1 Corinthianee 2:14 - Yn Conaant Noa 1810

¹⁴ Agh cha vel y dooinney dooghyssagh goaill rish ny reddyn ta jeh Spyrryd Yee: son t’ad ommijys dasyn; chamoo oddys tushtey ve echey jeu, er yn‐oyr dy vel ad er nyn doiggal ayns aght spyrrydoil.

Yn Vible Casherick 1775 1819

¹⁴ Agh cha vel y dooinney dooghyssagh goaill rish ny reddyn ta jeh Spyrryd Yee: son t’ad ommijys dasyn; chamoo oddys tushtey ve echey jeu, er-yn-oyr dy vel ad er nyn doiggal ayns aght spyrrydoil.

1 Corinthianee 2:14 ပူးပေါင်းရင်းမြစ်များ

Noo Mian 16:23

Agh hyndaa eshyn, as dooyrt eh rish Peddyr, Ass my enish, y violeyder, t’ou cur ribbey ayns my raad: son cha vel ennaghtyn ayd jeh ny reddyn ta bentyn rish Jee, agh jeh ny reddyn ta bentyn rish deiney.

Noo Ean 10:20

As dooyrt ymmodee jeu, Ta drogh‐spyrryd ayn, as t’eh ass e cheeayl; cre’n‐fa ta shiu geaishtagh rish?

Noo Ean 12:37

Agh ga dy ren eh whilleen mirril kiongoyrt roo, foast cha cred ad ayn:

Noo Ean 14:17

Eer Spyrryd ny firriney, nagh vod y seihll goaill‐rish, er‐y‐fa nagh vel ad dy akin eh, as nagh nione daue eh: agh shione diuish eh, son t’eh tannaghtyn mêriu, as bee eh ayndiu.

Noo Ean 14:26

Agh nee Fer‐ny‐gherjagh, ta shen, yn Spyrryd Noo, eh nee yn Ayr y choyrt ayns yn ennym aym’s, gynsaghey diu dy chooilley nhee, as tayrnee eh dy chooilley nhee gys nyn gooinaghtyn, cre‐erbee ta mish er ghra riu.

Noo Ean 15:26

Agh tra vees Fer‐ny‐gherjagh er jeet, eh ver‐yms hiu veih yn Ayr, ta shen, Spyrryd ny firriney, ta cheet magh veih yn Ayr, nee eh feanish y ymmyrkey jeem’s.

Noo Ean 5:44

Kys oddys shiuish credjal ta geddyn ooashley yn derrey yeh veih yn jeh elley, as nagh vel shirrey yn ooashley ta veih Jee ny lomarcan?

Noo Ean 8:43

Cre’n‐fa nagh vel shiu toiggal my ghlare? te son nagh vel shiu cur geill da my ghoo.

Jannoo 16:14

As va ben dy row va enmyssit Lydia, jeh ard‐valley Thyatira, as dellal ayns purple v’ee shoh cur ooashley da Jee, as deaisht ee rooin: as doshil yn Chiarn y cree eck, dy choyrt geill da ny goan va Paul dy loayrt.

Jannoo 17:18

Eisht hoie shiartanse jeh fir‐ynsee ny Epicureanee as ny Stoickyn er: as dooyrt paart jeu, Cre t’ec yn veealerey shoh dy ghra? Dooyrt feallagh elley, T’eh myr dy baillish goaill er‐dy hoiaghey seose Jeeghyn noa: er‐yn‐oyr dy row eh preacheil daue Yeesey, as yn irree‐seose‐reesht.

Jannoo 17:32

As tra cheayll ad jeh irree‐seose‐reesht ny merriu ren paart gannidys: as dooyrt cooid elley jeu, Ver mayd clashtyn dhyt keayrt ennagh elley mychione y chooish shoh.

Jannoo 18:15

Agh mannagh vel eh agh argane ny vud eu hene mychione focklyn as ennym, as y leigh eu hene, jeeagh‐jee hene da; son cha beem’s my vriw ayns lheid ny cooishyn.

Jannoo 25:19

Agh va shiartanse dy whestionyn oc n’oï, mychione y chredjue oc hene, as mychione fer enmyssit Yeesey va marroo, agh va Paul shassoo er dy row eh bio.

1 Corinthianee 1:18

Son ta preacheil y chrosh ommijys dauesyn ta cherraghtyn; agh dooinyn t’er nyn sauail te pooar Yee.

1 Corinthianee 1:21

Son fakin, ayns creenaght Yee, nagh dug y seihll liorish creenaght enney er Jee, ve aigney Yee liorish ommijys preacheil dy hauail adsyn ta credjal.

1 Corinthianee 1:23

Agh ta shinyn preacheil Creest v’er ny chrossey, da ny Hewnyn, scammylt, as da ny Greekyn, ommijys;

1 Corinthianee 1:25

Son ta shen t’adsyn genmys ommijys Yee ny s’creeney na deiney; as annooinid Yee ny s’troshey na deiney.

1 Corinthianee 15:44

Te er ny chuirr ny chorp dooghyssagh; te troggit seose ny chorp spyrrydoil. Ta corp dooghyssagh ayn, as ta ayn corp spyrrydoil.

1 Corinthianee 15:46

Ny‐yeih, cha row shen hoshiaght ta spyrrydoil, agh shen ta dooghyssagh; as ny lurg shen ta spyrrydoil.

1 Corinthianee 2:12

Nish ta shinyn er gheddyn, cha nee spyrryd y theihll, agh y Spyrryd ta veih Jee; dy voddagh shin toiggal ny giootyn graysoil ta dy arryltagh er ny choyrt dooin liorish Jee.

1 Corinthianee 3:1

As er my hon’s, vraaraghyn, cha voddym loayrt riuish myr rish sleih spyrrydoil, agh myr roosyn ta fo reill ny foalley, dy jarroo myr rish oikanyn ayns Creest.

Jamys 3:15

Cha vel y chreenaght shoh cheet neose veih’n yrjey, agh te thallooinagh, beishtagh, niurinagh.

1 Ean 2:20

Agh ta shiu er ny ooillaghey liorish y fer casherick, as toiggal eu ayns dy chooilley nhee.

1 Ean 2:27

Agh ta’n ooillaghey ta shiu er gheddyn veihsyn, tannaghtyn ayndiu: as cha vel feme eu dooinney erbee dy ynsaghey shiu: Agh myr ta’n ooillaghey cheddin gynsaghey shiu mychione dy chooilley nhee, as dy nee’n irriney eh, as cha nee breg: as dy jarroo myr t’eh er n’ynsaghey shiu, nee shiu tannaghtyn aynsyn.

1 Ean 5:20

As ta fys ain dy vel Mac Yee er jeet, as er choyrt dooin tushtey, dy vod mayd enney y choyrt ersyn ta firrinagh: as ta shin aynsyn ta firrinagh, dy jarroo ayns e Vac Yeesey Creest. Shoh yn Jee firrinagh, as yn vea dy bragh farraghtyn.

Jude 1:19

Shoh ad ta scarrey ad hene voïn, sleih foalley, fegooish Spyrryd Yee.