1 Corinthianee 3:18 - Yn Conaant Noa 1810

¹⁸ Ny lhig da dooinney erbee eh hene y volley: My ta dooinney erbee ny vud eu goaill er hene dy ve creeney ’sy theihll shoh, lhig da ve ny ommydan, dy voh eh ve creeney.

Yn Vible Casherick 1775 1819

¹⁸ Ny lhig da dooinney erbee eh-hene y volley: My ta dooinney erbee ny-vud eu goaill er hene dy ve creeney ’sy theihll shoh, lhig da ve ny ommydan, dy vod eh ve creeney.

1 Corinthianee 3:18 ပူးပေါင်းရင်းမြစ်များ

Noo Mian 13:22

Eshyn myrgeddin ghow yn rass mastey ny drineyn, yn fer ta chlashtyn y goo: as ta kiarail y theihll shoh, as molteyrys berchys plooghey yn goo, as te cheet dy ve neu‐vessoil.

Noo Mian 18:4

Quoi‐erbee er‐y‐fa shen, nee eh hene y injillaghey myr y lhiannoo beg shoh, eh syrjey vees ayns reeriaght niau.

Noo Mark 10:15

Dy firrinagh ta mee gra riu, Quoi‐erbee nagh jean goaill reeriaght Yee myr lhiannoo beg, cha jed eh stiagh ayn.

Noo Luke 18:17

Dy firrinagh ta mee gra riu, Quoi‐erbee nagh jean goaill‐rish reeriaght Yee myr lhiannoo beg, cha jed eh er aght erbee stiagh ayn.

Noo Luke 21:8

As dooyrt eh, Cur‐jee twoaie nagh bee shiu er nyn molley: son hig ymmodee ayns m’ennym’s, gra, Mish Creest; as ta’n traa tayrn er‐gerrey: ny gow‐jee shiuish er‐y‐fa shen geiyrt orroo.

Romanee 11:25

Son cha baillym, vraaraghyn, dy beagh shiu mee‐hushtagh jeh’n folliaght shoh, (er‐aggle dy beagh shiu creeney ayns ny smooinaghtyn ard eu hene) dy vel dellid er daghyrt da Israel ayns ayrn, derrey hig slane corp ny Hashoonee stiagh.

Romanee 12:16

Bee‐jee jeh un aigney yn derrey yeh gys y jeh elley. Ny soie‐jee nyn aigney er nheeghyn ard, agh croym‐jee gys deiney ta injil ayns stayd. Ny bee‐jee creeney ayns ny smooinaghtyn eu hene.

1 Corinthianee 15:33

Ny bee‐jee mollit; ta drogh heshaght cur mow ellyn mie.

1 Corinthianee 3:17

My nee dooinney erbee stroie chiamble Yee, eshyn nee Jee y stroie: son ta chiamble Yee casherick, yn chiamble shen ta shiuish.

1 Corinthianee 4:10

Ta shinyn goit son ommydanyn er coontey Chreest, agh ta shiuish creeney ayns Creest: ta shinyn annoon, agh ta shiuish lajer: ta shiuish ooasle; agh ta beg er ny hoiaghey j’inyn.

1 Corinthianee 6:9

Nagh vel fys eu nagh vow ny mee‐chrauee eiraght ayns reeriaght Yee? Ny bee‐jee mollit: chamoo yiow maarderee, ny adsyn ta cur ooashley da jallooyn, ny adsyn ta brishey‐poosey, ny ny soailtee, ny adsyn ta cur rish peccah noi dooghys,

Galatianee 6:3

Son my ta dooinney jeeaghyn er hene dy ve red ennagh, tra nagh vel eh monney, t’eh molley eh hene.

Galatianee 6:7

Ny bee‐jee mollit; cha vel craid dy ve jeant mysh Jee: son cre‐erbee ta dooinney dy chuirr, lheid shen nee eh ’vuinn.

Ephesianee 5:6

Ny lhig da dooinney erbee shiu y volley lesh goan fardalagh: son kyndagh rish ny reddyn shoh ta corree Yee cheet er cloan y vee‐viallys.

2 Timothy 3:13

Agh nee drogh gheiney as molteyryn gaase ny smessey as ny smessey, molley, as er nyn molley,

Titus 3:3

Son va shin hene myrgeddin keayrt dy row mee‐hushtagh, mee‐viallagh, ayns marranys fo reill ymmodee yeearreeyn as eunyssyn peccoil, beaghey ayns goanlys as roon, dwoaiagh, as coyrt dwoaie yn derrey yeh da’n jeh elley.

Jamys 1:22

Agh bee‐jee shiuish jeantee jeh’n goo, as cha nee ny lomarcan clashtyn rish, molley shiu hene.

Jamys 1:26

My ta dooinney erbee nyn mast’ eu ta ayns fakin dy ve crauee, as nagh vel smaghtaghey e hengey, agh molley yn cree echey hene, ta craueeaght yn dooinney shoh fardail.

1 Ean 1:8

My ta shin gra dy vel shin gyn peccah, ta shin molley shin hene, as cha vel yn irriney ain.