1 Corinthianee 13:4 - Yn Conaant Noa 1810

⁴ Ta graih surranse foddey, as t’ee dooie; cha vel graih troo: cha vel graih soiaghey ee hene seose ayns aght mooaralagh; cha vel ee sheidit seose lesh moyrn,

Yn Vible Casherick 1775 1819

⁴ Ta graih surranse-foddey, as t’ee dooie; cha vel graih troo: cha vel graih soiaghey ee hene seose ayns aght mooaralagh; cha vel ee sheidit seose lesh moyrn,

1 Corinthianee 13:4 ပူးပေါင်းရင်းမြစ်များ

Noo Mian 27:18

Son va fys echey dy nee ayns goanlys va’d er chur stiagh eh.

Jannoo 7:9

Agh ny shenn‐ayryn greinnit lesh troo chreck ad Joseph gys Egypt, agh va Jee mârish,

Romanee 1:29

Laadit lesh dy chooilley neu‐ynrickys, maarderys, olkys, saynt, goanlys; lane dy hroo, dunverys, streeu, molteyraght, drogh‐yannoo; scammyltee cooylchlea,

Romanee 13:13

Lhig dooin gimmeeaght dy onneragh myr ayns y laa; cha nee ayns rouanys as meshtyrys, cha nee ayns cloie as reaid, cha nee ayns streeu as troo:

1 Corinthianee 3:3

Son ta shiu foast fo reill ny foalley: son fakin dy vel nyn mast’ eu troo, as streeu, as anvea, nagh vel shiu foalley, as gimmeeaght myr deiney?

1 Corinthianee 4:18

Nish ta paart er n’aase mooaralagh, myr nagh darrin hiu.

1 Corinthianee 4:6

As ny reddyn shoh, vraaraghyn, ta mee ayns co‐soylaghey er ghoaill orrym pene, as er Apollos, er y ghraih euish; liorin dy voddagh shiu gynsaghey, gyn dy smooinaghtyn jeh deiney erskyn ny ta scruit, nagh bee veg eu boggyssagh ass lieh fer erskyn fer elley.

1 Corinthianee 5:2

As ta shiu sheidit lesh moyrn, tra by‐yeshey diu dy ghobberan, dy beagh eshyn t’er n’yannoo yn obbyr shoh, scarrit veih nyn mast’ eu.

1 Corinthianee 8:1

Nish mychione reddyn t’er ny ouralley gys jallooyn, ta fys ain dy vel toiggal ain ooilley. Ta tushtey sheidey lesh moyrn, agh ta graih niartaghey ’sy chredjue.

2 Corinthianee 12:20

Agh ta mee goaill aggle tra hig‐ym’s, nagh voym shiuish lheid as baillym, as beem’s er ny gheddyn lieriuish lheid as nagh bailliu: er‐aggle dy bee ny vud eu anvea, troo, jymmoose, streeu, cooyl‐chassid, tutleraght, mooaralys, irree‐magh:

2 Corinthianee 6:6

Liorish glennid‐bea, liorish lushtey, liorish surranse‐foddey, liorish kenjallys, liorish y Spyrryd Noo, liorish graih gyn foalsaght,

Galatianee 5:26

Ny lhig dooin geearree gloyr fardalagh, brasnaghey yn derrey yeh yn jeh elley, troo yn derrey yeh mysh y jeh elley.

Ephesianee 4:2

Ayns dy chooilley injillid as meenid, lesh surranse‐foddey, gymmyrkey yn derrey yeh lesh y jeh elley ayns graih;

Ephesianee 4:32

As bee‐jee dooie yn derrey yeh da’n jeh elley, meigh‐chreeagh, leih da y cheilley, dy jarroo myr ta Jee son graih Chreest er leih diuish.

Philippianee 1:15

Ta paart dy jarroo preacheil Creest trooid eer troo as anvea; as paart myrgeddin trooid aigney‐mie.

Colossianee 1:11

Er nyn niartaghey lesh slane troshid, cordail rish y phooar gloyroil echeysyn, gys dy chooilley veenid as surranse‐foddey, lesh gennallys;

Colossianee 2:18

Ny lhig da dooinney erbee shiu y volley jeh nyn leagh, lesh injillid‐aigney foalsey, as cur ooashley da ainleyn, goaill er dy choyrt coontey jeh ny reddyn shen nagh vel eh er vakin, dy fardalagh er ny heidey seose liorish aigney ny foalley;

Colossianee 3:12

Cur‐jee erriu er‐y‐fa shen (myr cloan reiht Yee, casherick as graihagh) meeaghyn dy vyghin, kenjallys, injillid‐aigney, meenid, surranse‐foddey;

1 Thessalonianee 5:14

Nish ta shin guee erriu, vraaraghyn, cur‐jee raaue dauesyn ta mee‐reiltagh, jean‐jee gerjaghey adsyn ta lhag‐chreeagh, ymmyrk‐jee lesh ny annooinee, bee‐jee surransagh rish dy chooilley ghooinney.

1 Timothy 6:4

T’eh moyrnagh, er beggan tushtey, agh branladee mysh questionyn as arganeyn streeuagh, voue ta cheet troo, anvea, oltooan, drogh‐ouryssyn,

2 Timothy 2:25

Ayns meenid gynsageey adsyn ta shassoo magh; my saillish Jee arrys y chur daue gys goaill‐rish yn irriney;

2 Timothy 3:10

Agh t’ou uss dy slane er hoiggal my ynsagh, my aght‐beaghee, my chiarail, my chredjue, my hurranse‐foddey, my ghraih, my veenid,

2 Timothy 4:2

Jean y goo y phreacheil, coyrlee dy jeean ec dy chooilley hraa as caa; cur oghsan, smaghtee, jean coyrlaghey lesh dy chooilley veenid as ynsagh.

Titus 3:3

Son va shin hene myrgeddin keayrt dy row mee‐hushtagh, mee‐viallagh, ayns marranys fo reill ymmodee yeearreeyn as eunyssyn peccoil, beaghey ayns goanlys as roon, dwoaiagh, as coyrt dwoaie yn derrey yeh da’n jeh elley.

Jamys 4:5

Vel shiu smooinaghtyn dy vel y scriptyr gra ayns fardail, Ta’n spyrryd ta cummal aynin greinnaghey gys troo?

1 Peddyr 2:1

Shen‐y‐fa coyrt dy lhiattee dy chooilley ghoanlys, as dy chooilley volteyraght, as foalsaght, as troo, as dy chooilley ghrogh ghlare,

1 Peddyr 3:8

Er‐jerrey, bee‐jee ooilley jeh un aigney, chymmoil yn derrey yeh jeh’n jeh elley, cur‐jee graih myr braaraghyn, bee‐jee lane dy hymmey, bee‐jee dooie:

1 Peddyr 4:8

As erskyn dy chooilley nhee lhig da graih jeean ve eu dy cheilley: son nee graih coodaghey ymmodee peccaghyn.

2 Peddyr 1:7

As gys craueeaght, kenjallys braaragh; as gys kenjallys braaragh, graih.

1 Ean 4:11

My chaarjyn, my hug Jee myr shoh graih dooin, lhisagh shinyn myrgeddin graih y choyrt yn derrey yeh da’n jeh elley.