1 Corinthianee 14:4 - Yn Conaant Noa 1810

⁴ Eshyn ta loayrt ayns chengey yoarree, t’eh gynsaghey eh hene: agh eshyn ta preacheil, t’eh gynsaghey yn agglish.

Yn Vible Casherick 1775 1819

⁴ Eshyn ta loayrt ayns chengey yoarree, t’eh gynsaghey eh-hene: agh eshyn ta preacheil, t’eh gynsaghey yn agglish.

1 Corinthianee 14:4 ပူးပေါင်းရင်းမြစ်များ

Noo Mark 16:17

As eiyree ny cowraghyn shoh orroosyn ta credjal; Ayns my ennym’s nee ad drogh‐spyrrydyn y chastey, loayree ad lesh chengaghyn noa,

Romanee 14:19

Lhig dooin er‐y‐fa shen geiyrt da ny reddyn ta jannoo son shee, as lioroo oddys shin niartaghey y cheilley ’sy chredjue.

1 Corinthianee 12:10

Da fer elley dy obbraghey mirrillyn; da fer elley phadeyrys; da fer elley yn briwnys dy phrowal ny spyrrydyn; da fer elley caghlaaghyn dy ghlaraghyn; da fer elley dy chur bun er glaraghyn.

1 Corinthianee 12:28

As ta Jee er hoiaghey paart ayns yn agglish, hoshiaght ostyllyn, ’sy nah ynnyd phadeyryn, ’sy trass ynnyd fir‐ynsee, lurg shen mirrillyn, eisht giootyn dy lheihys, fir‐choonee, reilltee, caghlaaghyn dy ghlare.

1 Corinthianee 13:1

Ga dy loayrin lesh chengaghyn deiney as ainleyn, as gyn graih aynym, ta mee dy jarroo myr prash ta feiyral, ny kiaull cymbal.

1 Corinthianee 13:2

As ga dy beagh aym yn gioot dy adeyrys, as dy doiggin dagh folliaght, as dy chooilley hushtey; as ga dy beagh aym dy chooilley chredjue myr shen dy voddin sleityn y scughey, as gyn graih ve aym, cha vel mee veg.

1 Corinthianee 14:12

Er yn aght cheddin, fakin dy vel shiu dy jeean geearree giootyn spyrrydoil, shir‐jee dy ve ny s breeoil ayndoo gys ynsagh yn agglish.

1 Corinthianee 14:22

Shen‐y‐fa ta glaraghyn cowrey, cha nee dauesyn ta credjal, agh dauesyn nagh vel credjal: agh cha vel preacheil shirveishagh dauesyn nagh vel credjal, agh dauesyn ta credjal.

1 Corinthianee 14:26

Cre te eisht, vraaraghyn? tra ta shiu cheet cooidjagh, dy vel ec dagh unnane eu er‐lheh arrane spyrrydoil, dy vel echey ynsagh, dy vel echey glare yoarree, dy vel echey ashlish, dy vel echey dy chur bun er y ghoo. Lhig da dy chooilley nhee ve jeant gys ynsagh yn agglish.

1 Corinthianee 14:3

Agh eshyn ta preacheil, t’eh loayrt rish deiney gys nyn ynsagh, nyn goyrle, as nyn gherjagh.

1 Corinthianee 14:5

Baillym dy loayragh shiu ooilley lesh glaraghyn, agh baare lhiam shiu dy phreacheil: son ny s’ooasle ta eshyn ta preacheil, na eshyn ta loayrt glaraghyn, mannagh vel eh coyrt bun y ghlare, dy vod yn agglish ’ve ynsit liorish.