1 Corinthianee 16:1 - Yn Conaant Noa 1810

¹ Nish mychione y chaglym son ny nooghyn, myr ta mee er n’oardaghey da kialteenyn Ghalatia, jean‐jee shiuish myrgeddin.

Yn Vible Casherick 1775 1819

¹ Nish mychione y chaglym son ny nooghyn, myr ta mee er n’oardaghey da kialteenyn Ghalatia, jean-jee shiuish myrgeddin.

1 Corinthianee 16:1 ပူးပေါင်းရင်းမြစ်များ

1 Ean 3:17

Agh quoi‐erbee ta cooid y theihll shoh echey, as fakin e vraar ayns feme, as ta dooney seose e veeghyn dy hymmey voish; kys ta graih Yee tannaghtyn ayn?

Romanee 12:13

Rheynn gys ymmyrch ny nooghyn ; arryltagh dy choyrt oltaghey‐bea da troailtee.

Galatianee 2:10

Ny lomarcan baillhieu dy gooinagh shin er ny boghtyn; yn red cheddin va mee aggindagh dy yannoo.

Jannoo 24:17

Nish lurg mooarane bleeantyn, haink mee dy chur lhiam jeirk gys my ashoon hene, as ourallyn.

Philemon 1:7

Son ta boggey as gerjagh mooar ain ayns dty ghraih, er‐yn‐oyr dy vel yeearreeyn ny nooghyn femoil er nyn ooraghey liort’s, vraar.

Philemon 1:5

Lurg clashtyn ve aym jeh dty chredjue ayns y Chiarn Yeesey, as jeh dty ghraih da ooilley ny nooghyn;

Hebrewnee 6:10

Son cha vel Jee neu‐chairagh, dy jarrood eh ny obbraghyn as y laboraght euish dy ghraih, ta shiu er hoilshaghey er coontey’n ennym echey, ayns dy vel shiu er hirveish er ny nooghyn, as ta foast shirveish [orroo].

Jannoo 11:30

As shen myr ren ad neesht, as hug ad eh gys y chanstyr liorish laueyn Barnabas as Saul.

Jannoo 16:6

Nish tra v’ad er gholl trooid Phrygia, as cheer Ghalatia, v’ad er nyn lhiettal liorish y Spyrryd Noo dy phreacheil y goo ayns Asia,

Galatianee 1:2

As ooilley ny braaraghyn ta mârym, gys kialteenyn Ghalatia:

Jannoo 18:23

As erreish da v’er vaarail tammylt dy hraa ayns shen, jimmee eh roish, as hie eh harrish cheer Ghalatia as Phrygia ayns order, niartaghey ooilley ny Creesteenyn ayns nyn gredjue.

Jannoo 11:28

As hass seose fer jeu enmyssit Agabus, as hoilshee eh liorish y Spyrryd dy beagh genney vooar er feaï ny cruinnee; shen haink myrgeddin gy‐kione rish lhing Claudius Cesar.

Jannoo 9:41

As ghow eh ee er y laue, as hrog eh seose ee: as tra v’eh er n’eamagh er ny nooghyn as ny mraane‐treoghe, ren eh soiaghey ee kiongoyrt roo bio.

Jannoo 9:13

Eisht dreggyr Ananias, Hiarn, ta mee er chlashtyn veih fer ny ghaa jeh’n dooinney shoh, dy mooar yn aggair t’eh er n’yannoo da dty nooghyn’s ec Jerusalem.

1 Corinthianee 4:17

Son yn oyr shoh ta mee er chur er chaghteraght hiu Timotheus, ta my vac graihagh, as firrinagh ayns y Chiarn, ver shiu ayns cooinaghtyn jeh ny raaidyn aym’s ta ayns Creest, myr ta mee gynsaghey dy chooilley raad ayns ooilley ny kialteenyn.

1 Corinthianee 11:34

As my ta dooinney erbee accryssagh, lhig eh gee ec y thie; nagh jig shiu cooidjagh gys deyrey. Er son reddyn elley nee’m ad y oardrail tra hig‐ym.

1 Corinthianee 16:15

Ta mee guee erriu, vraaraghyn, (shione diu lught‐thie Stephanas, dy vel eh yn chied‐vess dy Achaia, as dy vel ad dy arryltagh er ghoaill orroo dy hirveish er ny nooghyn.)