1 Corinthianee 2:4 - Yn Conaant Noa 1810

⁴ As va my ghlare as my phreacheil, cha nee lesh goan vrynneragh dy chreenaght dooinney, agh ayns bree yn Spyrryd, as pooar:

Yn Vible Casherick 1775 1819

⁴ As va my ghlare as my phreacheil, cha nee lesh goan vrynneragh dy chreenaght dooinney, agh ayns bree yn Spyrryd, as pooar:

1 Corinthianee 2:4 ပူးပေါင်းရင်းမြစ်များ

Jannoo 20:27

Son cha vel mee er haghney dy hoilshaghey diu slane coyrle Yee.

Jannoo 26:28

Eisht dooyrt Agrippa rish Paul, T’ou faggys er my choyrlaghey dy ve my Chreestee.

Romanee 15:13

Nish dy jean y Jee dy hreishteil shiuish y lhieeney lesh dy chooilley voggey as shee ayns credjal, dy vod shiu bishaghey ayns treishteil trooid pooar y Spyrryd Noo.

Romanee 15:19

Trooid cowraghyn niartal as yindyssyn, liorish pooar Spyrryd Yee; myr shen voish Jerusalem, as ooilley mygeayrt Illyricum, ta mee dy slane er phreacheil sushtal Chreest.

Romanee 16:18

Son cha vel nyn lheid shirveish nyn Jiarn Yeesey Creest, agh nyn molg hene; as liorish goan aalin as glare vrynneragh t’ad molley creeaghyn yn vooinjer ôney.

1 Corinthianee 1:17

Son cha row eh [wheesh] er my churrym veih Creest dy vashtey, as dy phreacheil yn sushtal: cha nee lesh creenaght goan, er‐aggle dy beagh crosh Chreest gyn veg y vree.

1 Corinthianee 2:1

As tra haink mish hiu, vraaraghyn, cha nee lesh yrjid dy ghlare floaoil haink mee, ny creenaght seihltagh, soilshaghey diu recortys Yee.

1 Corinthianee 2:13

Ny reddyn cheddin ta shinyn neesht soilshaghey, cha nee ayns ny goan ta creenaght dooinney dy ynsaghey, agh shen ny ta’n Spyrryd Noo dy choyrt roïn; soylaghey reddyn spyrrydoil rish reddyn spyrrydoil.

1 Corinthianee 4:20

Son cha vel reeriaght Yee [shassoo] ayns taggloo, agh ayns pooar.

2 Corinthianee 6:6

Liorish glennid‐bea, liorish lushtey, liorish surranse‐foddey, liorish kenjallys, liorish y Spyrryd Noo, liorish graih gyn foalsaght,

Galatianee 1:10

Son vel mee nish geearree foayr gheiney, ny foayr Yee? ny vel mee shirrey dy wooiys deiney? son dy beign foast shirrey pleasal deiney, cha beign sharvaant Chreest.

Colossianee 2:4

As shoh ta mee dy ghra, er‐aggle dy jinnagh dooinney erbee shiuish y volley lesh goan brynnagh.

1 Thessalonianee 1:5

Son cha daink y sushtal ainyn hiu ayns goo ny lomarcan, agh myrgeddin ayns pooar, as ayns y Spyrryd Noo, as ayns slane shickyrys, myr ta fys eu kys ren shin gymmyrkey shin hene nyn mast’ eu, er y choontey eu.

1 Peddyr 1:12

Dauesyn ve er ny hoilshaghey, nagh nee daue hene, agh dooinyn, ren ad shirveish ny reddyn ta nish er ny ockley magh lioroosyn ta er phreacheil y sushtal diuish, marish yn Spyrryd Noo er ny choyrt neose veih niau, ny reddyn cheddin ta ny ainleyn geearree baght y gheddyn jeu.

2 Peddyr 1:16

Son cha vel shin er n’eiyrt da skeeallyn troggit dy croutagh, tra ren shin soilshaghey diu pooar as cheet nyn Jiarn Yeesey Creest, agh va shin feanishyn sooilley jeh e ard‐ooashley.

2 Peddyr 2:18

Son tra t’ad fockley magh goan mooarey follym, sheidit seose lesh fardail, t’ad cleayney trooid sayntyn ny foalley, liorish mooarane rouanys, adsyn va dy glen er scapail vouesyn ta beaghey ayns shaghrynys: