1 Corinthianee 3:10 - Yn Conaant Noa 1810

¹⁰ Cordail rish grayse Yee t’er ny choyrt dooys, myr ard‐vasoonagh creeney, ta mee er hoiaghey yn undin, as ta fer elley troggal er. Agh lhig da dy chooilley ghooinney kiarail y ghoaill kys t’eh troggal er.

Yn Vible Casherick 1775 1819

¹⁰ Cordail rish grayse Yee t’er ny choyrt dooys, myr ard-vasoonagh creeney, ta mee er hoiaghey yn undin, as ta fer elley troggal er. Agh lhig da dy chooilley ghooinney kiarail y ghoaill kys t’eh troggal er.

1 Corinthianee 3:10 ပူးပေါင်းရင်းမြစ်များ

Noo Mian 24:45

Quoi eisht yn charvaant firrinagh as creeney shen, ta e Hiarn er n’yannoo ny er‐reill er e vooinjer, dy chur daue nyn meaghey ayns traa cooie?

Noo Mian 7:24

Quoi‐erbee er‐y‐fa shen ta clashtyn ad shoh my ghoan’s, as jannoo ymmyd mie jeu soylee‐ym eh gys dooinney creeney hrog e hie er creg:

Noo Luke 11:35

Cur twoaie er‐y‐fa shen nagh bee yn soilshey ta aynyd ny ghorraghys.

Noo Luke 21:8

As dooyrt eh, Cur‐jee twoaie nagh bee shiu er nyn molley: son hig ymmodee ayns m’ennym’s, gra, Mish Creest; as ta’n traa tayrn er‐gerrey: ny gow‐jee shiuish er‐y‐fa shen geiyrt orroo.

Jannoo 18:27

As tra v’eh kiarit dy gholl er e hoshiaght gys Achaia, scrieu ny braaraghyn lesh coyrlaghey da ny Creesteenyn dy yannoo soiaghey mooar jeh: as erreish da v’er jeet, hug eh dy mie er nyn doshiaght adsyn v’er chredjal trooid grayse.

Romanee 1:5

Liorishyn ta shin er n’gheddyn grayse as ostyllys son biallys gys y chredjue mastey dy chooilley ashoon liorish yn ennym echey:

Romanee 12:3

Son, liorish y ghrayse er ny choyrt dooys, ta mee gra rish dy chooilley ghooinney ta ny vud eu, gyn dy smooinaghtyn ny syrjey jeh hene na lhisagh eh smooinaghtyn; agh dy smooinaghtyn dy sheelt, cordail rish y towse dy chredjue ta Jee er rheynn er dy chooilley ghooinney.

Romanee 15:15

Ny‐yeih, vraaraghyn, ta mee er scrieu ny ’sarryltee hiu, ayns ayrn, dy choyrt shiu ayns cooinaghtyn, er coontey yn ghrayse t’er ny choyrt dooys liorish Jee,

Romanee 15:20

As te er ve my yeearree jeean dy phreacheil y sushtal, cha nee raad va Creest hannah er ny enmys, son nagh jinnin troggal er undin dooinney elley:

1 Corinthianee 3:11

Son undin elley cha vod dooinney erbee y hoiaghey, agh shen ny ta er ny hoiaghey, ta shen Creest Yeesey.

1 Corinthianee 9:2

Mannagh vel mee my ostyl da feallagh elley, foast gyn dooyt ta mee diuish: son shiuish cowrey m’ostyllys ayns y Chiarn.

2 Corinthianee 10:15

Cha nee boggyssagh jeh reddyn harrish nyn dowse, ta shen, jeh laboraght gheiney elley; agh treishteil, tra vees yn credjue euish er ny vishaghey, dy jean y towse ainyn roshtyn ny sodjey lieriuish dy gholl dy mooar er nyn doshiaght cordail rish y rule ainyn,

Ephesianee 2:20

As troggit er undin ny ostyllyn as phadeyryn, Yeesey Creest hene yn ard chlagh‐chorneilagh;

Colossianee 1:29

Son shoh ta mish myrgeddin tooilleil, streeu cordail rish yn obbragh breeoil echeysyn, ta gobbraghey aynym’s dy niartal.

Colossianee 4:17

As abbyr‐jee rish Archippus, Jeeagh dy jean oo cooilleeney yn oik casherick shen t’ou er gheddyn ayns y Chiarn.

1 Thessalonianee 3:2

As chur shin Timotheus nyn mraar as shirveishagh Yee, as nyn sheshey‐labree ayns sushtal Chreest, dy niartaghey shiu, as dy gherjaghey shiu mychione nyn gredjue:

1 Timothy 4:16

Cur tastey dhyt hene, as da dty ynsagh; jean tannaghtyn ayndoo: son ayns jannoo shoh, nee oo chammah oo hene y hauail, ad adsyn ta dy dty chlashtyn.

2 Timothy 2:15

Bee uss imneagh dy phrowal oo hene firrinagh gys Jee, obbree nagh lhiass nearey ’ghoaill, rheynn dy kiart yn goo dy ynrickys.

Jamys 3:1

My vraaraghyn, ny shir‐jee dy ve ymmodee fir‐ynsee, toiggal [liorish shoh] dy bee mayd ny s’geyre er nyn mriwnys.

1 Peddyr 4:11

My ta dooinney erbee loayrt, lhig da loayrt cordail rish goo Yee; my ta dooinney erbee shirveish, lhig da shen y yannoo cordail rish y phooar ta Jee dy choyrt da: dy vod Jee ayns dy chooilley nhee ve er ny ghloyraghey, trooid Yeesey Creest; dasyn dy row moylley as reill son dy bragh dy bragh. Amen.

2 Peddyr 3:15

As smooinee‐jee dy vel surranse‐foddey nyn Jiarn saualtys; dy jarroo myr ta nyn mraar graihagh Paul myrgeddin, cordail rish y chreenaght er ny choyrt da, er scrieu hiu;

Ashlish 21:14

As va ec voalley yn ard‐valley daa undin yeig, as ayndoosyn enmyn daa ostyl yeig yn Eayn.

Ashlish 21:19

As va undinyn voalley’n ard‐valley soit magh dy stooamey lesh dy chooilley horch dy chlaghyn costal. Va’n chied undin dy Yasper; va’n nah undin, dy Sapphire; va’n trass dy Chalcedony; as va’n chiarroo, dy Emerald;