1 Corinthianee 13:5 - Yn Conaant Noa 1810

⁵ Cha vel ee gymmyrkey ee hene dy neu‐aghtal, cha vel ee shirrey e cooid hene, cha vel ee dy aashagh er ny vrasnaghey, cha vel ee smooinaghtyn er olk erbee.

Yn Vible Casherick 1775 1819

⁵ Cha vel ee gymmyrkey ee hene dy neu-aghtal, cha vel ee shirrey e cooid hene, cha vel ee dy aashagh er ny vrasnaghey, cha vel ee smooinaghtyn er olk erbee,

1 Corinthianee 13:5 ပူးပေါင်းရင်းမြစ်များ

Noo Mian 5:22

Agh ta mish gra riuish, Quoi‐erbee ta fargagh rish e vraar gyn oyr, dy jig eshyn neesht fo kerraghey yn vriwnys: as quoi‐erbee jir rish e vraar, Raca: dy jig eh fo briwynys yn ard‐whuaiyl: agh quoi‐erbee jir, Uss ommydan, dy bee eh ayns gaue aile niurin.

Noo Mian 9:4

As Yeesey toiggal ny smooinaghtyn oc, dooyrt, Cre’n‐fa ta drogh smooinaghtyn troggal ayns ny creeaghyn eu?

Noo Mark 3:5

As tra v’eh er yeeaghyn mygeayrt orroo lesh corree, ve’h seaghnit son creoghys nyn greeaghyn, as dooyrt eh rish y dooinney, Sheeyn magh dty laue: as heeyn eh magh ee; as va e laue er ny laanaghey myr y laue elley.

Noo Luke 7:39

Nish yn Pharisee ren y chuirrey eh, tra honnick eh shoh, loayr eh cheu‐sthie jeh hene, gra, Veagh fys er ve ec y dooinney shoh, dy beagh eh ny adeyr, quoi, as cre’n monney dy ven ee shoh, ta bentyn rish: son t’ee ny ben pheccoil.

1 Corinthianee 10:24

Ny lhig da dooinney erbee shirrey ynrycan e vondeish hene: agh dy chooilley unnane foays e naboo.

1 Corinthianee 10:33

Dy jarroo myr ta mee son booiys dy chooilley ghooinney ayns dy chooilley nhee, cha nee shirrey my vondeish hene, agh vondeish ymmodee, dy vod ad v’er nyn sauail.

1 Corinthianee 11:18

Son hoshiaght ooilley, tra ta shiu cheet cooidjagh ayns y cheeill, ta mee clashtyn dy vel streeuaghyn nyn mast’ eu; as ayns ayrn ta mee credjal eh.

1 Corinthianee 12:25

Nagh beagh scarrey erbee ayns y chorp: agh dy beagh ec ooilley ny oltyn yn chiarail cheddin yn derrey yeh son y jeh elley.

1 Corinthianee 7:36

Agh my ta dooinney erbee smooinaghtyn dy vel eh dy ymmyrkey eh hene dy neu‐yesh gys e voidyn, my t’ee er n’gholl harrish blaa yn eash eck, as eh ymmyrchagh myr shen dy ve, lhig da ’aigney y yannoo, cha vel eh jannoo peccah: lhig daue poosey.

2 Corinthianee 5:19

Ta shen, dy row Jee ayns Creest, cordail yn seihll rish hene, cha nee coyrt nyn loghtyn nyn lieh; as t’eh er livrey dooinyn yn goo dy choardail.

Galatianee 5:13

Son ta shiuish, vraaraghyn, er ve er nyn eam gys reamys [Creestee]; agh ny jean‐jee yn reamys shoh leshtal son yn eill, agh ayns graih shirveish‐jee yn derrey yeh yn jeh elley.

Philippianee 2:21

Son ta ooilley er nyn son hene, cha nee son ny reddyn ta bentyn rish Yeesey Creest.

Philippianee 4:8

Ayns focklyn giarey, my chaarjyn, cre‐erbee ny reddyn ta firrinagh, cre‐erbee ny reddyn ta ooasle, cre‐erbee ny reddyn ta cairagh, cre‐erbee ny reddyn ta glen, cre‐erbee ny reddyn ta graihoil, cre‐erbee ny reddyn ta jeh goo mie; my ta foays erbee, as my ta moylley erbee, smooinee‐jee er ny reddyn shoh.

2 Thessalonianee 3:7

Son ta fys eu hene cre’n aght lhisagh shiu geiyrt orrin: son cha ren shin gymmyrkey shin hene dy mee‐reilltagh nyn mast’ eu,

2 Timothy 2:10

Shen‐y‐fa ta mee surranse dy chooilley nhee er graih yn chloan reiht, dy vod adsyn neesht yn saualtys t’ayns Creest Yeesey y gheddyn, marish gloyr dy bragh beayn.

2 Timothy 4:16

Ec y chied chlashtyn er my hrial cha hass dooinney erbee lhiam, agh ren dy chooilley ghooinney m’y hreigeil: guee‐ym er Jee nagh bee eh er ny choyrt gys y lieh oc.

Jamys 1:19

Shen‐y‐fa, my vraaraghyn ghraihagh, lhig da dy chooilley ghooinney ve arryltagh dy chlashtyn, lhiastey dy loayrt, moal gys corree: