1 Corinthianee 3:16 - Yn Conaant Noa 1810

¹⁶ Nagh vel fys eu dy nee shiuish chiamble Yee, as dy vel Spyrryd Yee baghey ayndiu?

Yn Vible Casherick 1775 1819

¹⁶ Nagh vel fys eu dy nee shiuish chiamble Yee, as dy vel Spyrryd Yee baghey ayndiu?

1 Corinthianee 3:16 ပူးပေါင်းရင်းမြစ်များ

Noo Ean 14:17

Eer Spyrryd ny firriney, nagh vod y seihll goaill‐rish, er‐y‐fa nagh vel ad dy akin eh, as nagh nione daue eh: agh shione diuish eh, son t’eh tannaghtyn mêriu, as bee eh ayndiu.

Romanee 6:16

Nagh vel fys eu, da quoi‐erbee ta shiu kiangley shiu hene sharvaantyn dy chur biallys, ny sharvaantyn echeysyn ta shiu da ta shiu coyrt biallys; edyr jeh peccah gys baase, ny jeh biallys gys cairys?

Romanee 6:3

Nagh vel fys eu, dy row whilleen j’inyn as va er nyn mashtey ayns Yeesey Creest, er nyn mashtey gys y baase echey?

Romanee 8:11

Agh my ta’n Spyrryd echeysyn hrog seose Yeesey veih ny merriu, baghey ayndiu; nee eshyn hrog Creest veih ny merriu, ny kirp marvaanagh euish myrgeddin y vioghey, liorish e Spyrryd ta cummal ayndiu.

Romanee 8:9

Agh cha vel shiuish ayns yn eill, agh ayns y Spyrryd, my she shen dy vel Spyrryd Yee baghey ayndiu. Nish mannagh vel ec dooinney erbee Spyrryd Chreest, cha nee leshyn eh.

1 Corinthianee 3:17

My nee dooinney erbee stroie chiamble Yee, eshyn nee Jee y stroie: son ta chiamble Yee casherick, yn chiamble shen ta shiuish.

1 Corinthianee 3:9

Son ta shinyn co‐obbreeyn fo Jee: ta shiuish farrysthie Yee, shiuish troggal Yee.

1 Corinthianee 5:6

Cha vel y boggyssagh euish mie: Nagh vel fys eu dy vel red beg dy hoorid sooraghey yn slane theayst?

1 Corinthianee 6:16

Cre, nagh vel fys eu dy vel eshyn ta lhiantyn gys streebagh yn un chorp r’ee? son bee ad ny‐neesht (t’eh gra) un eill.

1 Corinthianee 6:19

Cre, nagh vel fys eu dy vel y corp eu chiamble y Spyrryd Noo ta ayndiu, ta eu veih Jee, as cha vel shiu lhieu hene?

1 Corinthianee 6:9

Nagh vel fys eu nagh vow ny mee‐chrauee eiraght ayns reeriaght Yee? Ny bee‐jee mollit: chamoo yiow maarderee, ny adsyn ta cur ooashley da jallooyn, ny adsyn ta brishey‐poosey, ny ny soailtee, ny adsyn ta cur rish peccah noi dooghys,

1 Corinthianee 9:13

Nagh vel fys eu dy vel adsyn ta shirveish mysh nheeghyn casherick, beaghey er yn oural? as dy vel adsyn ta tendeil ec yn altar, goaill ayrn jeh ny t’er yn altar?

1 Corinthianee 9:24

Nagh vel fys eu hene, dy vel adsyn ta roie ayns race, ooilley roie, agh dy nee unnane ta geddyn yn leagh? Roie‐jee shiuish er lheid yn aght, dy vod shiu cosney.

2 Corinthianee 6:16

As cre’n chaarjys t’ec chiamble Yee rish jallooyn? son ta shiuish chiamble yn Jee bio; myr ta Jee er ghra, Neem’s beaghey ayndoo, as gimmeeaght mâroo; as beem’s yn Jee ocsyn, as bee adsyn yn pobble aym’s.

1 Timothy 3:15

Agh my uirr‐ym foddey, dy vod fys ve ayd kys lhisagh uss oo hene y ymmyrkey ayns thie Yee, ta agglish yn Jee bio, yn pillar as undin yn irriney.

2 Timothy 1:14

Yn gioal mie shen v’er ny choyrt fo dty chiarail, freill liorish y Spyrryd Noo ta beaghey aynin.

Hebrewnee 3:6

Agh Creest myr Mac harrish e hie hene: yn thie echesyn ta shin, my ta shin cummal shickyr dunnallys as boggey nyn dreishteil gys y jerrey.

Jamys 4:4

Shiuish gheiney as vraane maarderee [spyrrydoil,] nagh vel fys eu dy vel caarjys y theihll noidys rish Jee? quoi‐erbee er‐y‐fa shen saillish ve ny charrey da’n seihll, t’eh noid Yee.

1 Peddyr 2:5

Ta shiuish myrgeddin myr claghyn bioal, er nyn droggal seose ny hie spyrrydoil, ny haggyrtys casherick dy hebbal seose ourallyn spyrrydoil, booisal gys Jee liorish Yeesey Creest.

1 Ean 4:12

Cha vel dooinney erbee er vakin Jee ec traa erbee. My ta shin graihagh yn derrey yeh er y jeh elley, ta Jee tannaghtyn aynin, as ta’n ghraih echey dy firrinagh aynin.