1 Corinthianee 3:12 - Yn Conaant Noa 1810

¹² Nish my hroggys dooinney erbee er yn undin shoh, airh, argid, claghyn costal, fuygh, traagh, stubbyl:

Yn Vible Casherick 1775 1819

¹² Nish my hroggys dooinney erbee er yn undin shoh, airh, argid, claghyn costal, fuygh, traagh, stubble:

1 Corinthianee 3:12 ပူးပေါင်းရင်းမြစ်များ

Jannoo 20:30

Myrgeddin nyn mast’ eu hene nee deiney girree seose, loayrt goan kialgagh, dy chleaynaghey daue hene fir‐eiyrtee.

Romanee 16:17

Nish ta mee guee erriu, vraaraghyn, gow‐jee tastey jeusyn ta kyndagh jeh anvea as scammyltyn, ta noi’n chredjue ta shiuish er n’ynsaghey; as chea‐jee voue.

1 Corinthianee 3:11

Son undin elley cha vod dooinney erbee y hoiaghey, agh shen ny ta er ny hoiaghey, ta shen Creest Yeesey.

1 Corinthianee 3:13

Bee obbyr dy chooilley ghooinney er ny hoilshaghey: son ver yn laa lesh eh gys soilshey, er‐yn‐oyr dy bee eh er ny hoilshaghey liorish aile; as nee’n aile obbyr dy chooilley ghooinney y hrial, cre’n sorch te jeh.

2 Corinthianee 2:17

Son cha vel shin myr ymmodee, ta soiaghey magh goo Yee dy molteyragh: agh myr jeh’n ynrickys agh myr jeh Jee, ayns shilley Yee ta shin loayrt ayns Creest.

2 Corinthianee 4:2

Agh ta shin er choyrt slane obbal da ny cliaghtaghyn follit scammyltagh, cha nee gimmeeaght ayns molteyrys, chamoo shirveish goo Yee dy foalsey, agh liorish soilshaghey magh yn irriney, faagail shin hene gys [briwnys] cooinsheanse dy chooilley ghooinney ayns fenish Yee.

Colossianee 2:8

Bee‐jee er nyn dwoaie nagh gow dooinney erbee vondeish erriu trooid ynsagh foalsey as molteyraght, lurg cliaghtaghyn deiney, lurg ynsagh annoon y theill, as cha nee lurg Creest:

1 Timothy 6:3

My ta dooinney erbee gynsaghey er aght elley, as nagh vel eh geiyrt da goan slayntoil, dy jarroo goan nyn Jiarn Yeesey Creest, as da’n ynsagh ta cordail rish craueeaght;

2 Timothy 2:20

Agh ayns thie mooar cha vel ny lomarcan siyn airh, as argid, agh myrgeddin siyn fuygh, as cray; as paart son ooashley, as paart son mee‐ooashley.

2 Timothy 3:13

Agh nee drogh gheiney as molteyryn gaase ny smessey as ny smessey, molley, as er nyn molley,

2 Timothy 3:7

Kinjagh gynsaghey, as dyn dy bragh abyl cheet gys tushtey jeh’n irriney.

2 Timothy 4:3

Son hig y traa nagh nuillee ad ynsagh slayntoil; agh lesh cleayshyn miandagh, lurg nyn yeearreeyn hene, tayrnee ad huc hene ymmodee fir‐ynsee:

Hebrewnee 13:9

Ny bee‐jee er nyn imman noon as noal lesh ymmodee ynsaghyn joarree: son te red mie dy bee’n cree er ny niartaghey lesh grayse, cha nee ayns y leigh mychione bee, nagh vel er ve vondeishagh dauesyn t’er chur tastey daue.

1 Peddyr 1:7

Dy vod prowal nyn gredjue ta foddey s’costal na airh ta ceau ersooyl, ga er ny hrial lesh aile, ve er ny gheddyn gys moylley, as ooashley, as gloyr ec cheet Yeesey Creest:

Ashlish 2:14

Agh ta red ennagh aym dt’oï, er‐yn‐oyr dy vel ayd ayns shen adsyn ta lhiantyn gys coyrle Balaam, dynsee Balak dy hoiaghey ribbey roish cloan Israel, dy ee reddyn v’er ny ouralley gys jallooyn, as dy chur rish maarderys.

Ashlish 21:18

As va stoo yn voalley eck jeh jasper; as va’n ard‐valley jeh airh ghlen, goll‐rish gless sollys.

Ashlish 3:18

Ta mee cur coyrle dhyt dy chionnaghey voym airh er ny phrowal ’syn aile, dy vod oo ve berchagh; as coamrey gial, dy vod oo ve coodit, as nagh bee dty nearey er ny akin; as jean dty hooillyn y ooillaghey lesh shelliu‐sooilley, dy vod oo fakin.