1 Corinthianee 15:3 - Yn Conaant Noa 1810

³ Son livrey mee diu hoshiaght ooilley, shen ny hooar mee hene myrgeddin, kys dy dooar Creest baase son nyn beccaghyn cordail rish ny scriptyryn:

Yn Vible Casherick 1775 1819

³ Son livrey mee diu hoshiaght ooilley, shen ny hooar mee hene myrgeddin, kys dy dooar Creest baase son nyn beccaghyn cordail rish ny scriptyryn:

1 Corinthianee 15:3 ပူးပေါင်းရင်းမြစ်များ

Noo Mian 26:24

Ta Mac y dooinney goll, myr te scruit jeh: agh smerg da’n dooinney shen liorish vees Mac y dooinney er ny vrah: s’mie veagh eh son y dooinney shen mannagh row eh rieau er jeet er y theihll.

Noo Mian 26:28

Son shoh my uill’s jeh’n conaant noa, t’er ny gheayrtey son ymmodee son leih peccaghyn.

Noo Luke 24:25

Eisht dooyrt eh roo, O shiuish gheiney mee‐hushtagh, as faase‐chredjuagh, nagh vel goaill baght jeh ooilley ny ta ny phadeyryn er loayrt!

Noo Ean 1:29

Yn nah laa honnick Ean Yeesey cheet ny‐whail, as dooyrt eh, Cur‐my‐ner Eayn Yee, ta goaill ersooyl peccah yn theihll.

Jannoo 17:2

As hie Paul, myr va’n cliaghtey echey stiagh mâroo, as son three laghyn doonee ren eh resooney roo ass ny scriptyryn,

Jannoo 3:18

Agh shen va Jee ro‐laue er hoilshaghey liorish beeal ooilley e adeyryn, dy row Creest dy hurranse, t’eh myr shoh er chooilleeney.

Jannoo 8:32

Yn ayrn jeh’n scriptyr v’eh dy lhaih, she shoh ve, V’eh er ny leeideil myr keyrrey gys y skynn, as myr yn eayn balloo roish e lommyrtagh, myr shen cha doshil eshyn e veeal:

Romanee 3:25

Eh ta Jee er chiarail dy ve ny lhiassaghey, trooid credjue ayns e uill, dy hoilshaghey magh e chairys son leih peccaghyn t’er n’gholl shaghey, trooid meenid Yee:

Romanee 4:25

Eh va er ny livrey son nyn loghtyn, as va troggit reesht dy heyrey shin.

1 Corinthianee 11:2

Nish ta mee moylley shiu, vraaraghyn, dy vel shiu cooinaghtyn orrym ayns dy chooilley nhee, as freayll ny oardaghyn myr livrey mee ad diu.

1 Corinthianee 11:23

Son ta mish er n’gheddyn veih’n Chiarn shen ta mee myrgeddin er livrey diuish, Dy ren y Chiarn Yeesey, yn oie cheddin ayn v’eh er ny vrah, arran y ghoaill:

2 Corinthianee 5:21

Son hug eh ersyn va seyr veih peccah, dy ve oural er nyn son; dy voddagh shinyn v’er nyn seyrey liorish Jee aynsyn.

Galatianee 1:12

Son chamoo hooar mee eh voish dooinney, chamoo hie eh er ynsaghey dou, agh liorish ashlish Yeesey Creest.

Galatianee 1:4

Ren eh‐hene y choyrt son nyn beccaghyn, dy livrey shin veih’n drogh heihll t’ayn nish, cordail rish aigney Yee as nyn Ayr:

Galatianee 3:13

Ta Creest er livrey shin veih mollaght y leigh, eh hene jeant ny vollaght er nyn son: son te scruit Cursit ta dagh unnane ta croghey er billey:

Ephesianee 1:7

Aynsyn ta feaysley ain trooid e uill, leih peccaghyn, cordail rish berchys e ghrayse;

Ephesianee 5:2

As immee‐jee ayns graih, myr ta Creest myrgeddin er chur graih dooinyn, as er choyrt eh‐hene er nyn son, chebbal as oural son soar millish da Jee.

Hebrewnee 5:1

Son ta dy chooilley ard‐saggyrt reiht veih mastey deiney, er ny oardaghey son [vondeish] deiney ayns reddyn bentyn rish Jee, dy vod eh chammah giootyn as ourallyn y hebbal son peccaghyn:

Hebrewnee 5:3

As er yn oyr shoh lhisagh eh myr son y pobble, myrgeddin er e hon hene, oural y hebbal son peccaghyn.

1 Peddyr 1:11

Ronsaghey cre, ny cre’n imbagh dy hraa ren Spyrryd Chreest va ayndoo cowraghey, tra dymmyrk eh feanish ro‐laue jeh surranse Chreest, as yn ghloyr va dy eiyrt er.

1 Peddyr 2:24

Eshyn ren ny peccaghyn ain y ymmyrkey ayns e chorp hene er y villey, dy voddagh shinyn, ta livreit veih peccah, ve bio gys cairys; liorish ny lhottyn echey ta shiuish er nyn lheihys.

1 Peddyr 3:18

Son ta Creest myrgeddin er hurranse un cheayrt son peccaghyn, yn fer‐cairagh son ny mee‐chairee, (dy voddagh eh shiu y chur lesh gys Jee,) v’eh er ny choyrt gy‐baase ayns yn eill, agh er ny vioghey liorish y Spyrryd:

1 Ean 2:2

As she eshyn yn lhiasaghey son nyn beccaghyn: as cha nee son ny peccaghyn ain ny‐lomarcan, agh myrgeddin son peccaghyn yn seihll ooilley.

Ashlish 1:5

As veih Yeesey Creest, yn feanish firrinagh, as y chied‐er‐ny‐ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.