;

Colossianee 4:3

Marish shoh, goaill padjer myrgeddin er nyn son ainyn, dy jinnagh Jee fosley dooin dorrys dy ghlare vreeoil, dy loayrt folliaght Chreest, er y hon ta mish myrgeddin ayns geulaghyn:

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

1 Timothy 3:6

Cha nee fer gerrit ’sy chredjue, er‐aggle dy bee eh troggit seose lesh moyrn, as dy duitt eh fo briwnys y drogh‐spyrryd.

1 Timothy 3:9

Freayll folliaght y chredjue ayns cooinsheanse ghlen.

Titus 1:7

Son shegin dy aspick ve gyn foill, myr stiurt Yee; cha nee mooaralagh, ny leah fargagh, cha nee cur rish feeyn, ny builltagh, ny soit er cosney scammyltagh;

1 Peddyr 4:10

Myr ta dy chooilley ghooinney er gheddyn gioot, dy jarroo myr shen rheynn‐jee eh yn derrey yeh er y jeh elley, myr stiurtyn mie jeh ymmodee‐filley grayse Yee.