1 Corinthianee 1:9 - Yn Conaant Noa 1810

⁹ Ta Jee firrinagh, liorish va shiu er nyn eam gys sheshaght e Vac Yeesey Creest nyn Jiarn.

Yn Vible Casherick 1775 1819

⁹ Ta Jee firrinagh, liorish va shiu er nyn eam gys sheshaght e Vac Yeesey Creest nyn Jiarn.

1 Corinthianee 1:9 ပူးပေါင်းရင်းမြစ်များ

Noo Mian 24:35

Nee yn aer as yn ooir cherraghtyn, agh my ghoan’s cha jean cherraghtyn.

Noo Ean 17:21

Dy vod ad ooilley ve unnane, myr t’ou uss ayr aynym’s, as mish aynyd’s; dy vod adsyn myrgeddin ve unnane ayninyn: dy vod y seihll credjal dy ren oo my choyrt.

Romanee 11:17

As my ta paart jeh ny banglaneyn brisht jeh, as uss veih billey‐olive ny keylley, soit stiagh ny vud oc, as goaill ayrn mâroosyn jeh’n fraue as soo yn villey‐olive;

Romanee 8:28

As ta fys ain dy vel dy chooilley nhee gobbraghey cooidjagh son y chooid share, dauesyn ta graihagh er Jee, dauesyn t’er nyn eam cordail rish e aigney.

Romanee 8:30

As adsyn ren eh kiarail ro‐laue, orroo shoh ren eh myrgeddin geamagh: as adsyn ren eh geamagh, ren eh myrgeddin seyrey: as adsyn t’eh er heyrey, t’eh myrgeddin er ghloyraghey.

Romanee 9:24

Dy‐jarroo shinyn t’eh er n’eam, cha nee jeh ny Hewnyn ny‐lomarcan, agh jeh ny Ashoonee myrgeddin.

1 Corinthianee 1:30

Agh jehsyn ta shiuish ayns Creest Yeesey eshyn ta liorish Jee er ny yannoo dooinyn creenaght, as cairys, as casherickys, as livrey‐ys:

1 Corinthianee 10:13

Cha vel miolagh erbee er jeet nyn raad, agh lheid as ta cadjin da dooinney: agh ta Jee firrinagh, nagh lhig diuish dy ve er nyn miolaghey erskyn ny oddys shiu y ymmyrkey; agh nee eh myrgeddin lesh y violagh raad y yannoo dy scapail, dy vod niart y ve ayndiu dy ymmyrkey eh.

1 Corinthianee 10:16

Yn cappan dy vannaght ta shin dy oltaghey, nagh nee shoh dy ghoaill ayrn jeh fuill Chreest? Yn arran ta shin dy vrishey, nagh nee shoh dy ghoaill ayrn jeh corp Chreest?

2 Corinthianee 1:18

Agh myr ta Jee firrinagh, cha row yn goo ain hiuish she as cha nee.

Galatianee 1:15

Agh tra by‐chooidsave lesh Jee, ren mish y reih veih brein my vayrey, as deïe eh orrym liorish e ghrayse,

Galatianee 2:20

Ta mee er my chrossey marish Creest: Ny‐yeih ta mee bio; foast cha nee mish, agh Creest ta bio aynym: as y vea ta mee nish dy veaghey ’syn eill, ta mee beaghey liorish credjue Mac Yee, va graih echey orrym, as ren eh‐hene y choyrt er my hon.

Ephesianee 3:6

Dy row ny Ashoonyn‐quaagh dy ve co‐eiraghyn, as jeh’n un chorp, as dy ghoaill ayrn cooidjagh jeh e ghialdyn ayns Creest, liorish y sushtal:

Colossianee 1:24

Ta nish goaill boggey ayns my hurranse er nyn son, as lhieeney seose shen ny ta er‐gooyl jeh seaghyn Chreest ayns my eill, er graih yn chorp echeysyn, ta shen yn agglish:

1 Thessalonianee 2:12

Dy jinnagh shiu gymmyrkey shiu hene feeu jeh Jee, t’er n’eamagh erriu gys e reeriaght as e ghloyr.

2 Thessalonianee 2:14

Huggey deïe eh erriu liorish y sushtal ainyn, gys cosney gloyr nyn Jiarn Yeesey Creest.

2 Thessalonianee 3:3

Agh ta’n Chiarn firrinagh, nee shiuish y niartaghey, as y reayll veih olk.

2 Timothy 1:9

Ta er hauail shin, as er n’eamagh orrin lesh eam casherick, cha nee cordail rish ny obbraghyn ain, agh cordail rish e chiarail hene as grayse va er ny choyrt dooin ayns Creest Yeesey, er‐dy hoshiaght y theihll,

2 Timothy 2:13

My ta shin neu‐firrinagh [dasyn], ny‐yeih t’eshyn tannaghtyn firrinagh; cha vod eh eh‐hene y obbal.

Titus 1:2

Ayns treishteil jeh’n vea veayn, ren Jee nagh vod breg y insh, gialdyn roish my row’n seihll er ny chroo;

Hebrewnee 10:23

Lhig dooin cummal shickyr goaill rish nyn gredjue fegooish scughey; (son t’eshyn firrinagh ta er ghialdyn:)

Hebrewnee 11:11

Trooid credjue hooar Sara ee hene niart dy ghientyn, as ren ee lhiannoo y ymmyrkey lurg y traa cooie, er‐yn‐oyr dy row ee jeeaghyn ersyn dy ve firrinagh va er ghialdyn.

Hebrewnee 2:17

Shen‐y‐fa ve cooie da er dy chooilley aght dy ve jeant casley rish e vraaraghyn; dy voddagh eh ve ny ard‐saggyrt myghinagh as firrinagh, ayns reddyn bentyn rish Jee, dy yannoo lhiassaghey son peccaghyn yn phobble:

Hebrewnee 3:1

Shen‐y‐fa, vraaraghyn chrauee, paarteeassyn ’syn eam flaunyssagh, cur‐jee tastey mie da Yeesey Creest, ostyl as ard‐saggyrt nyn gredjue:

Hebrewnee 3:14

Son ta cairys ain ayns Creest, my ta shin cummal undin nyn marrantys ersyn shickyr gys y jerrey;

Hebrewnee 6:18

Liorish daa red gyn‐caghlaa, ayndoo ve neu‐phossible da Jee dy volley, dy voddagh gerjagh niartal ’ve ainyn, ta er roie son kymmyrk dy ghoaill greme er y treishteil soit kiongoyrt rooin:

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey,

1 Ean 1:3

Shen ny ta shin er vakin as er chlashtyn, ta shin dy hoilshaghey diuish, dy vod shiuish myrgeddin ayrn y ghoaill mârin: as dy jarroo ta’n chommeeys ain marish yn Ayr, as marish e Vac Yeesey Creest.

1 Ean 1:7

Agh my ta shin gimmeeaght ’sy toilshey, myr t’eshyn ’sy toilshey, ta shin freayll sheshaght yn derrey yeh rish y jeh elley, as ta fuill Yeesey Creest e Vac glenney shin veih dy chooilley pheccah.

1 Ean 4:13

Liorish shoh ta fys ain dy vel shin tannaghtyn aynsyn, as eshyn aynin, er‐yn‐oyr dy vel eh er choyrt dooinyn jeh’n Spyrryd echey.

Ashlish 19:11

As honnick mee niau foshlit as cur‐my‐ner, cabbyl bane: as va eshyn va markiaght er enmyssit Firrinagh as Ynrick, as ayns cairys t’eh briwnys as jannoo caggey.