1 Corinthianee 3:23 - Yn Conaant Noa 1810

²³ As ta shiuish lesh Creest: as ta Creest lesh Jee.

Yn Vible Casherick 1775 1819

²³ As ta shiuish lesh Creest: as ta Creest lesh Jee.

1 Corinthianee 3:23 ပူးပေါင်းရင်းမြစ်များ

Noo Mian 17:5

Choud as v’eh foast loayrt, ren bodjal sollys skeayley harrystoo: as cur‐my‐ner haink coraa ass y vodjal, gra, Shoh my vac ennoil, ayn ta mee goaill slane taitnys, eaisht‐jee rishyn.

Noo Ean 17:18

Myr t’ou uss er my choyrt gys y theihll, myr shen ta mish myrgeddin er chur adsyn gys y theihll.

Noo Ean 17:21

Dy vod ad ooilley ve unnane, myr t’ou uss ayr aynym’s, as mish aynyd’s; dy vod adsyn myrgeddin ve unnane ayninyn: dy vod y seihll credjal dy ren oo my choyrt.

Romanee 14:8

Son edyr shin ve bio, ta shin bio gys y Chiarn; as edyr shin ve marroo, ta shin marroo gys y Chiarn: Shen‐y‐fa edyr shin ve bio ny marroo, ta shin lesh y Chiarn.

1 Corinthianee 11:3

Agh baillym shiu dy hoiggal dy nee Creest kione dy chooilley ghooinney; as y dooinney kione e ven; as dy nee Jee kione Chreest.

1 Corinthianee 15:23

Agh dy chooilley ghooinney ayns e choorse hene: Creest yn chied‐vess; ny lurg shen adsyn ta lesh Creest, ec y cheet echey.

1 Corinthianee 15:28

As tra vees dy chooilley nhee er ny choyrt fosyn, eisht bee yn Mac eh hene myrgeddin er ny injillaghey huggeysyn hug dy chooilley nhee fo, dy vod Jee ve ooilley ayns ooilley.

1 Corinthianee 7:22

Son eshyn ta er ny eam ayns y Chiarn, as eh ny harvaant, t’eh ayns seyrsnys y Chiarn: myrgeddin eshyn ta er ny eam, as eh ayns seyrsnys, t’eh sharvaant Chreest.

1 Corinthianee 8:6

Agh dooinyn cha vel ayn agh un Jee, yn Ayr, jehsyn ta dy chooilley nhee, as shinyn aynsyn; as un Chiarn Yeesey Creest, liorishyn ta dy chooilley nhee, as shinyn liorishyn.

2 Corinthianee 10:7

Vel shiu briwnys reddyn lurg y caslys er cheu‐mooie? my ta dooinney erbee treishteil huggey hene, dy vel eh lesh Creest, lhig da shoh neesht ’ghoaill mârish, myr t’eshyn lesh Creest, dy vel shinyn lesh Creest myrgeddin.

Galatianee 3:29

As my she lesh Creest shiu, eisht ta shiu sluight Abraham, as eiraghyn cordail rish y ghialdyn.

Galatianee 5:24

As adsyn ta lesh Creest, ta’d er chrossey yn eill, marish ny yeearreeyn as ny sayntyn.

Ephesianee 1:10

Ayns coorse slane towse ny hearishyn, dy voddagh eh chaglym cooidjagh ayns unnane dy chooilley nhee ayns Creest, chammah ny t’ayns niau as er y thalloo, dy jarroo aynsyn.