1 Corinthianee 2:10 - Yn Conaant Noa 1810

¹⁰ Agh ta Jee er hoilshaghey ad dooinyn liorish e Spyrryd: son ta’n Spyrryd ronsaghey dy chooilley nhee, eer folliaghtyn dowiney Yee.

Yn Vible Casherick 1775 1819

¹⁰ Agh ta Jee er hoilshaghey ad dooinyn liorish e Spyrryd: son ta’n Spyrryd ronsaghey dy chooilley nhee, eer folliaghtyn dowiney Yee.

1 Corinthianee 2:10 ပူးပေါင်းရင်းမြစ်များ

Noo Mian 13:11

Dreggyr eshyn, as dooyrt eh roo, Er‐yn‐oyr dy vel eh er ny choyrt diuish folliaghtyn reeriaght niau y hoiggal, agh dauesyn cha vel eh er ny choyrt.

Noo Mian 16:17

Dansoor Yeesey, as dooyrt eh rish, Bannit t’ou uss Simon mac Jona: son cha nee feill as fuill t’er hoilshaghey shoh dhyt’s agh my Ayr t’ayns niau.

Noo Luke 10:21

Ayns yn oor cheddin ghow Yeesey boggey ayns e spyrryd, as dooyrt eh, Ta mee cur booise dhyt, O Ayr, Hiarn niau as thalloo, dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn: shen dy jarroo myr te, Ayr, son shen myr ve mie ayns dty hilley’s.

Noo Luke 2:26

As ve er ny hoilshaghey da liorish y Spyrryd Noo, nagh noghe eh baase, roish da v’er vakin Creest yn Chiarn.

Noo Ean 14:26

Agh nee Fer‐ny‐gherjagh, ta shen, yn Spyrryd Noo, eh nee yn Ayr y choyrt ayns yn ennym aym’s, gynsaghey diu dy chooilley nhee, as tayrnee eh dy chooilley nhee gys nyn gooinaghtyn, cre‐erbee ta mish er ghra riu.

Noo Ean 16:13

Agh tra hig eshyn, Spyrryd ny firriney, leeidee eh shiu gys dy chooilley irrinys: son cha loayr eh jeh hene, agh cre‐erbee nee eh y chlashtyn, shen loayrys eh; as soilshee eh diu reddyn ta ry‐heet.

1 Corinthianee 14:30

My ta nhee erbee er ny hoilshaghey da fer elley ’sy cheshaght, lhig da’n chied er ve ny host.

1 Corinthianee 2:11

Son quoi’n dooinney ta toiggal ny reddyn ta ayns smooinaghtyn dooinney, agh spyrryd y dooinney hene? er yn aght cheddin ny reddyn ta bentyn gys Jee cha vel dooinney erbee toiggal, agh Spyrryd Yee.

Galatianee 1:12

Son chamoo hooar mee eh voish dooinney, chamoo hie eh er ynsaghey dou, agh liorish ashlish Yeesey Creest.

Ephesianee 3:3

Kys liorish ashlish ren eh soilshaghey dooys yn folliaght (myr scrieu mee roïe ayns focklyn giarey.

Ephesianee 3:5

Nagh row ayns eashyn elley er ny hoilshaghey da cloan gheiney, myr te nish er ny ashlaghey da e ostyllyn casherick as e adeyryn liorish y Spyrryd;

1 Timothy 4:1

Nish ta’n Spyrryd ginsh dy plain, dy jean paart ayns ny laghyn s’jerree tuittym veih’n chredjue, coyrt geill da spyrrydyn molteyragh, as ynsagh drogh‐spyrrydyn;

1 Peddyr 1:12

Dauesyn ve er ny hoilshaghey, nagh nee daue hene, agh dooinyn, ren ad shirveish ny reddyn ta nish er ny ockley magh lioroosyn ta er phreacheil y sushtal diuish, marish yn Spyrryd Noo er ny choyrt neose veih niau, ny reddyn cheddin ta ny ainleyn geearree baght y gheddyn jeu.

1 Ean 2:20

Agh ta shiu er ny ooillaghey liorish y fer casherick, as toiggal eu ayns dy chooilley nhee.

1 Ean 2:27

Agh ta’n ooillaghey ta shiu er gheddyn veihsyn, tannaghtyn ayndiu: as cha vel feme eu dooinney erbee dy ynsaghey shiu: Agh myr ta’n ooillaghey cheddin gynsaghey shiu mychione dy chooilley nhee, as dy nee’n irriney eh, as cha nee breg: as dy jarroo myr t’eh er n’ynsaghey shiu, nee shiu tannaghtyn aynsyn.

Ashlish 1:1

Ashlish Yeesey Creest, hug Jee da, dy hoilshaghey da e harvaantyn reddyn shegin dy gerrit cheet gys kione; as ren eh shoh y choyrt as y chowraghey liorish ainle da e harvaant Ean:

Ashlish 2:24

Agh riuish ta mee gra, as rish y vooinjer elley ta ayns Thyatira, Whilleen as nagh vel yn ynsagh shoh oc, as nagh vel er doiggal croutyn dowiney yn Drogh spyrryd, myr jir ad, cha der ym erriu errey erbee sodjey.