1 Corinthianee 13:1 - Yn Conaant Noa 1810

¹ Ga dy loayrin lesh chengaghyn deiney as ainleyn, as gyn graih aynym, ta mee dy jarroo myr prash ta feiyral, ny kiaull cymbal.

Yn Vible Casherick 1775 1819

¹ Ga dy loayrin lesh chengaghyn deiney as ainleyn, as gyn graih aynym, ta mee dy jarroo myr prash ta feiyral, ny kiaull cymbal.

1 Corinthianee 13:1 ပူးပေါင်းရင်းမြစ်များ

Noo Mian 25:45

Eisht nee eh nyn reggyrt, gra, Dy firrinagh ta mee gra riu, Ayns wheesh as nagh ren shiu eh son unnane jeh’n vooinjer sloo jeu shoh, cha ren shiu eh er my hon’s.

Noo Mark 16:17

As eiyree ny cowraghyn shoh orroosyn ta credjal; Ayns my ennym’s nee ad drogh‐spyrrydyn y chastey, loayree ad lesh chengaghyn noa,

Romanee 14:15

Agh my ta [cooinsheanse] dty vraar seaghnit kyndagh rish dty vee, ayns shoh cha vel oo dy dty ymmyrkey oo hene ayns graih. Ny stroie eshyn lesh dty vee, er e hon hooar Creest baase.

1 Corinthianee 12:10

Da fer elley dy obbraghey mirrillyn; da fer elley phadeyrys; da fer elley yn briwnys dy phrowal ny spyrrydyn; da fer elley caghlaaghyn dy ghlaraghyn; da fer elley dy chur bun er glaraghyn.

1 Corinthianee 12:16

As my jir y chleaysh, Er‐yn‐oyr nagh nee yn tooill mee, cha vel mee jeh’n chorp; nagh vel eh son shen jeh’n chorp?

1 Corinthianee 12:8

Son da fer ta er ny choyrt liorish y Spyrryd, yn goo dy chreenaght; da fer elley yn goo dy hushtey liorish y Spyrryd cheddin;

1 Corinthianee 13:8

Cha vel graih dy bragh failleil: agh edyr ad dy ve phadeyr‐ysyn, nee adsyn failleil; edyr ad dy ve chengaghyn, nee ad scuirr; edyr eh dy ve tushtey, nhee eh lheïe ersooyl.

1 Corinthianee 14:2

Son eshyn ta loayrt ayns chengey yoarree, cha nee rish deiney, agh rish Jee t’eh loayrt: son cha vel dooinney erbee dy hoiggal eh; ga ayns y spyrryd t’eh loayrt folliaghtyn.

1 Corinthianee 14:4

Eshyn ta loayrt ayns chengey yoarree, t’eh gynsaghey eh hene: agh eshyn ta preacheil, t’eh gynsaghey yn agglish.

1 Corinthianee 14:5

Baillym dy loayragh shiu ooilley lesh glaraghyn, agh baare lhiam shiu dy phreacheil: son ny s’ooasle ta eshyn ta preacheil, na eshyn ta loayrt glaraghyn, mannagh vel eh coyrt bun y ghlare, dy vod yn agglish ’ve ynsit liorish.

1 Corinthianee 8:1

Nish mychione reddyn t’er ny ouralley gys jallooyn, ta fys ain dy vel toiggal ain ooilley. Ta tushtey sheidey lesh moyrn, agh ta graih niartaghey ’sy chredjue.

2 Corinthianee 12:4

Kys dy row eh er ny ghoaill seose gys paradise, as cheayll eh goan erskyn insh, lheid as nagh vel lowit da dooinney dy ockley.

Galatianee 5:22

Agh ta mess y Spyrryd, graih, boggey, shee, surranse‐foddey, ymmyrkey meigh, mieys, firrinys,

Galatianee 5:6

Son ayns Yeesey Creest, cha vel giarey‐chymmylt jeh veg y vondeish, ny an‐ghiarey‐chymmylt, agh credjue ta gobbraghey liorish graih.

1 Timothy 1:5

Nish ta graih lhieeney yn anney, ayns cree glen, as cooinsheanse vie, as credjue firrinagh:

1 Peddyr 4:8

As erskyn dy chooilley nhee lhig da graih jeean ve eu dy cheilley: son nee graih coodaghey ymmodee peccaghyn.

2 Peddyr 2:18

Son tra t’ad fockley magh goan mooarey follym, sheidit seose lesh fardail, t’ad cleayney trooid sayntyn ny foalley, liorish mooarane rouanys, adsyn va dy glen er scapail vouesyn ta beaghey ayns shaghrynys:

Ashlish 14:2

As cheayll mee coraa veih niau, myr sheean ymmodee ushtaghyn, as myr feiyr taarnagh mooar: as cheayll mee kiaull claaseydeyryn cloie er nyn glaasaghyn: